hósdagur 31. juli 2008síða 19

Nr. 144 - 31. juli 2008 19 SAMBAND jákup Mørk jAkup@SoSiAluriN.fo tlf. 341800 ítróttur Hóast tað ikki varð á Tórsbreyt, so var undirtøkan fyri árligu ólavsøkurenningini, ið Bragdið skipar fyri, heilt góð. 260 luttakarar kapprunnu í góðveðrinum á Skála­ trøð sunnukvøldið RENNING Rólant Waag Dam rolant@sosialurin.fo Vaksnu luttakararnir runnu fimm kilometur, og børn og ung runnu ávíkavist 600 og 1200 metrar. Hetta gjørdu ung sum eldri skjótt og væl. Guttormur Sørensen var kvikastur hjá monnunum, og brúkti 16 minuttir og 44 sekund um fimm kilometur langa teinin. Honum á baki vóru Regin Zachariassen og Andrias Hansen, sum brúktu 16.50 og 17.01 um sama tein. Við øðrum orðum var eingin ivi um, hvør vinnarin. Guttormur Sørensen frá Treystinum kom væl frá byrjan, og hóast 48 ára gamli Regin Zachariassen hálaði væl inn móti enda­ num, var Guttormur ikki færri enn seks sekund fyrr um málstrikuna. Hetta er eisini fult í tráð við tað, sum er hent á hinum kappingunum kring landið í summar, har Guttormur Sørensen hevur verið ógvuliga stinnur. Hóast nummar tvey í bólkinum hjá monnum, so rakk góða úrslitið hjá Regini Zachariassen til eitt fyrsta pláss í øðrum bólki. Hann vann nevniliga kapp­ ingina hjá veteranum, har luttakarar millum 45 og 54 ár runnu, og kom Regin Zachariassen næstan ein heilan minutt fyrr á mál. Næstir honum vóru Borgar Biskusstø við tíðini 17.45 og Absalon Hansen við tíðini 18.34. Menninir kappaðust eis­ ini í einum superveteran bólki. Hetta er fyri menn, ið eru 55 og eldri. Tríggir teir fremstu her vóru Jens Weihe, Óli Olsen og Stein­ dór Hjaltalin. Hesir høvdu ávíkavist tíðina 20.04, 20.05, og 21.23. Við øðrum orðum var kappingin um fremsta sessin í hesin bólki ógvuliga hørð. Hetta var eisini mest spennandi vaksnamannakappingin. Átta luttakarar vóru í hesum bólki, og tilsamans luttóku 56 mans. 24 kvinnur Hjá kvinnunum var absolutt eingin ivi. Bjørk Herup Olsen hevur verið suveren seinastu tíðina, og tað var hon eisini sunnukvøldið. Unga havnardaman, sum er fødd í 1991, var ein heilan minutt og 40 sekund fyrr um strikuna enn nærmasti kappingarneytin. 18 min­ uttir og 23 sekund brúkti Bjørk Herup Olsen um teir fimm kilometrarnar. Hóast nærmasti kapping­ arneytin var rímiliga langt aftanfyri, var tað ógvuliga hugaligt at staðfesta, at eisini hetta var ein ung dama. Rannvá Djurholm er eitt ár yngri enn Bjørk Herup Olsen, men brúkti 20 minuttir og trý sekund um teinin. Hildur Enni var triðja kvinnan, ið rundaði teir fimm kilometrarnar, og tað gjørdi hon við tíðini 20 minuttir og 11 sekund. Hjá kvinnuveteranunum var Lydia Gardar tann kvikasta. Í kapping við tvær aðrar kvinnur, var hon fyrst á mál við tíðini 24 minuttir og 26 sekund. Hinar báðar vóru Ingrid B. Patursson og Jessie Hansen við tíðunum 25.05 og 29.10. Tvær kvinnur vóru umboðaðar sum super­ veteranar. Hesar vóru Louisa Svensson og Maria Vilhelmsen, sum brúktu 24 minuttir og 32 sekund og 26 minuttir og 42 sekund um teinin. Í kvinnurenningini lut­ tóku 24 kvinnur. Nógvir ungdómar og børn Nógv tann størsti luttak­ araskarin vóru ungdómarin og børnini. 180 vóru hesi í tali. Tey sluppu at gera seg galdandi eftir, at tey vaksnu høvdu runnið. Kappast var í fýra ymiskum aldurs­ bólkum, bæði hjá gentum og dreingjum. Hjá gentunum vann Elisabet Holm Simonsen kappingina á 600 metra teininum. Hetta gjørdi hon við tíðini 02.33. Hetta var 15 sekund frammanfyri Mariu Biskupstø og 20 sekund frammanfyri Urd Reginsdóttir á Lofti, sum gjørdust nummar tvey og trý. Hjá gentum føddar millum 1995 og 1997, var Kristin Lív Svabo Jónsdóttir fyrst á mál við tíðini fýra minuttir og 27 sekund. Og hjá gentum føddar millum 1991 og 1994 vann Rebekka Fuglø við tíðini 3 minuttir og 59 sekund. Í hesum báðum bólkum var kappast á 1200 metrum. Í dreingjakappingini fyri teir, sum vóru føddir í 2001 ella seinni, var Óli Eyð­ steinsson fyrstur á mál. Hann brúkti tveir minuttir og 24 sekund og teir 600 metrarnar. Ari Olsen var fyrstur hjá teimum, ið eru føddir millum, 1998 og 2000, og brúkti hann ein minutt og 57 sekund um 60 metrar. Regin Joensen og Rúni Seloy brúktu ávíkavist tríggjar minuttir og 58 sekund og tríggjar minuttir og 39 sekund um 1200 metrar. Regin Joensen í kappingini fyri dreingir, ið vóru 13 ár og yngri, og Rúni Seloy fyri kappingina fyri dreingir 17 ár og yngri. Bjørk og Guttorm vunnu á ólavsøku Guttormur Sørensen var kvikastur hjá monnunum, og brúkti 16 minuttir og 44 sekund um fimm kilometur langa teinin Mynd: Pauli Djurholm Menn 5 km 1. Guttorm Sørensen, Treysti 16.44 2. Regin Zachariassen, Bragdið 16.50 3. Andrias Hansen, Bragdið 17.01 Menn – veteranar 45+ 5km 1. Regin Zachariassen, Bragdið 16.50 2. Borgar Biskupstø, Tresyti 17.45 3. Absalon Hansen, Bragdið 18.34 Menn – superveteranar 55+ 5km 1. Jens Weihe, Sørvágur 20.04 2. Óli Olsen, Bragdið 20.05 3. Steindor Hjaltalin, Bragdið 21.23 Kvinnur 5km 1. Bjørk Herup Olsen, Bragdið 18.23 2. Rannvá Djurholm, Bragdið 20.03 3. Hildur Enni, Tórshavn 20.11 Kvinnur – veteranar 45+ 5km 1. Lydia Gardar, Tórshavn 24.26 2. Ingrid B. Patursson, Bragdið 25.05 3. Jessie Hansen, Hoyvík 29.10 Kvinnur – superveteranar 55+ 5km 1. Louisa Svensson, Tórshavn 24.32 2. Maria Vilhelmsen, Bragdið 27.42 Dreingir 7 – 600m 1. Óli Eyðsteinsson, Treysti 02.24 2. Jóhan H. Joensen 02.28 3. Hans Siversen 02.30 Dreingir 10 – 600m 1. Ari Olsen, Strendur 01.57 2. Erlendur Magnusson, Hoyvík 02.02 3. Andrias Fríðuson Gaard, Hoyvík 00.02.05 Dreingir 13 – 1200m 1. Regin Joensen, Bragdið 03.58 2. Jákup Olavsson 04.25 3. Niklas Magnusson, Hoyvík 04.30 Dreingir 17 – 1200m 1. Rúni Seloy, Bragdið 03.39 2. Hanus Pál Jógvansson, Nólsoy 04.10 3. Sjúrður E. Samuelsen, Tórshavn 05.26 Gentur 7 – 600m 1. Elisabeth Holm Simonsen, Bragdið 02.33 2. Maria Biskupstø, Treysti 02.48 3. Urd Reginsdóttir á Lofti, Argir 02.53 Gentur 10 – 600m 1. Lív Árting 02.13 2. Vár Árting 02.15 3. Paulina Fuglø, Treystið 02.17 Gentur 13 – 1200m 1. Kristin Lív Svabo Jónsdóttir, Frælsi 04.27 2. Birita Jacobsen, Tórshavn 04.39 3. Bjørk Reynagarð Svabo, Frælsi 04.41 Gentur 17 – 1200m 1. Rebekka Fuglø, Treysti 03.59 2. Jenny Jónsdóttir Kragesten, Tórshavn 04.54 3. Barbara Eysturoy, Tórshavn 06.03 Úrslit frá ólavsøkurenningini