mikudagur 24. september 2008síða 9

9 tíðindi Nr. 183 - 24. september 2008 Tá endalig semja var fingin millum ABC-flokkarnar klokkan hálvgum seks í morgun, fóru samráðingarfólkini til hús at hvíla seg. Flokkarnir hava innanhýsis fund í dag og í kvøld at seta nøvn á landsstýrisfólkini POLITIKKUR Leo Poulsen leo@sosialurin.fo Tað einasta, sum stendur rimmar fast enn er, hvør verð­ ur nýggjur løgmaður. Kaj Leo Johannesen skal standa á odda fyri landsins stjórn komandi góðu trý árini. Hini nøvnini eru enn ikki ásett, men Sambandsflokk­ urin kemur saman klokkan trý í dag og Javnaðarflokk­ urin klokkan fýra at tingast um, hvørjar persónar flokk­ arnir ynskja at seta í lands­ stýrið. Hjá Fólkaflokkinum er meiri óvist. Fundur varð avtalaður av tingmaningini til klokkan átta í kvøld, tá tingmanning og landsleiðsla skulu finna fram til tey tvey nøvnini, sum skulu í lands­ stýrið saman við formannin­ um, Jørgen Niclasen. Men júst somu tíð hevur Havnar Framburðsfelag, sum er valfelagið hjá Fólkaflokk­ inum í Havn, boðað til upp­ stillingarfund, so antin verður fundurin um lands­ stýrisevnini framskundaður, ella verður hann ikki fyrr enn í morgin. Sambært keldum í flokk­ unum hava als eingi nøvn verið uppi og vent í sam­ bandi við landsstýrissessir­ nar, men kortini eru nøkur nøvn uppløgd sum egnað evni til sessirnar. Telvingin um sessirnar endaði sum kunnugt við, at Sambandsflokkurin um­ framt løgmann fekk vinnu­ mál og sundurbýtta máls­ evnið almannamál. Javn­ aðarflokkurin varðveitti heilsumál og fekk annars fíggjarmál og mentamál, og Fólkaflokkurin fekk uttan­ ríkismál, fiski­ og tilfeingis­ mál og innlendismál, sum aftur fekk hetta heitið eftir, at tað undir undanfarnu samgongu hevði itið løg­ málaráðið. Annika til reiðar Sum nevnt so hava eingi nøvn higartil verið uppi og vent í nøkrum av flokk­ unum, men Sosialurin ger sær kortini sínar tankar um, hvør fer at enda í lands­ stýrinum. Kaj Leo Johannesen er sjálvskrivaður sum løgmað­ ur, og tað er neyvan nakar ivi um, at næstformaðurin í flokkinum, Jóhan Dahl, fer út í Tinganes at taka sær av vinnumálum. Og eitt gott boð sum triðja landsstýris­ fólk hjá Sambandsflokkin­ um er Rósa Samuelsen til almannamálaráðharri. Hjá Fólkaflokkinum er upplagt, at Jørgen Niclasen verður uttanríkismálaráð­ harri, og at stóri atkvøðuslúk­ urin til seinasta val, Jacob Vestergaard, verður nýggjur landsstýrismaður í fiski­ og tilfeingismálum, sum hann jú hevur roynt áður. Triðja landsstýrisfólkið hjá Fólkaflokkinum verður uttan iva Annika Olsen, sum verður nýggjur innlendis­ málaráðharri. Hon sigur seg eisini vera til reiðar at taka móti avbjóðingini, fær hon sessin í boði. Hjá Javnaðarflokkinum er neyvan ivi um, at Hans Pauli Strøm heldur fram í sundurliðaða heilsumála­ ráðnum, meðan Helena Dam á Neystabø flytir úr fyrrverandi løgmálaráðnum niðan í mentamálaráðið. Jóannes Eidesgaard verður so nýggjur fíggjarmálaráð­ harri, tó við tí fyrivarni, at hann velur at gerast vanligur tingmaður við onkrum týðandi nevndarformans­ sessi. Um so verður, fer Eyðgunn Samuelsen helst út í Albert Hall. Hesi eru so boðini upp á nýggja landsstýrið, men hetta fæst sum nevnt ikki konfirmerast fyrr enn eina­ ferð í kvøld í fyrsta lagi. Landsstýrið helst mannað í kvøld Kaj Leo Johannesen, nýggi løgmaður Føroya Jørgen Niclasen verður nýggjur uttanríkismálaráðharri Jóannes Eidesgaard verður fíggjarmálaráðharri, alternativt Eyðgunn Samuelsen Jacob Vestergaard fer at umsita fiski-og tilfeingismál Jóhan Dahl verður vinnumálaráðharri Helena Dam á Neystabø skiftir frá gamla løgmálaráðnum niðan í Mentamálaráðið Rósa Samuelsen fer at umsita almannamál Hans Pauli Strøm heldur fram sum heilsumálaráðharri Annika Olsen verður innlendismálaráðharri Ung í Vági hittast í kjallaranum Nýtt tilboð fyri ungdóm sær nú dagsins ljós í Vági, og tað er Funny Finn, ið bjóðar. Tiltøk til ung í útjaðaranum eru ikki gerandiskostur, men í Vági kemur nú broyting í. Mikukvøldið verður ein roynd gjørd at bøta um ungdómstilboðini í Vági, og Finn Johannesen, stigtakari, vónar, at tey ungu so við og við taka undir við tiltakinum. Ætlanin er at hittast í kjallaranum í Missiónshúsinum í Vági, har komast skal saman um hugna, prát, spøl, sang og guitarspæl og chips og dipp. Tiltakið verður fyrstu ferð mikukvøldið klokkan 21, og er ætlað ungum úr 14 árum og eldri. DO