týsdagur 7. oktober 2008síða 15

15 tíðindi Nr. 192 - 7. oktober 2008 nøvn Ein døpur tíð við drukk og særdum kærleikskenslum gav Finni Jensen íblástur til tekstin í Sólskinsvísu, sum vann stóru sang­ skrivarakappingina Sangkapping Anna V. Ellingsgaard anna@sosialurin.fo Mynd: Jens K. Vang - Løtan var ein góður endi á eini ræðuligari tíð, sigur Finnur Jensen, tá hann verður spurdur, hvussu tað kendist at vinna fyrstu virð- isløn í stóru sangskrivara- kappingini í gjár. Við »Sólskinsvísu« hevur Finnur Jensen sett orð til eitt lag hjá Høgna Fagraberg - eitt lag, sum kom undan kavi aftur á nýggjárinum, tá lívið hjá unga sangskrivar- anum vísti seg frá síni mest døpru síðu. – Kvinnan, eg elskaði yvir alt, var júst farin frá mær og mítt lív var við at fara í upploysn av ov nógvum drukk. So sangurin er í grundini skrivaður í djúpastu sorg og svárastu neyð, sum ein roynd at koma upp undan aftur, kanska, sigur Finnur Jensen. Abbin gav íblástur Beint í allari neyðini fekk Finnur Jensen eina yrking upp í hondina, sum abbi hansara hevði skrivað fyri eini 70 árum síðani. Abbi var hopleysur romantikari og hevði skriv- að hetta til ommu mína stutt eftir at tey bæði høvdu hitt hvønn annan. Í abbasa út- gávu endar yrkingin gott, meðan mín yrking endar syrgiliga. Í so máta er yrk- ingin eitt dømi um, hvussu kærleikin kann lyfta teg upp á hægstu skýggj, men líka skjótt tveita teg niður í svartasta vónloysi. Júst hetta tykist eisini at hava hugtikið dómsnevnd- ina, sum millum annað vísti á, at teksturin er um at fara úr eini skuggasíðu og inn í ljósið, at finna kærleika við fyrsta eygnabrái. Meir erligur Við Sólskinsvísu vísir Finnur Jensen seg frá eini heldur øðrvísi síðu enn tann provokerandi og speiski sangarin, sum vit annars kenna hann. Sjálvur hevur Finnur Jensen heldur onki ímóti at flyta seg frá sínum gamla image. – Eg havi flutt meg rætti- liga nógv sum sangskrivari og royni at vera meir erligur. Eg havi onki ímóti provokerandi og heldur freku myndini av mær sjálvum, tí hatta var ein partur av mær, soleiðis, sum eg var tá. Men eg vil ikki vera hangandi fastur í hasum básinum, sigur Finnur Jensen, sum ikki dylir yvir, at hann hevur ambitónir sum sangskriv- ari. – Eg spæli við tankan um at royna meg á singer/ songwriter pallinum í USA. Hvat tað verður til, veit man jú ikki, men eg vil ikki sita sum 50 ára gamal og vera beiskur yvir at eg ikki royndi, sigur 26 ára gamli sangskrivarin. Nú Finnur Jensen hevur vunnið stóru sangskrivara- kappingina er upplagt at spyrja, hvat ger sang góð- an. – Lagið skal fyrst og fremst vera so gott og fella so væl í oyra, at øll fáa hug at murra við. Tá lagið rakar okkurt í sjálvt teimum mest ómusikalsku, er tað besta tekini um, at lagið er gott, sigur Finnur Jensen. Vónloysið kveikti Sólskinsvísuna Sólskinsvísa Orð: Finnur Jensen Lag: Høgni Fargraberg Sum sólin hægst á lofti vóð sítt gull mær vildi læna rann hugmóð gjøgnum merg og blóð fram til tann dag eg sá hana Úr dalsins skugga fram hon steig sum dá úr vársins fløtu og nýljós feldi á mína leið dróg meg í somu løtu Hon gav mær alt, hon gav mær seg at festa í lagnu mína við aðra sól ei býti eg tvey eygu, sum míni kína Í dalsins skugga burt hon steig sum dá úr vársins fløtu og myrkrið feldi á mína leið á ársins fyrstu løtu Rosebank team fund í Havn Nógv oljufólk hava vitjað í Havn nú um dagarnar. Talan er um fólk frá einum oljusamtaki, ið er virkið báðumegin markið. Eystan fyri markið finst Rosebankfundið, sum eftir øllum at døma verður útbygt. Hetta frættir Sosialurin frá keldum í Aberdeen. Somu feløg, Chevron, Statoil, Dong og OMV, umsita eisini leitiloyvið 008 føroysku megin markið. Leitistjórin hjá Chevron segði við Sosialin fyrr í ár, at støða fór at verða tikin til møguliga boring í føroyskum øki í seinasta ársfjórðinginum í ár. Sum skilst hevur fyristøðufelagið Chevron eisini biðið Jarðfeingi um fund í hesum mánaðinum – helst fyri at tosa um 008 loyvið. - Tíðin sum fúli og freki sangarin er farin sigur Finnur Jensen, sum nú vil sleppa víðari sum sangskrivari