fríggjadagur 1. august 2008síða 2

2 Nr. 145 - 1. august 2008 Fuglfirðingar hava útvegað sær privata fígging til ein tunnil úr Kambsdali yvir í Skálafjørð og nú biðja teir landsstýrið um loyvi at fara undir arbeiðið. Teir siga, at bæði fyri samfelag og vinnulív verður tað ein stórur vinningur Tunnil Áki Bertholdsen aki@sosialurin.fo - Ein nýggjur tunnil ímillum Kambsdal og Skálafjørð, verður ein stórur vinningur fyri bæði vinnulívið og fyri Samfelagið. Tað staðfestir Sigurð Simonsen, borgarstjóri í Runavík. Fuglafjarðar Kommuna hevur nú heitt á landsstýrið um at fara undir ein tunnil ímillum Kambsdal og Skálafjørð. Men vil Landsstýrið ikki gera tunnilin, vilja fugl- firðingar sleppa at gera hann sjálvir og teir siga, at tað er ongin trupulleiki at útvega fígging til arbeiði. At gera tunnil ímillum Kambsdal og Skálafjørð er ikki nakað nýtt mál, tí tað eru eini 30 ár síðani, at fuglfirðingar luftaðu tankan fyri fyrstu ferð. Higartil hevur tað verið til fánýtis, men í eini roynd afturat at fáa gongd á málið hevur Fuglafjarðar Komm- una nú søkt um loyvi til at stovna eitt privat felag saman við øðrum kommun- um, vinnulívi og peninga- stovnum og sum síðani skal gera tunnilin. Í fjør vildi samgongan ikki ganga umsóknini á møti, tí vinnumálaráðið vísti á, at landið skal standa fyri samferðsluútbygging- um, sum hesari. Málið kom tó ongantíð til politiska viðgerð í løg- tinginum og nú ein nýggj samgonga er komin til, royna fuglfirðingar enn einaferð at fáa gongd á málið. Tí hava teir enn einaferð heitt á landsstýrið um at fara undir tunnilin. Men raðfestir samgongan ikki hendan tunnilin, biðja fuglfirðingar enn einaferð um loyvi til at stovna eitt privat partafelag at standa fyri arbeiðinum eftir sama leisti, sum ætlanin hevur verið at fara undir Eystur- oyartunnilin. - Vit hava kannað málið og tað hevur gingið væl at útvega privatar íleggjarar til verkætlanina, sigur Sigurð Simonsen. Lágt bummgjald Hann sigur, at útrokningar vísa, at við einum bumm- gjaldi upp á 10 krónur fyri persónbilar og upp á 40 krónur fyri størri bilar, er hetta ein íløga, sum ber seg væl eftir 30 ár. Ein tunnil ímillum Kambsdal og Skálafjørð verður einar 2300 metrar langur og fer at kosta 130 milliónir at gera. - Kanningar hava alla tíðina víst, at ein slíkur tunnil loysir seg væl fyri samfelagið og hesi seinastu árini er ferðslan so nógv økt, at hann loysir seg upp aftur betri í dag. Sigurð Simonsen sigur, at hesin tunnilin styðjar eisini væl uppundir ætlanina at gera tunnil ímillum Streymoy og Eysturoy tí úr Skálabotni og út á Strendur verður skjótast vegur í undirsjóvartunnilin. Hann sigur, at kanningar vísa, at ferðslan ígjøgnum ein tunnil ímillum Kambs- dal og Skálafjørð, verður so stór, at tað fer at spara einar 50.000 kilometrar í koyring um dagin, umframt at bilarnir sleppa undan at sleipa seg upp um tvey eiði, so fyri umhvørvið hevur tað eisini stóran týdning, tí tað sparir nógv CO2 útlát. Vilja hava privatan tunnil fyri 130 milliónir - Ein tunnil ímillum Kambsdal og Skálafjørð førir eina so stóra sparing við sær, at tað loysir seg væl hjá privata vinnulívinum at gera hann, sigur Sigurð Simonsen, borgarstjóri í Fuglafirði Stephanssons Hús á Kongabrúnni er til leigu! Bygningur er í 4 hæddum og hvør hæddin er uml. 66 m2 . Ring 314291, ella skriva til ingvorn@stephanssonshus.fo BESTA ADRESSA Í HAVN TIL LEIGU!