fríggjadagur 19. september 2008síða 4

4 tíðindi Nr. 180 - 21. september 2008 tíðindi Mánadagin byrjar Útvarp Føroya vetr­ arskránna, og sum eina roynd byrjar »Góðan morgun Føroyar« at senda klokkan seks á morgni – nú eisini við kvinnuligum verti ÚTVARP Leo Poulsen leo@sosialurin.fo Størsta broytingin í sendi­ flatuni hjá Útvarpi Føroya verður, at nú kunnu tey morgunfrísku fáa annað enn tónleik at hoyra í útvarpslurtinum. Stórar bygnaðarbroyting­ ar hava verið í Kringvarp­ inum sum heild, og hóast nýggi programmleiðarin ikki formliga hevur tikið við starvinum enn – tað ger hann 1. oktober – so hevur Herluf Sørensen kortini sett síni fingramerki á vetrar­ skránna. ­ Tað verða onkrar broyt­ ingar í skránni. Tann størsta er helst, at vit byrja at senda »Góðan morgun Føroyar« klokkan seks á morgni. Hetta verður gjørt sum ein roynd, og her verður serliga hugsað um tey mongu, sum koyra bil tíðliga á morgni, sigur Herluf Sørensen, sett­ ur programmleiðari hjá Kringvarpinum. Morgunsendingin fer at leggja seg eftir at fylgja við ferðsluni og siga frá veðr­ inum. Og so verður eisini kvinnuligur vertur í send­ ingini. ­ Vit meta, at um helming­ urin av lurtarunum eru konufólk, og tí er tað ógvu­ liga viðkomandi, at tað er kvinnuligur vertur í send­ ingini. Tí tað er nú einaferð soleiðis, at konufólk duga betur at gera sendingar til konufólk, sigur Herluf Sørensen. Vár Berghamar verður nýggja kvinnuliga røddin, og so verður ein gamal kenningur eisini knýttur at morgunsendingini, nevni­ liga Jákup Magnussen. Fyrsta tíman – millum seks og sjey – verður bert hin eini verturin, men so verður full maning frá sjey og fram til sendingin endar klokkan tíggju. Reyður tráður Jákup Magnussen verður eisini at hoyra í einari fast­ ari sending millum fimm og seks seinnapartar. ­ Hetta er ein nýggj send­ ing, sum fær heitið »Gesta­ stovan«, har Jákup Magnus­ sen fer at tosa við ymisk fólk um ymsar lutir. Talan verður um eina »Nón«­líkn­ andi sending, sigur Herluf Sørensen. Sum nakað nýtt verður seinnaparturin millum trý og fimm meiri »streymlinj­ aður« enn hann hevur verið. ­ Talan verður um somu sending allan vegin gjøg­ num vikuna. Tað verða sostatt ikki ymsar sendingar við ymsum heitum hesa tíðina seinnapart. Tað verða fólkini av »Bylgjuni«, sum fara at standa fyri hesum sendingunum saman við Elin í Stórustovu, sum eis­ ini kemur inn í hetta toymið, sigur Herluf Sørensen. Hetta verður so ein reyður tráður gjøgnum seinnaparts­ sendingarnar, men við tað at Elin í Stórustovu verður partur av vertunum, verða tær ungdómssendingarnar, sum hon vanliga stendur fyri, ikki at hoyra. ­ Men tað ætla vit at rætta upp aftur eftir nýggjár, tí talan er um eina fyribils skrá hesar tríggjar mánaðir­ nar, sum eftir eru av árinum. Og teir fara vit so at brúka til at leggja skránna til rætt­ is fyri restina av vetrinum, og tá verður kanska okkurt nýtt og spennandi á tapetin­ um, sigur Herluf Sørensen. Bert smávegis broytingar Tá tað kemur til sjónvarpið, verður ikki talan um tær stóru broytingarnar. ­ Sjónvarpið er nógv tyngri at arbeiða við. Har mást tú taka hædd fyri kul­ issum og øðrum, sum tú heilt sleppur undan í útvarpinum, sigur Herluf Sørensen. So á tí økinum fara teir at halda fast um tað, sum plag­ ar at vera. Men tó verður talan um eina broyting. ­ Mentanartíðindi hava higartil mest sum bert verið fyri elitumentanina. Tað ætla vit at broyta soleiðis, at fríggjakvøldið eftir Dag og Viku vendir sær til ein breiðari hyggjaraskara, fer at fáa ein nýggjan vert og eitt nýtt navn, sigur Herluf Sørensen. Og í sambandi við mentan fer útvarpið eisini at leggja størri dent á, at loyva tónleikinum framat. ­ Vit ætla at røkja tón­ leikaáhugan betri soleiðis, at fleiri stílartir sleppa fram at. Men hetta verður so lagt eftir prime­time, altso seinni út á kvøldið, sigur Herluf Sørensen. Eitt annað, sum komandi programmleiðarn fer at leggja dent á, er at skilja ímillum útvarp og sjónvarp soleiðis, at ikki báðir miðlarnir seta fokus á somu tíðindi. ­ Tað eru jú summi tíð­ indi, sum egna seg betur til sjónvarp og onnur, sum egna seg betur til útvarp. So vit fara í heila tikið at leggja dent á, at fáa tann ágóðan burtur úr, sum stendst av, at miðlarnir eru lagdir saman, sigur Herluf Sørensen, sum altso tekur við sum programmleiðari í Kringvarpinum 1. oktober. ÚF víðkar senditíðina Rósa og Annika til reiðar Tær báðar løgtingskvinnurnar í Fólkaflokkinum og Sambandsflokkinum eru til reiðar at fara í landsstýrið í eini møguligari nýggjari ABC­samgongu. ­ Eg eri til reiðar at fara í landsstýrið, um áheitanin kemur, og málsøkið er tað rætta. Men tað er umráðandi, at fólkini, sum verða vald í landsstýrið, hava kvalifikatiónir á økinum, og enn vita vit ikki, hvørji málsøki, vit fáa í eini møguligari samgongu. Tí er alt framvegis opið, sigur Annika Olsen. Løgtingskvinnan fyri Sambandsflokkin, Rósa Samuelsen, sigur, at hon er klár at fara í landsstýrið, um hon fær áheitan, men hon leggur eisini dent á, at tað veldst um, hvat málsøkið verður. Manningin á »Góðan morgun Føroyar«. Frá vinstru Øssur Egholm, Kári Sólstein, Vár Berghamar Jacobsen, Jákup Magnussen og Kári Olsen Mynd: Jens Kristian Vang