týsdagur 22. juli 2008síða 7

7 tíðindi Nr. 139 - 22. juli 2008 Jazzur á Hvonn Í kvøld, týskvøld, er jazzur aftur á skránni á Hvonn. Talan er um bólkin, ið tók øll á bóli á Hvonn týsdagin fyri fjúrstan døgum síðan, nevniliga Trio Magnussar og vinmenn ella Katla, ið hann eisini verður kallaður. Í bólkinum eru Magnus Johannesen á klaver, Rógvi á Rógvi á trummum og Edvard N. Debess á bass. Afturat sær hevur bólkurin trompet og trombone leikararnar Ólav Olsen og Dáva Juul Magnussen. Teir eru báðir kendir í ymsum høpi bæði í Føroyum og uttanlanda. Tónleikurin byrjar kl 21. Tað er týskvøld, tað er Hvonn, tað er jazzur, tað er tað. Gerhard Lognberg sigur seg nú kunna bíða til hósdagin við at fáa svar frá løg­ manni viðvíkjandi undirsjóvartunnli til Sandoynna, hóast hann í brævi hevur kravt svar mikudagin. Men at svarið skal vera í tráð við krøv­ ini í brævinum er ongin ivi um. Kári á Rógvi úr Sjálvstýris­ flokkinum sigur, at teir eru til reiðar at samstarva við sam­ gonguna, um tað gerst aktuelt Sandoyartunnil Dagfinn Olsen dagfinn@sosialurin.fo Gerhard Lognberg, javnaðar­ tingmaður úr Sandoynni, hevur sent løgmanni bræv, har hann krevur svar frá løg­ manni um, hvørjar ætlanir­ nar eru viðvíkjandi tunnli til Sandoynna. Gerhard Lognberg vil hava at vita, um byrjað verður at bora í 2010, sum nevnt hevur ver­ ið, og um hvørt Sandoyar­ tunnil ella Eysturoyartunnil verður byrjaður fyrst. "Um byrjað verður at bora fyri Sandoyartunnlin­ um í nov/des 2010, og hetta verður samtykt við lóg, so eri eg partur av samgong­ uni", skrivar Gerhard Logn­ berg, og krevur svar miku­ dagin 23. juli klokka 15.00. Kann nú bíða Løgmaður hevur boðað til fundar hósdagin, og Ger­ hard sigur seg nú kunna bíða til hósdagin. ­ Um eg ikki fái svar mikudagin, so er ikki nógv, eg kann gera við tað. Men eg kann bíða til hosdagin, um tað er so, at tað ikki ligg­ ur fyri at koma við svari inn­ an, tí t.d. onkur er uttanlan­ da, men eg havi so fingið tað burturúr, at eg havi fing­ ið fundarboð hósdagin klokkan 14.00, sigur Ger­ hard Lognberg. Men hann leggur tó dent á, at fyri at stuðul hansara til samgonguna framvegis skal vera tryggur, so skal svarið vera í tráð við krøvini í brævinum til løgmann. Snýttur upp undir eyguni ­ Eg vil ikki vera við til at avtaka Sandoyartunilin. Eg vil hava okkurt í skjáttuna, annars eri eg ikki við, sigur Gerhard Lognberg. ­ Eg havi hoyrt so nógv um alt hetta við at hava álit hvør á øðrum, men eg havi onki at hava tað í. Hygg bara at umstøðunum hjá dal­ bingum og skúvoyingum, ið eru snýttir upp undir eyg­ uni, og eg varði jú av øki­ num, so eg eri snýttur upp undir eyguni, sigur Gerhard Lognberg, sum sigur seg vil­ ja hava dato sett á tunnilsæt­ lanina til Sandoynna, og ik­ ki bert vøkur orð um, at tunnilin skal nokk koma einaferð. Ikki bangin fyri at missa ávirkan ­ Eg havi flutt meg nógv, men nú vil eg hava dato sett á, sigur Gerhard Lognberg, sum leggur afturat, at Sand­ oyar Sýslu Javnaðafelag stuðlar honum í hesum mál­ inum. Gerhard Lognberg er ikki bangin fyri, at hann kann verða settur uttanfyri ávirk­ an, tí samgongan ístaðin leitar sær stuðul hjá Sjálv­ stýrisflokkinum, og tískil letur Gerhard sigla sín egna sjógv. ­ Eg havi siglt mín egna sjógv. Eg havi onki fingið hendanvegin. Teir kunnu gott fara til Sjálvstýrisflokk­ in, men eg skal nokk vera til staðar og gera mítt arbeiði, sigur Gerhard Logn­ berg, ið eftir øllum at døma ikki tekur hendan møguleik­ an í álvara. Kári og Kári eru klárir Kári á Rógvi, tingmaður fyri Sjálvstýrisflokkin, sig­ ur, at teir eru til reiðar at samstarva við samgong­ una. Eg vildi helst, at vit gjør­ du avtalu við samgonguna um nøkur mál, tí vit eru ikki so áhugaðir í at sam­ gongan bjóðar okkum nevndarsessir. Um so var, so kundu teir eisini bara havt gjørt tað beinanvegin, sigur Kári á Rógvi. ­ Vit vóri eisini við til at avgreiða ætlanina um skúla­ verk viðvíkjandi miðnáms­ skúlanum, og halda tað hava týdning at fáa semju um fiskivinnuna og útjaðar­ an, tí har má okkurt gerast. So kann samstarvið møgu­ liga formaliserast seinni, sigur Kári á Rógvi. Men Sjálvstýrisflokkurin hevur sagt, at flokkurin met­ ir ikki, at tunnlar eiga at verða gjørdir, sum støðan er í løtuni. ­ Eg dugi ikki at síggja, at vit hava ráð til Sandoyartun­ nil júst nú, tí annað má rað­ festast fyrst og sveiggj niðureftir er í búskapar­ gongdini. Vit eru ikki bein­ leiðis ímóti tunnli til Sand­ oynna, men spurningurin er heldur, um og nær vit hava ráð. Vit kundu kanska gjørt semju, eisini við sandoyar­ tingmenninar, um at fari undir forkanningar til Sand­ oyartunnilin, tí enn er onki gjørt, so ein veit lítið og onki um ætlanina, sigur Kári á Rógvi. Tunlarnir fylt ov nógv ­ Tunlarnir hava fylt alt ov nógv í politiska arbeiðinum, og teir eru ikki eingang í samgonguskjalinum. Vit kundu til dømis gjørt semju um, at Sandoyartunnilin verður avloysarin hjá Teist­ anum, tá tann tíð kemur, sig­ ur Kári á Rógvi. ­ Hetta er ein spurningur um raðfesting, men um vit ikki fáa hægri undirvísing, og um vit ikki gera okkurt við fiskivinnuna, so verður onki av nøkrum, sigur Kári á Rógvi. Kári á Rógvi afturvísir ikki samstarv við samgong­ una, um høvi verður til tess. ­ Vit vilja sleppa framat politikkinum, sigur Kári á Rógvi úr Sjálvstýrisflok­ inum. Løgmaður tigandi Jóannes Eidesgaard, løg­ maður, hevur onga viðmerk­ ing í løtuni, tí hann fer at geva Gerhardi Lognberg svar, áðrenn miðlarnir fáa meira at vita. Men løgmaður hevur boðað til fundar hós­ dagin, og bæði Gerhard Lognberg, og onnur, mugu geva tol og bíða til ta tíð við at fáa at vita, hvussu lagnan hjá Sandoyartunnlinum verður, og harvið møguliga eisini hvussu verður við stuðlinum hjá Gerhardi Lognberg til samgonguna, og um Sjálvstýrisflokkurin kann fyrireika seg av álvara til at sleppa framat politikki­ num. - Eg kann bíða til hósdagin - Eg havi hoyrt so nógv um alt hetta við at hava álit hvør á øðrum, men eg havi onki at hava tað í. Eg eri snýttur upp undir eyguni, sigur Gerhard Lognberg, sum sigur seg vilja hava dato sett á tunnilsætlanina til Sandoynna, og ikki bert vøkur orð um, at tunnilin skal nokk koma einaferð Andstøðutingmaðurin, Kári á Rógvi úr Sjálvstýrisflokinum, afturvísir ikki samstarv við samgonguna, um høvi verður til tess.