Sosialurin 2008-10-13, síða 16 — Tak niður PDF av hesari síðu Stórt myndaskrá

mánadagur 13. oktober 2008síða 16

‹ fyrra síða allar 40 síður næsta síða ›

Tekstur á síðuni

[ Nr. 196 - 13. oktober 2008 ] Tillukku Jógvan Martin! Ágangurin hevur ikki altíð verið heilt rímiligur. Men við treiskni, tolni og trúgv upp sítt egna arbeiði hevur Jógvan Martin Olsen rokkið stóran part av sínum máli. Best hugsandi aftursvarið kom leygardagin á Tórsvølli Fótbóltur Jákup Mørk jakup@sosialurin.fo - Eg havi tað sum eitt fjónskt bókatræ. Tað stendur har framvegis, hóast svínini hava gníggj- að sær ímóti tí. Orðini átti fyrrverandi danski landsliðsvenjarin, tá hann ímóti øllum sann- líkindum hevði leitt danska fótbóltslandsliðið til EM-heitið í 1992. Nú er ein javnleikur móti Eysturríki kanska ikki heilt tað sama sum eitt EM-heiti, og viðferð- in, sum Jógvan Martin Olsen hevur fingið, stend- ur kanska ikki heilt mát við hana, sum Ricardo oftani var fyri. Men tað er eingin loyna, at atfinningarnar móti Jógvan Martini Olsen mangan hava verið órímiliga harðar. Tað kann væl vera, at venjarin ikki altíð hevur valt røttu loysnina, men hesum hevur hann heldur ikki verið bangin fyri at viðganga. Og røttu loysnirnar hevur hann sjáldan fingið nakran kreditt fyri. Setningurin hevur fyrst og fremst verið at byggja eitt nýtt landslið upp, og hetta er eitt arbeiði, sum tekur tíð. Tí tað ber ikki til eftir einum degi at menna spælarar, sum skulu loysa John Petersen, Øssur Hansen, Jens Kristian Hansen, Óla Johannesen, Julian Johnsson og Pól Thorsteinsson av. Menn, ið tilsamans hava einar 300 landsdystir í skjáttuni. Og tá mugu fótbóltsføroyar góðtaka, at avrikini sveiggja í meira lagi í eina tíð. Leygardagin heystaði Jógvan Martin nakað av tí, sum hann sjálvur hevur verið við til at sáað, og tað munnu vera tey fæstu, sum ikki unna honum hetta so hjartaliga. Og av hesum síðum skal í øllum førum ljóða eitt stórt tillukku. Og samstundis eitt herðaklapp til FSF. Tað kann vera, at FSF skuldi valt øðrvísi fyri trimum árum síðani. Men tá valið varð tikið, hevði tað ovurstóran týdning fyri framtíðina hjá føroyskum fótbólti, at venjarin fekk arbeiðsfrið at byggja eitt nýtt lið upp. Og hetta hevur FSF givið honum. At tað er ringt at vera profetur í egnum landi hava tey trý árini hjá Jógvan Martini so sanniliga víst. Tí er kanska rættast, um næsti venjarin verður útlendingur. Gjarna ein útlendingur við drúgvum royndum og stórari virðing, soleiðis at hesin eisini hevur karisma og pondus til at røkka út til feløgini. Eitt boð kundi kanska verið Karel Brückner, sum jú hevur eitt stórt navn á altjóða pallinum. Tað kundi jú væl hent seg, at hann er tøkur á marknaðinum um ikki so langa tíð ;-) Vit gjørdu alt Venjarin hjá Eysturríki, Karel Brückner, segði eftir dystin, at hann var vónbrotin. – Sjálvandi eri eg tað. Vit høvdu nógvar, nógvar møguleikar. Tú fært ikki fleiri enn tað sama. Men vit vóru ikki nóg neyvir. Tað skuldi verið ógjørligt hjá okkum ikki at skora í fyrra hálvleiki, men tá vit ikki gjørdu tað, máttu vit økja um vandan í spælinum. Javnleikurin er eitt stórt tap fyri okkum. Vit hava mist tvey stig, og nú eru vit noyddir at fáa trý av slagnum móti Serbia. Føroyska málið var eitt mistak frá okkum, og tað gjørdu teir sær dælt av. Vit gjørdu alt, sum vit kundu, men tað var ikki nóg mikið. Brendi aldarinnar møguleika Skotland og Noreg fingu hvør sítt stig í einum 0-0 javnleiki á Hampden Park leikvøllinum í Glasgow leygarkvøldið. Bæði liðini høvdu góðar málmøguleikar til at avgera dystin til sín fyrimun. Men sigast má, at Skotland hevði tann størsta. Norski málverjin, Jon Knudsen varð útspældur, og Chris Iwelumo skuldi bara seta innara síðuna á bóltin frammanfyri einum blankum, opnum norskum máli. Men Iwelumo megnaði á undrunnarverdan hátt at senda bóltin framvið málinum. Skotsku frásøgumennirnir vóru skelkaðir um hetta. Talan var um fyrsta landsdystin hjá Iwelumo, sum hevur skorað 8 mál í 7 dystum fyri enska Wolverhampton. - Eg veit væl, at teir høvdu nakrar møguleikar, og Jákup stóð sera væl. Men hinvegin høvdu vit eisini fleiri sera góð kontra, sum væl kundu givið okkum okkurt málið afturat, segði Jógvan Martin Olsen, sum tó var framúr væl nøgdur við føroyska avrikið Fótbóltur Jákup Mørk jakup@sosialurin.fo Í dystarupptaktini, sum vit høvdu í blaðnum fríggja- dagin, segði Jógvan Martin Olsen, at hann hevði kensl- una av, at spælararnir fóru at geva honum eitt sera gott avrik, nú hann stóð fyri sein- asta heimadysti sínum á hesum sinni landsliðsvenj- ari. Og eftir dystin leygardag- in kundi landsliðsvenjarin bara staðfesta, at hendan kenslan vísti seg at vera røtt. - Tað fái eg illa sagt ann- að. Longu mikudagin tos- aðu vit um, at tað ráddi um hjá okkum at hava fokus á nøkrum banalum tingum. Har skuldi eingin eftir dyst- in lasta okkum fyri, at vit ikki gjørdu alt tað, sum stóð í okkara makt. - Og tann parturin helt. Bæði undan dystinum, í hálvleikinum og úti á vøll- inum, har spælarar alla tíð- ina heppaðu hvønn annan upp, sýndu menninir ein framúr hugburð. Og so vóru eisini einstakir, sum spældu framúr væl, so eg fái ikki verið annað enn nøgdur um avrikið. Tú sigur nakrir spælarar. Undan dystinum var eitt av ivamálunum, um Christian Holst var í nóg góðari dystarvenjing, men eg rokni ikki við, at tú nú iðrar teg um, at tú setti hann á vøllin frá byrjan? - Ja, eg haldi tað var øgi- liga gott, at vit valdu hendan mátan at spæla uppá. Tí tal- an var sum so um ein sera opnan dyst. Teir høvdu nøk- ur álop, har vit hava hepnið við okkum. Men vit hava eisini nøkur góð kontra, sum saktans eisini kundu givið mál. Eftirfylgjandi kunnu vit so siga, at Jákup stóð øgiliga væl í málinum. Men hinvegin kunnu vit eisini siga, at høvdu vit í størri mun havt hepnið við okkum, so høvdu vit eisini fingið fleiri mál. Flott av Boga Føroyska málið gjørdist bara til tað eina. Nevnliga tað, sum Bogi Løkin setti inn beint eftir steðgin. Men hvussu reageraði Jógvan Martin Olsen, tá hetta hendi? - Hatta er nokk ein av støðunum, sum eg ikki veit, hvussu eg reageraði. Tað má eg nokk síggja í sjón- varpi fyrst. Men eg helt, at hatta málið var øgiliga væl gjøgnumspælt, og so haldi eg eisini, at hatta var ótrú- liga frekt av einum somikið ungum spælara sum Boga Løkin. Nógvir aðrir høvdu kanska bara smekkað til, men hann sær alt fyri eitt, at málverjin stendur til vinstru, og so leggur hann bara bóltin hinvegin. Sera einfalt og fantastiska flott. Málið kemur eisini eftir eina støðu, har føroyska lið- ið hevur mist bóltin, men har hann verður vunnin aft- ur, tí liðið heldur fast um trýstið. Er tað eitt dirvi, sum tú kanska hevur eftir- lýst. - Ja, men tað var eisini í tráð við tað, sum vit høvdu avtalað. Vit tosaðu um, at vit skuldu fara eftir einum málið alt fyri eitt. Eisini eft- ir steðgin. Tað varð tó ein stokkut gleði, tí hinir fáa sløkt hana, áðrenn vit fáa armarnar niður, men gleðin var har tó eina løtu. Tungur hálvur tími Seinasta hálva tíman løgdu eysturríkar nógv fyri í royndunum at trýsta seg til javnleik. Var tað ein tungur hálvur tími at sita á føroyska venjarabeinkinum. - Ja, ótrúliga tungur. Ikki minst var tað tungt, tá eg sá, at Christian Høgni var um at vera ferdigur. Eftir testunum, sum vit taka, hevur hann eitt altjóða støði í orku, og tá hann fer niður konditionelt, so veitst tú eisini, at har er ikki nógv eftir í fleiri av hinum spæl- arunum. - Men tíbetur spældi tað væl av. Vit vóru hart raktir, tí Símun ikki var tøkur, og Jákup á Borg og Mikkjal noyðast tíðliga út, eins og tann triðja útskiftingin eis- ini verður gjørd vegna skaða. Eisini tí at bæði Jákup og Bogi orka framúr væl. So tað gjørdi fyritreyt- irnar fyri at halda allan veg- in verri. Vit enda í veru- leikanum við at spæla við fýra áleyparum, tá vit hava Christian Høgna, Holst, Andrew av Arnbjørn inni. Eftir dystin kundi Jógvan Martin staðfesta, at hann tá ikki visti, hvørjar spælarar hann kundi hava við sær til Litava. Men hann tóktist kortini bjartskygdur, tá vit spurdu, um føroyska liðið fer at nýta hendan seinasta dystin í ár til at koyra eitt sindur afturat í stigaposan. - Hví ikki. Eg veit væl, at Litava hevur eitt sera gott lið Men onkursvegna ger hetta jú eisini, at mótið upp á næstu uppgávuna avgjørt er til staðar í hópinum. Og tað er tað eisini hjá venjara- num, segði Jógvan Martin Olsen. Gleðin var har eina løtu Seinastu 15 árini hevur Jógvan Martin Olsen arbeitt við at menna landsliðskonseptið hjá Føroyum. Í dag er fast samband frá U15 til U21, og tí kendist tað eisini, sum heystaði venjarin nakað av tí, sum hann sjálvur hevur sátt Mynd: Álvur Haraldsen 16