týsdagur 8. juli 2008síða 11

11 tíðindi Nr. 129 - 8. juli 2008 Lembingarveðrið í ár var av tí besta, og tað sæst aftur, nú fjøllini verða gingin Á fjalli Árni Joensen arni@sosialurin.fo Longsti dagur er farin, dag­ urin er styttur meiri enn ein hálvan tíma, og sambært kalendaranum fer summarið at halla. Seinastu vikurnar hevur verið liggjandi høg­ ætt. Tað man vera hugaligt hjá teimum, sum búgva vestanfyri, meðan tey, sum búgva eystanfyri, munnu halda landnyrðingin hava verið í so drúgvan hesaferð. Seinasta leygardag fingu hesi ein skáa, tí tá fór hann niður í landssynning, og lotið gjørdist lýggjari. Við Gjógv høvdu tveir av høgunum boðað frá fjall­ gongu hendan leygardagin. Um morgunin var eisini av besta veðri, klárt upp á hvønn tind, men út á fyrra­ partin køvdi hann av í mjørka. Men bara niðri í bygdini. Í erva var klárt og sól, og tá dagurin var liðug­ ur, var lætt at skilja fjall­ menninar burturúr av tí eyð­ kenda reyða litinum, sum sólin hevði givið teimum. Eins og fjallmenninir vóru væl nøgdir við tað góða veðrið, var røktingar­ maðurin í Líðini, Jákup Matras, væl nøgdur við seyðin. Tað sást eisini í rættini, at tað var væl lambað, og røktingar­ maðurin var ikki í iva, hvør orsøkin er til tess. – Nú var mei ógvuliga góður, so vit høvdu sera gott lembingarveður í ár, og tað sæst aftur á talinum. Hin­ vegin var nógv høgætt og rættiliga kalt, so tað var ikki tann nógvi gróðurin í fyrst­ ani. Men tað er væl lambað. Ikki so galið ár Tað var 5. juli leygardagin, og Jákup Matras ásannar, at tað er rættiliga tíðliga at fara á fjall. Men eftir um­ støðunum er tað ikki ov tíðliga, heldur hann. Seyð­ urin er hampiliga væl filað­ ur, og nakað hevur kastað, so tað er í lagi at ganga fjøllini nú, heldur hann. Men hóast tað er væl lambað, og hóast seyðurin er væl fyri, torir røktingar­ maðurin í Líðini ella Ytru Líð, sum onkur nevnir hag­ an, ikki at siga, at árið verð­ ur eitt av teimum góðu. ­ Tað vísir seg nú, sum at gróður er komin í hagan. Men eg veit ikki. Í Líðini plaga vit at siga, at tey vátu árini plagdu at roynast betur í brøttum haga, og at tey turru árini royndust betur í tí slætta haganum. Men sum tað sær út nú, vænti eg, at tað verður ikki so galið. Jazzur á Hvonn Týskvøldið er jazzur aftur á skránni á Hvonn. Tá spælir bólkurin Trio Magnussar og vinmenn. Trio Magnussar eru Magnus Johannesen á klaver, Rógvi á Rógvu á trummum og Edvard N. Debess á bass, men av tí at hann er burturstaddur hevur trioin fingið Johannes á Rógvu Joensen við ístaðin. Afturat sær hevur trioin fingið nakrar vinmenn ella gestatónleikarar. Teir eru Ólavur Olsen á trompet og Dávur Juul Magnussen á trombone. Teir eru báðir kendir í ymsum høpi, bæði her í Føroyum og uttanlanda. Alt bendir á, at hetta verður eitt sera gott tónleika kvøld. Tónleikurin byrjar kl 21. Tvær eykasýningar av E elski Førjar Longu í gjár varð útselt til tær tríggjar sýningarnar hjá E elski Førjar, sum verða í Norðurlandahúsinum sunnu­ mána­ og týskvøldið. Orsakað av tí stóra áhuganum verða tvær eykasýningar. Tær verða mikukvøldið og fríggjakvøldið í næstu viku. Sølan av atgongumerkjum til hesar sýningar byrjar í dag. Tað góða veðrið í mai sæst aftur á rættini Jákup Matras, røktingarmaður, hyggur seg um í rættini Brøðurnir Eliesar í Pálsstovu og Magni Joensen. Postmaðurin í Klaksvík kann annað enn at skilja brøv ...og bankamaðurin Páll Lindi Nólsoy vísti, at hann dugir eisini við saksinum