týsdagur 30. september 2008síða 15

Nr. 187 - 30. september 2008 15 Fjørutiundi partur. Eg nevndi um teir mongu bólkarnar av trúgvandi, vit hava í dag, sum eru komnir av menniskjans uppfinnilsum. Nýggja testamentið lærir okkum um tríggjar bólkar. Teir eru: Jødar, heidningar og samkoma Guds. Samkoma Guds hevur nú verið síðan ápostlarnir byrjaðu at prætika. Í hesum flokki eru øll tey, sum eru komin til trúgv á Jesus Kristus og í honum hava fingið syndafyrigeving fyri alla sína synd. Í hesum flokki eru bæði Jødar og heidningar. Paulus lærir okkum í brøvum sínum nógv um samkomuna. Hann undirvísir tey trúgvandi í Efesus um , at samkoman var eitt loyndarmál, sum honum var opinberað. Hetta kanst tú lesa um í efesusbrævinum. Her skal bert verða víst á nøkur fá vers úr hesum týdningarmikla brævi. Í 2. kapitli síggja vit, hvussu frelsan er av náði eina. Síðani vísir Paulus á ,hvussu tey sum heidningar stóðu uttan fyri alt og vóru langt burtur, meðan jødarnir áttu lyftini og vóru nær Gudi. Men nú eru tey trúgvandi eitt likam í Kristusi, bæði heidningar og jødar. Lat okkum lesa kap.2,11-18 Minnist tí, at tit áður - tit, sum vóru heidningar í holdinum og vórðu kallaðir óumskornir av hini sokallaðu umskering, sum verður gjørd í holdinum við hondini - minnist, at tit ta tíðina stóðu uttan fyri Kristus, útistongd frá borgararætti Ísraels og lyftissáttmálunum fremmand, uttan vón og uttan Gud í heiminum! Men nú eru í Kristi Jesusi tit, sum áður vóru langt burtur, komin nær við blóði Kristusar. Tí Hann er friður okkara, Hann, sum gjørdi eitt av báðum og breyt niður millumgarðin, ið skilti sundur, fíggindskapin, táið Hann í holdi Sínum tók burtur boðlógina og fyriskipanir hennara, fyri at Hann í Sær kundi skapa av báðum eitt nýtt menniskja og soleiðis gera frið, og fyri at Hann við krossinum kundi í einum likami fáa báðar partar sáttar við Gud, við tað at Hann við honum drap fíggindskapin. Hann kom og kunngjørdi tykkum frið, sum langt burtur vóru, og teimum frið, sum nær vóru. Tí við Honum hava vit - báðir partar - í einum Anda atgongd til Faðirin. Í næsta parti skulu vit taka nøkur vers úr 3. kapitli, har ápostulin vísir á at hetta um heidningarnar og samkomuna hevði verið eitt loyndarmál. Framhald. RichaRd danielsen. Tíðindaskriv Stuðulsstovnurin Í føroysku lógini um lestrar- stuðul stendur í § 6 stk. 4: “Í tíðarskeiðum, tá umsøkj- ari hevur rætt til samsvarandi stuðul frá Statens Uddann- elsesstøtte ella øðrum lestrarstuðulsskipanum, fæst ikki stuðul frá Stuðuls- stovninum.” Hetta merkir, at hevur lesandi rættindi til stuðul frá øðrum lestrar- stuðulsskipanum, skulu hes- ir møguleikar roynast fyrst. Síðsta árið hava føroysk lesandi fingið tveir nýggjar møguleikar at søkja um gjaldskúlastuðul. Niðanfyri verður stutt greitt frá hes- um. Gjaldskúlastuðulin til lesandi í Skotlandi Á heysti 2007 hendu nakrar broytingar, sum viðførdu at øll føroysk lesandi kundu fáa skúlagjaldið á skotskum bacelorútbúgvingum goldið av skotska lestrarstuðuls- stovninum SAAS. Haraftur- at var eisini møguleiki fyri at fáa skúlagjaldið til ávísar masterútbúgvingar goldið. Inni á heimasíðuni www. saas.gov.uk/student_ s u p p o r t / s p e c i a l _ circumstances/postgrad_ list.htm sæst, hvørjar master-útbúgvingar skúla- gjaldstuðul fæst til í 2008- 2009. Heimasíðan hjá SAAS er www.saas.gov.uk Lesandi føroyingar á bachelorútbúgvingum í Skotlandi skulu tí vanliga søkja SAAS um stuðul til skúlagjaldið og ikki Stuðuls- stovnin. Lesandi føroyingar á masterútbúgvingum í Skotlandi skulu kanna um teirra útbúgving er á list- anum (sí leinkjuna oman- fyri). Um útbúgvingin er á listanum, skal tann lesandi seta seg í samband við lærustovnin og fáa staðfest, um viðkomandi er útvaldur til at fáa skúlagjaldið goldið av SAAS. Um SAAS ikki stuðlar, skal tann lesandi søkja Stuðulsstovnin. SU veitir skúlagjald til útvaldar lærustovnar Frá á heysti í 2008 hevur SU sett nýggja skipan í verk, sum veitir skúlagjald til lesandi á ávísum út- búgvingarstovnum uttan- lands. Fyri at kanna um tín útbúgving er ein av hesum, far inn á www.su.dk og trýst á udlandsstipendium í vinstru síðu. Um tín útbúgv- ing og útbúgvingarstað er á einum av teimum fýra listu- num á heimasíðuni (Uni- versitetslisten, Kulturminist- eriets liste, Undervisnings ministeriets liste og Sam- arbejdsaftalelisten), skalt tú søkja SU um skúlagjald- stuðulin. Møguleiki er eisini at søkja, sjálvt um tín útbúgving ella útbúgvingar- stovnur ikki er á listunum. Um SU ikki rindar ella bert rindar ein part av skúla- gjaldinum er møguligt at søkja Stuðulsstovnin um tann partin, ið ikki fæst frá SU. Vilt tú vita meira um hesa skipan far so inn á SU- heimasíðurnar (sí omanfyri) ella á www.udlandsstipendium.dk Møguleiki er eisini at seta seg í samband við Altjóða Skrivstovuna www.ask. fo” www.ask.fo ella Stuðuls- stovnin www.studul.fo um ivamál eru. Áheitan á øll, ið lesa undir ÚSUN-skipanini og øll, ið ætla at nýta skipanina framyvir Heitt verður á øll lesandi í ÚSUN-skipanini at kanna omanfyrinevndu møguleik- ar. Heitt verður eisini á øll, ið ætla sær út um norðurlond at lesa, at fara tíðliga í gongd við at kanna og søkja lestrarstuðulsstovnarnar, bæði SU, Stuðulsstovnin og SAAS, av tí at viðgerðartíðin ofta er fleiri mánaðir. Ikki minst er viðgerðartíðin hjá SU ógvuliga long í sam- bandi við SU-góðkenning av útbúgvingum. Og Stuð- ulsstovnurin kann ikki veita stuðul fyrr enn útbúgvingin er góðkend. Teir 11 bókstavirnir í Gekkinum, sum fólk kunnu velja sær, (blátt, reytt, gult og ælabogi) eru tiknir úr útlendskum bókstavarað, ikki føroyskum! Man tað ikki vera eindømi í heiminum, at alment sjónvarpsspæl brúkar annað stavrað enn landsins egna? Kanska er tað ikki lógligt heldur!? Teir útlendsku bókstavirnir eru: a b c (mynd) d e f g h i j k Teir føroysku bókstavirnir eru: a á b (mynd) d ð e f g h i í Gott í teg, Kringvarpið, broyt hatta sum skjótast! Annars var tað hugaligt nú eitt kvøldið, meðan Gekkurin var, at hoyra eitt barn rópa há aftanfyri, tá tey bæði vaksnu so sera samd søgdu hå! Man málsliga framtíðin ikki vera bjartari? GEKSSPÆL ella GEKKASPÆL!? Ein gekkur, fleiri gekkar. Er talan um ein gekk, eitur tað geksspæl og geksvertur. Er talan um fleiri gekkar, eitur tað gekkaspæl og gekkavertur. Hvat merkir GEKKUR? Sambært orðabókini merkir tað m.a.: íspegil, forherðingur, skemtari. Í hesum døgum munnu gekkarnir vera fleiri í tali, eisini politiskir! Hugsið tykkum,f øroyingar!: 1) Fogh ger seg inn á skrivstovu hjá Møller. 2) Fogh rekur Møller og stjórn úr starvi. 3) Viku seinni er Fogh fíggjarráðharri í stjórn hjá Helle! Gekkar? Eg veit ikki. E.S.: Til lukku við stóra geksvinninginum! E.E.S.: Hjólsvinningarnir áttu ikki at verið minni enn 10.000 kr.! Á Borg á Argjum á mikkjalsmessu 2008 Nýggir stuðulsmøguleikar til skúlagjaldið Gekkur við útlendskum bókstavum eyðun á BoRg ...segði nýklakti løgmaður- in, Kaj Leo Johannesen frá løgtingsins røðarapalli sein- asta fríggjadag. Hendan hansara fyrsta røða var virð- ilig og greið við adressu til alt Føroya fólk, soleiðis sum tað sømir seg einum røttum løgmanni: Tey flestu harmast um, at politisku ósemjurnar fylla so nógv hvønn dag, tí í ver- uleikanum eru vit ikki so ósamd, sum vit halda. Vit virða jú øll dygdirnar hjá hvørjum øðrum. Vit savnast á stevnum og festivalum, vit savnast í samkomum og til ítróttartiltøk. Vit savnast at arbeiða saman og skemta okkum saman. Her er einki galið við okkara saman- haldi. Samanumtikið ein røða merkt av føroyskari sið- menning og eggjandi áræði, tjóðskaparliga mergjað, men fjar frá nationalistiskum fjákalótum, sum kunnu koma okkum aftur um brekku. Í ávísan mun kann røðan minna eldri og gomlum fólki á farnar aðalsmenn í løgtinginum: Jóannes Pat- ursson, Hans Iversen, Louis Zachariasen, Peter Mohr Dam og Hanus við Høga- dalsá fyri bert at nevna ein úr hvørjum flokki. Fyri 46 (?) árum síðani kom táver- andi landsstýrismaður við fíggjarmálum, Kristian Djurhuus yvir á Føroya Gjaldstovu, sum helt til í ”Rosuborg” á Kongabrúnni (Rosa var gift við Husted- Andersen, sum bygdi hús- ið), og bjóðaði øllum, sum starvaðust á stovninum, kaffi og smákøkur. Í lítlari røðu greiddi hann frá, hvussu neyðugt arbeiðs- semi, dissiplinur og loyali- tetur er í landsins høvuðs- fyrisiting, um hon skal vera vælvirkandi. Vónandi fer okkara landsstýri aftur at virka undir slíkum umstøð- um. Í bókini Færøsk Selvstyre, sum Jóannes Patursson gav út í Keypmannahavn í 1931, kunnu vit lesa stevnuskránna hjá Sjálvstýrisflokkinum (alias Vinnuflokkurin, alias Fólkaflokkurin) við 11 punktum. Tað er ikki ov nógv sagt, at Fólkaflokkurin hevur megnað at loyst stevn- uskránna, sum Jóannes bóndi ætlandi var pápi at, so at siga út í æsir. Gomul stríðsmál millum táverandi flokkar eru so statt í stóran mun úti av verðini. Føroya fólk, illa trevsað av politiskum klandri og ótryggleika, hevur átrokandi ynski – fyri ikki at siga bøn – um, at løgtingið og lands- stýrið nú tekur annað skinn um bak fyri at veita fólki- num tann tryggleikan – lik- amligan og sálarligan – sum krevst, fyri at øll kunnu siga, at í Føroyum er gott at búgva. Við nýggjum, konstruk- tivum føroyskum politikki og dugnaligum landsstýris- limum og góðum skipara á brúnni kunnu vit røkka tað, sum verður stungið út í kort- ið. Óivað ein stórur meiriluti av Føroya fólki ynskir okk- ara níggju landsstýrislimum við nýggjum, óroyndum løgmanni, tillukku og góð- an byr. heRi MohR Fólk eru troytt av klandri Bíblian innblást av Gudi - ikki mannaorð um Gud