týsdagur 7. august 2001síða 2

2 Nr. 149 - 7. august 2001 Nr. 149 - 7. august 2001 3 Tórshavnar býráð og Løgmansskrivstovan eru ósamd um byggiloyvi, sum ein privatmaður hevur fingið á kommunalari grund BYGGISTRÍÐ Eirikur Lindenskov Úti í Bakka í Havn hevur eitt stríð tikið seg upp um eitt byggimál. Ein maður hevur søkt kommununa um at sleppa at leiga eina neystagrund at byggja sær eini sethús á. Kommunan hevur játtað honum hesa umbøn, hevur gjørt leigu- sáttmála við mannin. Og maðurin er farin at byggja. Men ein trupulleiki er, at økið, sum neystagrundin liggur á, hoyrir undir ser- ligu byggisamtyktina fyri Reyn, og í hesi byggisam- tykt eru serligar reglur galdandi. Eitt nú er m a t r i k k u l n u m m a r i ð , neystagrundin liggur á, ætlað almennum stovnum og skrivstovum. Tí má byggisamtyktin broytast, ella frávik gerast, um set- hús skulu byggjast. Tá ein kommuna ger ein slíkan leigusáttmála, skal hann eisini góðkennast av landsstýrinum, og tí sendi kommunan sáttmálan til góðkenningar – og sátt- málin varð góðkendur í landsstýrinum. – Tað stendur púra greitt í leigusáttmálanum, at ognin skal brúkast til privatan bústað, tí tók umsitingin hjá okkum tað sum givið, at góðkenningin av sáttmál- anum samstundis var ein góðkenning av fráviki í byggisamtyktini, sigur Jan Christiansen, borgarstjóri í Havn. Jan Christiansen vísir á, at tað er sami myndugleiki, ið skal góðkenna leigusátt- málan sum skal geva frávik í byggisamtyktini, tí dugir hann ikki at skilja, at neyð- ugt skal vera at senda umsóknina í tveimum. Hann vísir á, at tað er ein tung prosess at broyta eina byggisamtykt, og at komm- unan tí bað um eitt undan- tak – og soleiðis skuldi tað skiljast, tá kommunan bað Løgmansskrivstovuna góð- kenna leigusáttmálan. Mánadagin í síðstu viku fóru menn undir bygging- ina oman á neystagrundini. Men eftir at grannar høvdu kært til Løgmansskriv- stovuna, varð byggingin steðgað. Jan Christiansen, borgar- stjóri, sigur, at býráðið nú fer at orða eitt skriv til Løg- manssrkivstovuna, har tey fara at greiða frá sjónar- miðunum hjá kommununi. – Vit eru ósamd við tulkingina hjá Løgmans- krivstovuni. Vit tulka hetta sum eina umsókn um frávik í byggisamtyktini, sigur hann. Men í einum innanhýsis notati hjá Løgmansskriv- stovuni skrivar Eyðbjørn Larsen, fulltrúi, at Løg- mansskrivstovan hevur boðað Jóannes Madsen, advokati hjá Tórshavnar býráð frá, at ætlanirnar við økinum eru ikki í samsvar við byggisamtyktina, men at hetta annars ikki hevur týdning fyri góðkenning av leigusáttmálanum. Løgmansskrivstovan hevur fyrr avvíst leigusátt- mála millum býráðið í Havn og mannain, sum søkti um at leiga grundina. Fyri tveimum árum síðani vildi Løgmansskrivstovan ikki góðkenna leigusátt- málan m. a. tí, at eitt kommunalt grundøki eigur at verða lýst til sølu ella leigu. Fíggjarnevndini hjá kommununi samtykti í november 1999 at mæla býráðnum til at taka skrivið frá Løgmansskrivstovuni til eftirtektar og harvið taka samtyktina um leigu av ognini aftur. Síðini hevur málið koyrt eitt sindur aftur og fram í umsiting og nevndum í býráðnum, og á fundi 23. mai í ár samtykti ein meiriluti í Fíggjar- nevndini at góðtaka nýggja uppskotið til leigusáttmála, sum advokatar hjá býráð- num og landsstýrinum í felag hava gjørt, har m. a. ásett er, at føst leiga er 300 kr um mánaðin. Minnilutin, andstøðuumboðini, sóknast eftir eini grundgeving frá landsstýrinum (kommunala eftirlitinum) til at ganga frá fyrru niðurstøðu síni, og helt tí fast við fyrru sam- tyktina. Saman við grannunum hevur minnilutin í býráð- num kært avgerðina. Minnilutin í býráðnum heldur eisini, at byggi- loyvið er latið í heimildar- loysi, og heldur tað vera løgið, at hetta verður gjørt dagin eftir, at umsitingin hjá Tórshavnar býráð er farin í summarfrí. Tí krevja minnilutaumboðini í byggi- og býarskipanarnevndini, Hildur Eyðunsdóttir og Jógvan Arge, at málið verður tikið uppaftur, og tey vilja viðgera, hvørjar avleiðingarnar av hesum skulu verða. Fundur skuldi vera í gjár, man hann er útsettur til seinni í vikuni. Arbeiðið at byggja húsini er steðgað og kann ikki takast uppaftur, fyrr enn Løgmansskrivstovan gevur loyvi til tess. Stríðast um byggiloyvi á kommunalari grund Tórshavnar býráð hevur givið einum manni loyvi at byggja sær eini sethús oman á hesa neystagrundina, sum kommunan eigur. Men Løgmanssrkivstovan hevur steðgað arbeiðinum, tí tað er í stríð við byggisamtyktina Mynd: Jens Kristian Vang MENTAN Tíðindaskriv Í gjár fóru 9 ungdómar úr øllum heðrashornum í Føroyum til Karlstad í Svøríki á norðurlendsku ungdómsmentanarstevnuna Ung i Norden. Hesi ungu vóru vald út úr føroyskum ungdómsment- anarstevnuni Ung í Føroy- um, sum Norðurlandahúsið skipaði fyri í februar í ár. Tey hava vant dúliga hesar seinastu mánaðirnar til hetta tiltakið, 1 til 2 ferðir um vikuna, og okkurt kann sigast at vera sprottið burturúr. Tey hava sett saman eina leikmynd yvir gomlu føroysku vísuna Nykursvísa, við sjónleiki, sangi, tónleiki og myndlist. Í søguni kemur nykurin upp á land at lokka ungar gentur við sær niður í vatnið til sín. Her verður søgan spæld bæði í sagnartíð og nútíð. Hesa leikmyndina skulu tey vísa fram í einum sirkus- tjaldi í Karlstad, fyri einum 250 øðrum norðurlendsk- um ungdómum, sum eisini koma við sínum ymsu framførslum. Leikmyndin hevur verið framførd eina ferð her í Føroyum á føro- yakvøldið fyrst í juli og var væl móttikin. Á stevnuni skulu tey ungu, hesar 4 dagarnar stevnan er, eisini luttaka í ymsum listarverksmiðjum, t.d. tónleikaforritan, ”stagefight”, yrking, break- dance, sirkuskynstur, sjónleik..... og sjálvandi er eitt av høvuðsendamál- unum at hitta tey ungu úr hinum londunum. Tey ungu, sum eru vald út, eru Beinta Jógvans- dóttir, Durita Dahl Andreassen, Hallur Helms- dal, Herfríð Hammer, Jenny Old, Rógvi Lam- hauge, Tórfinnur Hansen og Tummas Reginson Olsen. Leiðarar av bólkinum eru Hedvig Westerlund og Rakel Helmsdal. Stevnan Ung i Norden hevur verið 2 ferðir fyrr. Tað fyrru ferðina í Tromsø, har føroyingar luttóku við brotum úr sangleikinum Sjeyk, seinnu ferðina í Borgå í Finlandi, har leikbólkurin Brim spældi brot úr leikinum Ragnarok eftir Peter Jensen. Ungdómar á mentanarstevnu í Svøríki Í gjár fóru níggju ungdómar til Karlstad í Svøríki á norðurlendsku ungdóms- mentanarstevnuna Ung í Norden C M Y K 3 2