mikudagur 6. august 2008síða 13

Nr. 148 - 6. august 2008 13 tíðindi - Vit fegnast um, at grundraksturin er góður, og at nettoinntøkurnar eru øktar úr 133 miljónum krónum fyrra hálvár í 2007 upp í 161 miljónir krónur fyrra hálvár í ár, sigur bankin, sum heldur, at búskaparligu útlitini fyri Føroyar eru góð, og at vit kunnu rokna við einum búskaparvøkstri í 2008 upp á eini 5% Fíggjarheimur Vilmund Jacobsen vilmund@sosialurin.fo Nú hálvársroknskapurin hjá Føroya Banka er almanna­ kunngjørdur í dag, sigur bankin í tíðindaskrivi, at grundraksturin hjá bankan­ um er nógv batnaður fyrra hálvár í 2008. ­ Fyri skatt, kursjavnan og burturleggingar vóru inntøkur bankans 83 mil­ jónir krónur fyrra hálvár í ár samanborið við 69 miljónir krónur sama tíð­ arskeið í 2007. Eftir skatt, kursjavnan og burturlegg­ ingar er hálvársúrslitið soleiðis 21 miljónir krónur fyrra hálvár í ár samanborið við 84 miljónir krónur sama tíðarskeið í fjør. Føroya Banki fegnast um, at grundraksturin er góður, og at nettorentuinntøkurnar eru øktar úr 133 miljónum krónum fyrra hálvár í 2007 upp í 161 miljónir krónur fyrra hálvár í 2008. Solvensur bankans er 18,2 prosent, ið er meira enn tví­ falt so nógv sum minsta­ kravið. Gjaldføri bankans er eisini gott, 79 prosent yvir minstakravið. Føroya Banki ásannar kortini, at hóast betri grund­ rakstur, er avlopið fyrra hálvár í 2008 ikki eins stórt og fyrra hálvár í 2007. ­ Hetta kemst í høvuðs­ heitum av einum kurstapi á 39 miljónir krónur upp á virðisbrøv fyrra hálvár í ár samanborið við ein kurs­ vinning á 11 miljónir krón­ ur sama tíðarskeið fjør. Eisini hevur bankin burtur­ lagt 18 miljónir krónur fyrra hálvár í ár, meðan talan var um eina afturføring somu tíð í fjør upp á 22 miljónir krónur. Forstjórin í Føroya Banka, Janus Petersen, sigur, at tey eru væl nøgd við, at bankin fyrra hálvár í ár hevur megnað at hava eitt gott avlop – og at hildið er fast um útlitini fyri árið annars. ­ Vit hava valt at hava stórt gjaldføri, sum er sett í virðisbrøv. Fyrra hálvár, tá órógv var á virðisbræva­ marknaðunum, hevði bank­ in tí eitt lutfalsliga stórt kurstap, men hesi kurstap eru sambærlig við gongdina á virðisbrævamarknaðun­ um, leggur hann aftrat. Góð spjaðing Føroya Banki sigur í tíð­ indaskrivinum, at stórur dentur hevur verið lagdur á at hava góð útlán, eins og at útlán bankans eru væl spjødd, sum tikið verður til. ­ Tá fyrra hálvár í ár endaði, stóð eingin vinnugrein fyri meira enn 10% av útlánum bankans. Størstu útlán bankans, sum eru til fiskivinnuna, minkaðu fyrra hálvár við 3%. ­ Fiskivinnan stendur nú fyri 10% av útlánum bank­ ans. Hetta merkir sam­ stundis, at útlán til aðra vinnu eru vaksandi. Tilsamans 49% av út­ lánunum hjá Føroya Banka eru vinnulán – og 46% eru privatlán, harav út við 80% eru bústaðarlán. Bankin metir, at hóast ein ávís lækk­ ing hevur verið í bústað­ arprísunum í 2008, eru hesi lán góð. At enda eru seinastu 5% av útlánunum hjá bankanum til tað almenna. Út-og innlán Útlánini hjá Føroya Banka vóru 30. juni í ár tilsamans 7,7 miljardir krónur sam­ anborið við 7,5 miljardir krónur við ársbyrjan 2008. Útlánini øktust soleiðis við 216 miljónum krónum. Innlánini vóru 5,6 mil­ jardir krónur fyrra hálvár í ár samanborið við 5,5 mil­ jardir krónur við ársbyrjan. Hálvárið 2007 vóru inn­ lánini 4,8 miljardir krónur, og seinasta árið eru inn­ lánini økt við 725 miljónum krónum. Eginpeningurin í Føroya Banka er nú 1.364 miljónir krónur samanborið við 1.345 miljónir krónur við ársbyrjan. Fíggjarjavnin er 9,6 mil­ jardir krónur. Útlitini Føroya Banki metti við ársbyrjan, at úrslitið í 2008 fyri skatt og virðisjavnan fór at gerast millum 165 og 185 miljónir krónur, og bankin heldur fast við við hesa meting. ­ Vit vænta, at rentuinn­ tøkurnar fara at vaksa við millum 12 og 18% í 2008. Hetta er størri vøkstur enn væntað í ársfrágreiðingini frá 2007. Økti vøksturin stendst í høvuðsheitum av vøkstri í útlánum og eini væntan um bøttan rentu­ marginal seinna hálvár. Samanumtikið metir Føroya Banki, at búskap­ arligu útlitini fyri Føroyar góð, og at vit kunnu vænta við einum búskaparvøkstri í ár upp á eini 5%. 21 miljónir krónur í avlopi Forstjórin í Føroya Banka, Janus Petersen, sigur, at tey eru væl nøgd við, at bankin fyrra hálvár í ár hevur megnað at hava eitt gott avlop – og at hildið er fast um útlitini fyri árið annars