fríggjadagur 12. september 2008síða 10

10 tíðindi Nr. 175 - 12. september 2008 Næsta ár verður munandi færri íløgur gjørdar í Tórshavnar Kommunu enn í ár Fíggjarætlan Áki Bertholdsen aki@sosialurin.fo Næsta ár verður munandi minni virksemi í Tórshavnar Kommunu, enn tað varð stungið út í kortið fyri í ár. Tilsamans verður fíggj­ar­ ætlanin fyri næsta ár ein fimting lægri enn hon er í ár. Serliga er tað viðvíkj­andi íløgunum, at kommunan tekur fótin av spitaranum. Í ár eru 277 milliónir sett­ ar av til íløgur í kommununi, men næsta ár er ætlanin at minka íløgurnar niður í 105 milliónir. Annars fer sj­álvur rakst­ urin av kommununi at kosta 10 milliónir meiri næsta ár enn tað ger í ár. Men harafturat verður mett, at Tórshavnar Býráð skal betala 8,2 milliónir í lánsgj­øldum næsta ár. Serliga hetta síðsta var eitt, sum andstøðan í býráð­ num harmaðist um, tí í ár er lánsgj­aldið bara eina millión. Jan Christiansen segði, at hetta varð úrslitið av einum skilaleysum íløgupolitikki, tí hevði meirilutin dugað sær hógv og ført ein ábyrgd­ arfullan íløgupolitikk, hevði tað saktans borið til at hildið fast um politikkin hj­á undanfarnu býráðum um at sleppa av við skuld­ ina. Heðin Mortensen, borgar­ stj­óri svaraði aftur, at tað var neyðugt at gera stórar íløgur, eitt nú í skúlaverk, tí tað hevði kommunan onki gj­ørt við í mong ár. Sostatt verða skúlar nú bygdir fyri 400 milliónir. Talan er um skúlan á Løgmannabreyt og skúlan á Argj­um, men teir eru nú komnir so mikið áleiðis, at bara teir gera, at íløgutørv­ urin fer at minka munandi tey næstu árini. Men hann gj­ørdi sam­ stundis greitt, at lán verða ikki tikin uttan at tað verður neyðugt og tað er ikki sagt, at kommunan kemur so langt við ætlaðu íløgunum í ár, at brúk verður fyri lán­ tøku. Jan Christiansen helt, at fyri so vítt sá ætlanin fyri næsta ár ábyrgdarfullari út, enn fíggj­arætlanin í ár. Nú skal hon til viðgerðar í teimum ymsu nevndunum og hann stúrdi fyri, at tá ið hon hevði verið ígj­øgnum tað mylluna, fór hon at verða hækkað munandi, tí ynskilistin hj­á teimum ymsu býráðslimunum er uttan iva stórur og tí fara íløgurnar helst eisini at hækka munandi. Ikki samsvar Størsta einstaka kommunala útreiðslan er framvegis barnaansingin, sum næsta ár hækkar eitt prosent til 139 milliónir. Næststørsta útreiðslan eru teknisku veitingarnar, sum standa í stað og fáa 114 milliónir. Tilsamans j­avnvigar fíggj­­ arætlanin hj­á Tórshavnar Kommunu næsta ár við 617,7 milliónum. Tað er 155 milliónir minni enn í ár, tí fíggj­arætlanin nú j­avn­ vigar við 772,7 milliónum. Onkrir býráðslimir førdu fram, at tað er ikki rættiligt samsvar ímillum tað, sum meirilutin í býráðnum hev­ ur boðað frá, at hann ætlar sær at gera av íløgum og upphæddina, sum er sett av næsta ár. Høgni Michelsen og Beata L. Samuelsen fregn­ aðust tískil eftir, hvørj­ar íløgur skuldi gerast og, hvørj­ar skuldi bíða. Eitt nú varð beinleiðis spurt eftir ætlaðu ábótunum á ítróttarhøllini á Nabb, ætl­ anini at byggj­a fimleikara­ høll við Tórsvøll, ætlanini at byggj­a ellisdepil og ætl­ anini at byggj­a Sankta Frans Skúla út og gera ábøt­ ur her. Heðin Mortensen kundi ikki fara í smálutir við íløg­ unum, men hann staðfesti, at Sankta Frans Skúli og eldraøkið vóru við í útbygg­ ingarætlanunum. Býráðið í Havn tekur fótin av spitaranum Ránsmaður í songini Seint í nátt vaknaði ein maður í Rødovre. Tað er onki løgi í tí, men tað løgna er, at tá ið hann vaknaði sær hann ein mann fyri endan av songini. Maðurin vísti seg at vera ein ránsmaður, og maðurin í húsinum varð hóttur at fylgj­a ránsmanninum runt í húsinum at leita eftir virðislutum, fyri síðani at geva ránsmanninum teir. Løgreglan fekk boð um ránsmann­ in klokkan 02.52, tá konan ræðslusligin ringdi til løgregluna og greiddi frá málinum. Løgreglan kom skj­ótt á staðið, men tá var maðurin rýmdur. Hundarnir hj­á løgregluni funnu hann lítla løtu seinni, og handtóku hann. Maðurin er ikki óður í høvdinum, men hevur trupulleikar og vildi sleppa aftur í fongsul, hagani at var komin fyri kortum. Øktur kvinnuleiklutur á ferð Demokratia, nevndin fyri øktum kvinnuleikluti í politikki, fer at hava almenna fundarrøð kring alt landið komandi tvær vikurnar. Samfelagsfrøðingur hugleiðir í sambandi við, at í ár eru 100 ár, síðan kvinnur fingu valrætt til kommunuval. Fj­ølmiðlafólk gevur góð ráð um framløgu­ og taluteknikk. Aftaná verður kaffi og kj­ak. Sí eisini www. demokratia.fo. Fundirnir eru ókeypis. Meirilutin í Tórshavnar Býráðið ætlar at tálma virkseminum munandi næsta ár, men býráðslimir í minnilutanum meta, at tað fer nokk at ganga øðrvísi Skráin fyri fundirnar