týsdagur 5. august 2008síða 16

16 Nr. 147 - 5. august 2008 100 ára føðingardagur á Tvøroyri Leygardagin 9. aug. verður Fredrikka Danielsen (vanliga nevnd Drikka) á Tvøroyri 100 ár. Dagurin verður hildin á Eldrasambýlinum, Við Sílá 28, frá kl.11.00 til 16.00 Tøkk Hjartaliga takka vit øllum, sum á ymiskan hátt sýndu samkenslu, tá kæri maður mín, pápi, verfaðir, abbi og langabbi okkara Meinhardt Arge andaðist og varð jarðaður. Vegna familjuna Tóra, Inger, Gunnleyg, Finnbogi og Árni Í gjár, mánadagin 4. august, fylti Harry Hovman Hansen á Toftum 70 ár. Fyri arbeiðs­ tíð heiðraði streingjakórið í missiónshúsinum føðingar­ dagsbarninum við sangi uttan fyri heimið uppi á Regni. Seinni fóru Harry og konan til Havnar, har dreingirnir búgva, og teir tríggir – synirnir báðir og 70 ára føðingardagsbarnið – runnu sær ein góðan túr, áðrenn føðingardagurin varð hildin saman við teim­ um næstu. Tað er ivaleyst í sambandi við renningina, at fólk kring landið komast við Harry. Tá ið elsti sonurin, Absalon, í áttati árunum og upp í níti árini gjørdi nógv við renn­ ingina og vann gull á mara­ tonteininum á Oyggjaleik­ unum í Føroyum í 1989, varð pápin eisini bitin av renningini. Harry hevur altíð verið áhugaður í ítrótti, og tað hevur ligið væl fyri í eitt nú bóltspæli og fimleiki. Seinnu árini hevur Harry luttikið í nógvum rennikapp­ ingum, hann var ein av ábyrgdarpersónunum í Hjartafelagnum og í at skipa fyri kappingum í frælsum ítrótti á Svanga­ skarði, og hann rennur fram­ vegis. Tá ið Norðoyatunnilin varð latin upp fyri gott og væl tveimum árum síðani, rann hann av Nesi og um­ vegis fleiri kirkjur og norð­ ur til Klaksvíkar. Og í summar hevur hann runnið úr Elduvík og út á Toftir, umframt at hann ofta fer teinin teir tíggju kilometr­ arnar runt Toftavatn ella út á Nesvatn og Eystnes. Harry er toftamaður, og hann hevur alla sína tíð búð á Toftum. Hann var yngstur av teimum níggju børnunum hjá Hansinu, sum var ættað úr Elduvík, og Antoni Hansen, sum var úr Túni á Toftum. Harry var blaðungur, tá ið hann fór til skips. Hann var tiltikin nærlagdur og skjótur egnari og var eitt nú við Vesturhavinum Blíða og Columbusi, umframt at hann eisini róði út í Grøn­ landi. Tá ið hann var tilkomin, lærdi Harry til rørleggjara hjá Bjarna Hansen í Runa­ vík. So var hann maskin­ maður á flakavirkinum Nyki í nøkur ár. Lívsstarvið fór Harry undir í 1980, tá ið hann gjørdist skúlatænari í Tofta skúla, sum júst tá varð útbygdur. Umframt at taka sær av skúlanum, hava Harry og konan í mong ár tikið sær av at passa svimji­ hylin í Tofta skúla. Ídni, nærlagni og trúfesti hava eyðkent tey bæði, og tað hevur verið tiltikið, hvussu væl skúlin og svimji­ hylurin á Toftum hava verið røkt og umsitin. Síðani í fjør, tá ið Harry segði starvinum í skúlanum farvæl, hevur hann arbeitt í Valhalla og í egninarskúru­ num á Toftum. Áhugin fyri seyði og seyðahaldi hevur altíð verið góður, og Harry hevur framvegis seyð. Hug­ urin at arbeiða er tann sami, og hóast árini nú eru 70, so eru orkan og evnini fram­ vegis góð. Harry er giftur Emmu, sum eisini er ættað av Toft­ um. Foreldur hennara vóru Nanna og Wenzel Olsen ella Wenzel í Køkinum, sum hann varð nevndur. Emma og Harry fingu fýra børn: Absalon (1959), Wen­ zel (1963­2006), Hansy (1969­1970) og Hans (1973). Styrkina og troystina at bera saknin og sorgina eftir missin av tveimum børnum hava Emma og Harry leitað sær hjá honum, sum er kær­ leikin, og sum hevur alt vald í himli og á jørð. Tey eru trúgv í kirkjuni og missiónshúsinum, og Harry er altíð klárur at avleggja ein vitnisburð. Teimum báð­ um hevur dámað væl at ferðast, og nú gleða tey seg til seinni í heyst at vitja í heilaga landinum. Absalon hevur verið tofta­ maður í Havn, síðani hann var blaðungur. Fyri einum ári síðani flutti Hans til Havnar, eftir at hava búleik­ ast í Århus í fleiri ár. At lítla Emma nú er komin so mik­ ið nær, at tað er møguleiki hjá henni ofta at vitja hjá ommuni og abbanum á Toft­ um og hjá teimum báðum at vitja ommu­ og abba­ dóttrina í Havn, er fallið í ógvuliga góða jørð. Hjartaliga tillukku Harry! Tær og tínum verður ynskt alt tað besta. Skyldmaður Andlát og jarðarferðir Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Gunver von Jessen, fødd Zachariasen, van­ liga nevnd Dyssa, and­ aðist fríggjadagin 1. august í Nivå, 78 ára gomul. Jarðarferðin verður úr Nivå kirkju fríggjadagin 8. august klokkan 15.00. Andlát og jarðarferðir Harry Hansen 70 ár