hósdagur 14. august 2008síða 34

34 [ Nr. 154 - 14. august 2008 ] Omma David Carry, sum hevur umboðað Bretland í svimjing á summarleikunum í Beijing lýsir David, sum eitt gott menniskja, og sum eina sanna leiðaratypu Heri Simonsen heris@sosialurin.fo David Carry og liðfelagarnir vóru bert 96/100 av einum sekundi frá at vinna eitt olympiskt bronsumerkið í 4 x 200 metrar frí. Men David, Ross Davenport, Andrew Hunter og Robbie Renwick kunnu kortini verða stoltir av avrikinum hjá sær. Umframt at gerast nr. 6 í Heimsins størstu og bestu ítróttarkapping, so settu hesir fýra bretsku svimjarnir eisini tvey bretsk met innanfyri eitt samdøgur. David sjálvur setti bretskt met fyri sínar 200 metrar, sum einstaklingur, og kunnu liðfelagarnir í stafett­ ini bera høvdið høgt. Bretska metið hjá David í 200 metrar frí er 1.46.47. Fyrra metið hjá stafettlið­ num fyri 4 x 200 metrar frí er 7.07.89. Hetta bretska metið varð sett í hálvfinal­ uni, sum var týsdagin. Miku­ dagin slóu bretarnir sítt egna met í finaluni, og end­ urnýggjaðu bretska metið við tíðini 7.05.92, og megn­ aðu David og liðfelagarnir soleiðis at bøta um sítt egna bretska met við 2 sekundum, og tað innan eitt samdøgur. Ein góður drongur Í gjáramorgun prátaði undir­ ritaði við ommu David, Haslu Elder í morgunsend­ ingini hjá Rás2. Hasla, sum er fødd Josephsen er ættað úr Klaksvík. Hasla býr í Aberdeen. Hasla sat uppi tíðliga mikumorgun fyri at fylgja við í finaluni í 4 x 200 metrar frí. – Áh sum tað ergrar meg, at hann ikki fekk hasa medaljuna. Tað var so nær, eg eri virkuliga kedd av tí. Men amerikan­ arnir eru ov sterkir. Hasla greiddi eisini frá, at tann nú 26 ára gamli David varð bert 2 ára gam­ al, tá hann fyrstu ferð fór í ein svimjihyl, og var hon við honum tá. – David er ein einastandandi fittur drongur, og er hann ótrúliga menniskjaligur. Hann er ein sannur føroyingur. Hann líkist akkurát Álvi beiggja mínum, og er David sera stoltur av at verða av føroyskari ætt. Tað stendur eisini nevnt í summum heimasíðum, at David Carry er ein skotskur svimjari, sum er av føroysk­ ari ætt. Hasla greiddi frá, at tá David gjørdist Common­ wealth­meistari (bretskur samveldismeistari), tá varð hann størsta hetjan í Aber­ deen. Í 2006 gjørdist David Commonwealth­meistari í 400 metrar frí, og í 400 metrar medley fyri einstak­ lingar. Men Hasla heldur ikki, at svimjihyljarnir í Aberdeen eru nakað at reypa av. – Svimjihøllin í Klaksvík, og eisini tann í Havn eru á einum nógv hægri støði, enn svimjihall­ irnar í Aberdeen. Eg havi sagt við David, at hann má fara ein túr til Føroya, og royna tann deiliga svimji­ hylin í Klaksvík. Her í Aber­ deen hugsa teir bara um at steingja svimjihallirnar. Betri umstøður í Onglandi Vegna vantandi optimalar venjingarumstøður flutti David úr Aberdeen, og til økið kring Leicester í Ong­ landi at lesa. David hevur lisið á lærda háskúlanum í Loughborough, og har hev­ ur hann havt optimalar um­ støður at venja í 50 metrar hyli. Og úrtøkan hevur eis­ ini verið stór. Eitt ótal av skotskum og bretskum meist­ araheitum og metum, um­ framt commonwealthmeista raheitini. Hasla fortelur, at David fer at gevast at svimja á hægsta stigi, men at kroppurin er so hart vandur nú, at tað fer at taka eitt ár hjá David at trappa niður aft­ ur. Hasla væntar, sum skilst á lagnum, at David fer at verða við til at reika fyri olympisku summarleikun­ um, sum skulu verða í London í 2012. – David er ein sannur leiðari. Tað var beinanvegin, at hann kom í bretska svimjihópin, at hann gjørdist ein leiðari í hópi­ num. David gevur sær altíð tíð at vitja ommu sína í Aber­ deen, tá hann er staddur í Aberdeen. Hasla hevur heitt á David, um at koma við sær ein túr til Føroya, og vónar hon, at tað gerst veru­ leiki, áðrenn alt ov long tíð er fráliðin. Hasla Elder: – David er stoltur av at vera av føroyskari ætt! SAMBAND jákup Mørk jAkup@SoSiAluriN.fo tlf. 341800 ítróttur Katrin Olsen og Juliane Elander sluppu ikki at rógva hálvfinalu í dag. Tær báðar skuldu annars verið í bátin­ um klokkan 8.30 okkara tíð í morgun. Veðrið í Beijing hevur ikki verið eftir vild. Nakað av vindi og torusláttri hevur verið í morgun, og tí eru róðrarnir í dag avlýstir. Ístaðin verður róð í morg­ in, tá ætlanin annars var at halda hvíludag. Sum skilst, so er klokkutíðin framvegis tann sama. Altso klokkan 8.30 føroyska tíð fríggja­ morgunin. Mørk Torusláttur og vindur gjørdu, at Katrin Olsen og Juliane Elander ikki sluppu at seta seg við árarnar í dag í semifinaluni, sum er útsett til morgin Hálvfinalan hjá Katrin útsett