hósdagur 10. juli 2008síða 5

Nr. 131 - 10. juli 2008 5 tíðindi Reglurnar fyri barna­ ískoyti til einsamallar uppihaldarar koma nú í gildi. Fyrsta útgjaldið verður seinast í september mánaði Barnaískoyti tíðindaskriv Upphæddin er tilsamans 6000 kr. um árið fyri hvørt barnið og verður útgoldin við 1500 kr. hvønn ársfjórð­ ing í forskoti. Fyrsta útgjald verður seinast í september fyri oktober­ársfjórðing 2008. Fyri at fáa barnaískoyti, skalt tú ikki liva saman við øðrum vaksnum í hjúnalag ella í hjúnalagslíknandi par­ lagi. Ert tú gift ella sam­ livandi, hevur tú sostatt ikki rætt til barnaískoyti. Barnaískoyti er ætlað barninum og verður útgoldið mammu ella pápa, sum hevur barnið búgvandi hjá sær. Upphæddin verður javnað hvønn tann 1. januar eftir somu reglum sum aðrar almannaveitingar eftir lóg um áseting og javning av almannaveitingum. Ískoytið er ikki skattskyldugt. Ískoyt­ ið verður ikki mótroknað í aðrari veiting, heldur ikki møguligari forsorgarveit­ ing. Barnaískoytið verður útgoldið fyrstu ferð tann ársfjórðingin, sum kemur aftaná, at rætturin til ískoytið er staðfestur, t.v.s. ársfjórðingin, sum kemur aftaná at barnið er føtt, umsøkjarin er blivin einsa­ mallur, fluttur til landið e.a. Seinasta útgjald er tann árs­ fjórðingin, rætturin fellur burtur, t.v.s. tann ársfjórð­ ingin, barnið fyllir 18 ár, móttakarin er blivin sam­ livandi, flytur av landinum e.a. Lógarbroytingin, sum gevur rætt til barnaískoyti, er gjørd í løgtingslóg um barnagjald til einsamallar uppihaldarar, har ein nýggjur partur 2a (§§ 19a­ 19f) er skoyttur uppí. Lógin fær gildi 1. sept. 2008. Umsóknarbløð eru at fáa á økisdeildunujm hjá Almannastovuni, eins og tey kunnu takast niður á heimasíðuni hjá stovninum. 6.000 krónur til einligar mammur Einsamallir uppihaldarar fáa frá 1. september møguleika at søkja um 500 krónur meira at liva fyri um mánaðin