mánadagur 22. september 2008síða 21

21 [ Nr. 181 - 22. september 2008 ] Venjarin hjá FC Amager er sera bersøgin Venjarin hjá felagnum hjá Toda Jónssyni, Michael Madsen dugir væl at leggja sær orðini. Men aftaná dystin millum FC Amager og AB farna mikukvøld, segði Michael Madsen uttan iva ov nógv. AB vann dystin í Amager við 1-0, og FCA-venjarin varð ikki blíður aftaná dystin. Í samrøðu við sjónvarpsrásina hjá FC Amager kallaði hann dómaran, Andreas Knudsen, sum dømdi dystin millum FCA og AB fyri eina ”pappnøs”. Enn er tó einki frætt um, at danska fótbóltssambandið fer at revsa Michael Madsen fyri hesa viðmerkingina. Claus vann í Birmingham Claus Bech Jørgensen og liðfelagarnir í Blackpool fingu eitt sera gott úrslit í næstbestu ensku fótbóltsdeildini um vikuskiftið. Blackpool spældi á útivølli ímóti Birmingham, og Blackpool vann dystin. Einasta málið í dystinum skoraði Blackpool beint eftir hálvleikssteðgin. Claus Bech Jørgensen, fyrrverandi føroyskur landsliðsspælari, spældi við allar 90 minuttir. Ræðuligt Kristoffur Jakobsen var kanska tann spælarin hjá KÍ, sum var lættastur av øllum, tá Jan Andreasen hevði stútað sigursmálið hjá KÍ í netið. Hálvan tíma undan hesum hevði ein sera hart arbeiðandi Kristoffur nevnliga sent B71 aftur í dystin, tá hann skoraði sjálvmál, og eftir dystin duldi hann ikki fyri, at tankarnir ikki vóru nakað serliga penir júst tá. - Har fór alt ígjøgnum høvdið. Vit høvdu havt hampuliga gott tak á fyri steðgin, og vit høvdu av- rátt, at nú máttu vit halda fast, og satsa upp á eitt skjótt mál afturat. Og so hendir altso hatta har. Tað var ræðuligt. Og lættin er væl tilsvar- andi stórur, nú tit kortini vunnu? - Ja. Eg haldi ongan tíð eg havi kent meg so lættan, sum tá Jan skor- aði. Tað var bara heilt fantastiskt, segði Kristoff- ur Jakobsen eftir dystin. -mørk Ikki nóg tendraðir Eirikur Poulsen, sum er liðskipari hjá B71, helt eftir dystin, at KÍ kanska var eitt lítið petti betri á degnum. - Teir eru meira klárir, enn vit eru. At talan bleiv um nógvar langar bóltar, vistu vit av, men kortini verða vit fleiri ferðir tikn- ir á bóli av hesum. Og vit vóru ikki eins nógv uppi á tærnum, sum teir vóru tað. Men tað eru hóast alt fýra dystir eftir at spæla. Tit hava jú framvegis møguleikan at bjarga sessinum í deildini? - Ja, og tað ætla vit eisini. Vit hava sum mál at vinna, hvørja ferð vit fara á vøllin, so málið er nú at fáa 12 stig í seinastu fýra dystunum, segði Eirikur Poulsen. -mørk KÍ og Klaksvík vóru topptendrað, tá sand­ oyingar komu á vitj­ an sunnudagin. Og so bar brádliga til at vinna sær trý serstak­ liga dýrabær stig Fótbóltur Jákup Mørk jakup@sosialurin.fo Tað er ofta í størstu neyðini, at størsta hjálpin kann heint- ast. Og einki er at ivast í, at KÍ-spælararnir eru takksam- ir fyri stuðulin, sum varð veittur teimum, tá sannleik- ans tími stóð á skránni í dyst- inum móti B71 sunnudagin. Skýlið var fullsett, longu langt áðrenn dystarbyrjan, og hóast sandoyingar eisini fingu sín stuðul frá áskoð- arunum, so vóru tað bláu og hvíti litirnir, sum settu sín stóra dám á áskoðara- plássini. Tað hevur annars verið alt annað enn hugaligt at verið KÍ-fjeppari hetta kapp- ingarárið. Seinastu umførini hevur liðið heldur ikki víst nøkur tekin um, at teir ikki skulu flyta niður, men sunnudagin var eisini hetta øðrvísi. Perlumál Frá fyrsta bríksli vóru tað klaksvíkingar, sum royndu at seta seg á dystin. Teir vóru grammari í nærdystun- um, og rættiliga ofta fingu teir eisini fatur á næsta- bóltinum, og tí kundu teir eisini leggja eitt ávíst trýst á B71. Veruligar opnar møgu- leikar gjørdist talan sjáldan um, mog hin vegin hevði B71 eisini nøkur kontra- álop, sum kundu verðið heilt vandamikil, um neyv- leikin var til staðar í seinastu sendingini. Hjá KÍ var Heðin á Lakj- uni framúr, og talan var eisini um framúr mál frá hansara fótum, tá hann um miðjan fyrra hálvleik legði klaksvík- ingar framum. Heðin átti sjálvur sín part í uppspæli- num, og í mest sum somu rørslu tamdi Heðin, snaraði sær á og smekkaði bóltin fram við Símun Rógva Han- sen í málinum hjá B71, tá Kristoffur Jakobsen legði flatt innlegg fyri føtur hans- ara. Málið gav uttan iva klaks- víkingunum tann frið og tað sjálvsálit, sum teir høvdu fyri neyðini, men sandoyingarnir fóru tó ikki niður við nakkanum av hesum ávum. Og seinasta korterið undan steðginum vóru teir javnan á vitjan í KÍ brotsteiginum. Kundu punkterað KÍ Fleiri mál komu ikki fyri steðgin, men heimafjøldin mundi fáa hálvleikskaffið í rangastrúpan, tá dysturin byrjaði aftur. Talan var ann- ars um sera væl spælt álop, har Clayton, Wellington og Gudmund Nielsen broder- aðu seg ígjøgnum mitt fyri, men Kristoffur Jakobsen tóktist hava fingið tamar- hald á, tá hann kom ímillum. Men tá hann skuldi sparka bóltin av vandaleið gekk heilt galið, og í einum vøkr- um boga smoygdi leðurkúl- an seg inn um Jákup Mikk- elsen, sum neyvan hevði roknað við nøkrum skoti móti málinum júst tá. Og so var talan aftur um mótbrekku hjá KÍ. Ein brekka, sum enntá kundi blivið brattari, var tað ikki fyri eina fína refleks-bjarg- ing av Jákupi Mikkelsen, tá Gudmund Nielsen royndi seg eftir frálíkt forarbeiði frá Rasmusi Nielsen. Tað skuldi tó ikki verða dagurin hjá B71. Eitt korter fyri leiklok fall avgerandi málið. KÍ hevði júst sent hálvskadda Rógva Jacobsen á vøllin í eini roynd at hótta loftrúmið meira. Og meðan B71-verjan hevði úr at gera við at ansa honum og Ova Nysted í hornasparksstøðu, kundi Jan Andreasen við handara stólpa stýra horna- sparkinum frá Kristoffur Jakobsen í kassan. Øgiligur lætti Og so var lættin øgiligur hjá Klaksvíkingum, tá dómarin hevði bríkslað fyri seinastu ferð. Fagnaðurin hevði neyvan verið størri, var tað sjálvt FM-heitið, sum spælt varð um. Spæl- arar og áskoðarar takkaðu hvørjum øðrum, og tað er eingin ivi um, at spælararnir nú gleða seg til næsta dyst- in, sum er ein uppgáva av truplara slagnum, tá teir skulu á vitjan hjá væl koyr- andi B68. B71 royndi seinastu løt- una at fáa eitt trýst í lag. Men tað gjørdist sjáldan til meira enn næstan. Tvær ferðir fingu KÍ’arar gult kort, tá teir vildu steðga gjøgnumbrotsroynd hjá Gudmundi Nielsen, og hjá KÍ mátti Allan Joensen út at skifta troyggju, tá tann fyrra varð skrødd sundur. Men lívgevandi møgu- leikin kom ongantíð, og nú sær hálvgum svart út hjá B71. Næsta umfarið spæla teir í Gundadali móti B36, og tað líkist eini sera trupl- ari uppgávu. Ein uppgáva, sum sandoyingarnir tó ikki hava ráð at missa nakað í. B71 KÍ KÍ-skýlið var veitsluklætt í bláum og hvítum, og eftir dystin hildu spælararnir tað vera tíð til at takka áskoðarunum Mynd: Álvur Haraldsen KÍ-B71 2-1 (1-0): Klárir klaksvíkingar