týsdagur 1. juli 2008síða 8

8 tíðindi Nr. 124 - 1. juli 2008 Fakfeløgini eru í øðini av fráboðanini hjá løgmanni um, at nú skulu skip sleppa at avreiða uttanlands sum tey vilja, og tey fara nú at viðgera støðuna. Løgmaður stúrir ikki fyri, at óvirkaður fiskur fer at floyma av landinum Arbeiðs­mArknAður Áki Bertholdsen aki@sosialurin.fo - Tað er ein stór provokatión ímóti fakfeløgunum, tá ið løgmaður nú sigur, at sam- gongan umhugsar at avtaka forboðið hjá føroyskum at avreiða uttanlands. Tað sigur Ingeborg Vinth- er, forkvinna á Føroya Arbeiðarafelag. Hon sigur, at fakfeløgini stríddust í fleiri ár fyri at tryggja, at fiskur, sum før- oysk skip fiskaðu undir Før- oyum, eisini skuldi koma til virkingar á landi í Føroy- um. Tað gjørdu feløgini, tí tað kom alt ov ofta fyri, at skip- ini í stóran mun sigldu bein- leiðis uttanlands við fiski- num. - Tað kostaði nógv ar- beiðspláss á landi og tí stríddust fakfeløgini fyri at tryggja, at fiskurin, sum varð fiskaður undir Føroy- um, eisini kom til virkingar í Føroyum. Ingeborg Vinther sigur, at tað var eitt stríð, sum tók fleiri ár, men at enda var tann regla sett í gildið, at skipini kunnu í mesta lagi avreiða 25% av fiskinum uttanlands. Tí hava fakfeløgini tikið løgmanni tað ógvuliga illa upp, tá ið hann nú sigur, at samgongan fer at umhugsa at avtaka forboðið aftur. Tað er fyri at hjálpa fiski- vinnuni ígjøgnum kreppuna, at samgongan nú umhugsar at avtaka forboðið ímóti at avreiða uttanlands. Samgongan heldur fram- vegis fast um, at almennur stuðul kemur ikki upp á tal fyri at hjálpa fiskiflotanum burturúr oljukreppuni, men hinvegin er samgongan sinn- að at avtaka lógarásettar forðingar fyri at geva fiski- flotanum fríari ræsir at virka og sostatt geva honum betri møguleikar at klára seg. Ogn Føroya fólks Ingeborg Vinther sigur, at tað er beinleiðis ásett í lóg- ini, at fiskiríkidømið undir Føroyum fólksins ogn og sostatt eru tað ikki bara nakrir fáir reiðarar, sum hava ognarrættin til tað. - At fiskurin er ogn Før- oya Fólks, merkir eisini, at fiskurin skal á land í Før- oyum til virkingar, so at eisini fólk á landi fáa ágóð- an av tí. - At flyta fiskin óvirkaðan av landinum setir Føroyar í somu støðu sum menningar- londini, sum bara útflyta sína rávøru, tí tey hava ong- an ídnað sjálvi. Ingeborg Vinther sigur, at hetta er púra skeivur poli- tikkur og er ein avleiðing av, at politiski myndugleikin hev- ur ikki megnað at finna nakr- ar loysnir fyri fiskivinnuna. Fakfeløgini vísa eisini á, at tann støða, at fiskiskap- urin er minkaður so nógv, er ein avleiðing av beinleiðis politiskari vanstýring, tí teir hava ikki megnað at ført ein fiskivinnupolitikk, sum hevur tað neyðugu stovns- røktina við sær. Men ístaðin fyri at taka hond um tann trupulleikan, er loysnin hjá samgonguni at føra fiskin óvirkaðan av landinum. Ingeborg Vinther sigur, at avleiðingin av hesum verð- ur, at fiskurin fer óvirkaður av landinum og virkini koma at standa tóm. - Eg dugi heldur ikki at síggja, hvussu hetta skal fáa fiskaprísin upp og olju- prísin niður. Hon sigur, at fakfeløgini taka hetta í størsta álvara og tey trý feløgini í Samtaki, Føroya Arbeiðarafelag, Havnar Arbeiðsmannafelag og Føroya Fiskimannafelag, fara at viðgera støðuna ein av næstu døgunum at tosa um støðuna. Løgmaður stúrir ikki Hinvegin stúrir løgmaður ikki fyri, at óvirkaður fiskur fer at floyma av landinum fyri tað um forboðið fyri at avreiða uttanlands, verður tikið av. Og tí heldur hann ikki, at fakfeløgini eiga at taka hetta so illa upp. - Eru føroyskir fiskakeyp- arar nøkunlunda kappingar- førir, eru teir altíð førir fyri at bjóða ein prís, sum setir kappingina frá keyparum uttanlands, til viks. Løgmaður sigur, at skal útlendskur keypari verða kappingarførur, skal prís- urin vera rættiliga nógv hægri uttanlands, tí fyri at sigla uttanlands við fiski- num krevst nógv sigling og tað er dýrt við teimum olju- prísum, sum nú eru. Og samstundis missa skipini fiskitíð. Løgmaður sigur, sostatt dugir hann ikki at síggja annað enn at føroyskir keyp- arar altíð hava ein kapp- ingarfyrimun framum út- lendskar keyparar og tí ivast hann ikki í, at føroysku virkini altíð fara at fáa tann fisk, tey hava brúk fyri. - Tí eri eg ikki bangin fyri, at hetta fer at seta okk- um í sama bás sum ávís menningarlond, ið bara út- flyta rávøru. - So leingi, vit hava eina skynsama vinnu, fer hon altíð at megna at bjóða upp á fiskin. Samstundis vísir løgmað- ur á, at forboðið ímóti at avreiða uttanlands er als ongin trygd fyri, at fiskur ikki fer óvirkaður av landi- num. - Í ávísum tíðarskeiðum hevur tað ikki verið óvan- ligt, at fiskur verður av- reiddur um føroyskan bryggjukant, men verður bara kúvendur á bryggjuni umborð á farmaskip og sigldur uttanlands. - Tí er skipanin sum nú er, ongin trygd fyri, at allur fiskur verður virkaður í Før- oyum, sigur Jóannes Eides- gaard. Hinvegin heldur hann, at hava vit gjørt upp við okk- um sjálvi, at vinnan skal hvíla á marknaðarkreftirnar, mugu vit lata tær sleppa at virka og ikki leggja vinnuni forðingar í vegin. Men er vánaligi fiskiskap- urin ikki ein avleiðing av, at politiski myndugleikin ikki hevur megnað at stýrt fiski- vinnuni við neyðugu stovns- røktini. - Tað mugu vit taka á okk- um, staðfestir Jóannes Eidesgaard. Men hann sigur sam- stundis, at samgongan hev- ur sett sær fyri at taka størri atlit at fiskifrøðini, hvat í stovnsrøkt umræður. Løgmaður provokerar arbeiðs- fólk á flakavirkjum Ingeborg Vinther følir seg provokeraðan av fráboðanini hjá løgmanni, men løgmaður dugir ikki at síggja nakran vanda Rás2 sendir av Fjørukrónni í Vestmanna Hetta vikuskiftið bjóða vestmenningar til Fjarðastevnu, og hetta er ein hending, sum fólkini á Rás2 ikki lata fara aftur við borðinum. Tey fara nevniliga at senda rættiliga nógv úr Vestmanna, eins og gjørt hevur verið við hinar summarstevnurnar. Sambært skránni hjá rásini byrja sendingarnar longu hósmorgunin kl. 9:05 og hildið verður á til middags og síðani aftur frá kl. 13 til 15. Fríggjadagin byrja sendingarnar eisini kl. 9:05 og halda fram til middags. Síðani verður ein steðgur fram til kl. 17:15, tá sent verður nærum óbrotið heilt til kl. 21.