mikudagur 15. oktober 2008síða 13

Nr. 198 - 15. oktober 2008 13 Tað verður ofta sagt, at suðuroyingar knarra um farleiðina millum Suður­ oynna og Høvusstaðin. Men er tað nú so? Hvat mundi miðbúgvar og Vágafólk sagt, um Vága­ tunnilin var stongdur og Sam gamli aftur var settur í sigling um Vestmannasund. Hvat høvdu norðingar sagt, um Noroyðartunnilin var stongdur og Ternan 1 sett í sigling um Leirvíks­ fjørð. Ella hvat hevði skila­ maðurin Hr. Lognberg sagt, um Tróndur var settur í sigling um Skopurnarfjørð Eg spyrji bara. Ikki er ringt at meta um "Reaktiónirnar", av oman­ fyri nevnda. Svarið er yvaleyst: Rama­ skríggj, "Blokadur", levind og larmur v. m. Sjálvandi vónar ongin, at okkara allra snotusligu tunnlar verða stongdir, men eitt er vist, tað hevði ikki verði góðtikið, at slíkar ferjur, sum Tróndur, ella Ternan 1, vóru settar í sigling so mikið, sum ein dag. Men viðvíkjandi farleiðini mill­ um Suðuroy og Tórshavn sær út til, at alt ber til. Øll sum hava nakað við Suðuroynna at gera, vita, at áliti er Smyril, hóast mín meining er, at ferðaætlanin ikki er nøktandi, og kundi verði snikkað saman nógv betri, men lat tað fara. Tey flestu vita, at skip mugu til sýn, ella í dokk sum tað verður kallað, og tískil er neyðugt við avloys­ ara­skipið, og seinast tá Smyril var á beding, var avloysar­skipið St.Olav. Ein útslitin danga sum er total ótíðarhóskandi, við einans undantakið, íð er, at skipið er sjógott. Røddir vóru tá frammi um, at slíkt ikki mátti endurtakað seg. Næstu ferð tá í Smyril skuldi á beding, skuldi annað skip finnast. Eisini var okkurt frammi um, at tað neyvan bleiv St. Olav, ið skuldi avloysa Smyril, tí sum skiltist, so skuldi tann dangan seljast, sum gamalt jarn. Men enn siglir dangan, um um skamma stund verður hon áliti á farleiðini um Suðuroyarfjørð Eftir mínum tykki, er tað at halda fólk og alt vinnulív fyri spott, at seta hesa danguna, at røkja sigling­ ina um suðuroyarfjørð nú Smyril skal í Dokk. Aðrastaðni verður tosað um "Regularitet" og "Kom­ fort", eins og fleiri fín fremmandaorð verða brúkt, tó í hesum førinum hóskar orðið gjøldur seg einamest. Men hvar eru hini knarrini? Enn hoyrist rødd tykkara ikki, men vónadi er hervið okkurt at kjakast um. Í Útlegd Á Mikkjal­ messu 2008 GeorG eystan Á Suðurleiðin Alt ov nógvir føroyingar eru í mangar mátar ovmik­ ið spiltir og sjálvsøknir. Tað ger eisini sítt til, at vit tíðum eru ovmikið grenjut um smáting og í ólukkumáta samanbera við viðurskifti aðrastaðni, so sum prísir og annað. Tað er nú heldur eingin ivi um, at nakrar útlendskar vørur eru bíligari enn okkara egnu. Í dag kostaði eitt egg av Velbastað 2,70 krónur og eitt útlendskt 1,83 krónur, altso kostar velbastaðeggið 87 oyru meira enn tað út­ lendska. Tað er so tað, sum tað kostar meira um dagin, um ein føroyingur etur eitt egg av Velbastað um dagin. Vit vita, at hønurnar á Velbastað eru ikki búrhøsn, men vit vita eisini, at tað eru tær útlendsku. Neyvan hugsi eg, at hasi 87 oyruni um dagin koyra føroyingur av knóranum fíggjarliga, tá íð hugsað verður um, at hesin sami føroyingurin til dømis ger av at koyra í egnum bili til arbeiðis hvønn dag heldur enn at brúka ókeypis buss­ arnar, sum kommunan bjóð­ ar øllum havnarborgarum. Ikki bara havnarfólki, men øllum sum koma til Havnar. Sjálvandi hava so at siga øll húski í hesum landi ráð til – enn í hvussu er – at keypa føroysk egg. Men tað er okkum so líkt, tí­ verri, at vit hugsa ovmikið egoistiskt og stuttskygt. Fyri mær er ongin ivi um, at hildu vit saman um føroyska framleiðslu, so hevði mangt virksemi ikki verið noytt til at givið skarvin yvir. Um Egg­ virkið á Velbastað kundi selt øll síni framúr góðu egg, so høvdu tey allarhelst blivið nøkur oyru bíligari stykkið, hóast tað í roynd og veru onki petti hevði havt at týðað fyri flestu húsarhald her á landi. Samanhaldið vísir seg enntá at vera so vánaligt, at ein hópur av fólkinum heldur koyrir í dýrum bilum ígjøgnum undir­ sjóvartunlar til Havnar at keypa húsarhaldsvørur, tí at til dømis eitt tilboð er uppá tvey blikk av donsk­ um rognum, sum kosta nakað tað sama sum eitt blikk av føroyskum. Vik­ una eftir kunnu tey útlend­ sku rognini aftur kosta tað sama sum okkara egnu. Tískil noyðast fleiri og fleiri av handlunum í egn­ um umhvørvi at gevast og lata aftur. Hvat tað kostar at koyra henda innkeyps­ túrin í bensini og øðrum ferðaútreiðslum hevur ongan sum helst týdning ­ ikki enn í hvussu er, men hvør veit? Virki eftir virki noyðist at gevast av hesi somu ólukkuligu orsøk ­ ov lítið samanhald, men heldur klandur og stríð og mis­ skild smáligheit – tíverri. Tað verður javnan undir­ strikað, hvussu umráðandi tað er, at vinnulívið hevur fleiri bein at standa á, men noyðist eggvirkið á Velba­ stað at lata aftur, verða umleið 6000 bein kvett undan føroyskum virksemi. Sjálvur fari eg at sakna tey vøkru, ljósabrúnu og góðu eggini av Velbastað, hóast eg ikki eti meira enn tvey ella trý um vikuna, so tað koyrir ikki meg ella flest onnur fólk í Føroyum av knóranum fíggjarliga. Er tað kortini so galið, at nakar føroyingur noyðist at venda hvørjum oyra fyri at fáa ráð til at keypa sær tey føroysku eggini, sum tørvur er á, so er tað einfalda og sjálvsagda skylda hjá okkara fólka­ valdu, vælløntu tænarum, at teir fáa hetta í rættlag alt fyri eitt. Tað eru tað væl­ sagtans ráð til – enn ... Harmaljóð um eggini av Velbastað tummas michael smith Aftur í ár skipar Smyril Line fyri jólatúri til Edinburgh í Skotlandi. Í fjør var útselt á túrinum, og tí bjóðar Smyril Line aftur gott túsund føroyingum á jólatúr við Norrønu FERÐAVINNA Eirikur Lindenskov eirikur@sosialurin.fo Jákup Sverri Kass, sølu­ og marknaðarstjóri á Smyril Line sigur, at higartil hava umleið 500 føroyingar keypt sær ferðaseðil til Edinburgh á jólum. ­ Skotski høvuðsstaðurin, Edinburgh, er á tremur við søgu, mentan, handlum og jólahýrði. Har ber til at síggja vøkur slott, góðar matstovur og pubbur. Har eru eisini spennandi og hugnaligir handlar við góðum úrvali, lágum prísum og sera vinarligum jólamonnum, sigur Jákup Sverri Kass. Umborð á Norrønu verður undirhald við m. a. Jens Marna Hansen Band, trubadurinum Petko, View to a Point og øðrum. Matstovurnar, náttklubb­ arnir og tax­freehandilin verða øll á tremur við góð­ um tilboðum til øll ferða­ fólkini. ­ Vit vóna, at alt hetta fer at seta sín serliga dám á jólini hjá teimum, sum velja leggja leiðina til Edinburgh í ár – og fara vit at gera okkara besta til tess at øll tey ferðandi fáa ein ógloymandi túr til søguliga skotska høvuðsstaðin, sigur sølu­ og marknaðarstjórin á Smyril Line. Norrøna fer av Havnini mánamorgunin 24. novemb­ er klokkan 8 og liggur í Edin­ burgh frá klokkan 11 týsdag til klokka 12 mikudag. Norrøna er aftur á Havn­ ini hósdagin tann 27. novembur klokkan 14. Norrøna fer jólatúr til Edinburgh Fleiri enn 500 fólk hava longu keypt sær ferðaseðil til jólatúrin hjá Norrønu til Edinbourgh seianst í november