hósdagur 16. oktober 2008síða 35

Sosialurin 16. oktober 2008 FAROEXPO 15 Teymavirkið hevur havt eina rímiliga stóra levering av teymum til Noregs, og ikki so fáir føroyskir línu-og útróðrarbátar, sum eru farnir til Grønlands at royna, havt keypt sær útgerð hjá føroyska framleiðaranum. Teymavirkið er nógv tann størsti framleiðarin, útbjóðarin og veitarin av línureiðskapi í Føroyum og selir soleiðis ein stóran part av útgerðini til føroysku línuskipini og útróðrarbátarnar Í nógv ár vóru Trol-og Snørisvirkið í Klaksvík og Teymavirkið í Runa- vík føroysku fyritøkurnar, sum framleiddu línur og teymar. Í 2001 løgdu virkini saman og hava síðan tá bygt eina stóra fram- leiðsluhøll í Søldarfirði. Við samanleggingini av virksem- inum og við nýggju og rúmligu umstøðunum í Søldarfirði, kann felagið nú bjóða eina betri og skjótari tænastu, samstundis sum felagið í enn størri mun er ført fyri at raðfesta tørvir og krøv hjá viðskiftafólkum. Og viðskiftafólkini hjá Teyma- virkinum er í fyrsta lagi línu-og útróðrarflotin í Føroyum, men í ein ávísan mun eisini uttanlands, eitt nú í Noregi og Grønlandi. Sosialurin var ein túr fram við í Søldarfirði mánadagin og hugdi at umstøðunum í nýggju fram- leiðsluhøllini, sum við gólvvíddini í neðra og á loftinum, sum partvís er innrættað, liggur um einar 2.000 fermetrar tilsamans. Meðan vit enn stóðu í túninum, ringdu vit fyrst á telefonina hjá stjóranum, Rúna Berg, sum er sonur Ova Berg, sála, ið var mað- urin, sum við ágrýtni slóðaði fyri og legði leistin longu, áðrenn Rúni kann minnast. - Eg eri staddur í Danmark og eri á veg longur burtur. Tú ert væl- komin at fara innar og biðja Mart- in Johannesen vísa tær virk- semið. So mong vóru orðini í høvuðs- heitum. Vit avtalaðu at tosast við aftur, meðan hann enn bíðaði í floghavn- ini, men tá vit slerdu upp á tráðin einar tveir tímar seinni – og í hampiligari tíð áðrenn fráferð suðureftir, var einki samband. Seks fólk Tá vit komu inn á gólvið, sást í fyrstani einki fólk, men maskina- ríið koyrdi við fullari ferð. At síggja til, var ikki neyðugt við nógvum fólki í hesi framleiðslu. Inni í stórum skápum mólu næstan eitt ótal av rullum, sum í síðsta enda vundu seg saman til línurygg, sum sjálvvirkandi vant seg upp á trumlur. Vit fóru upp trappurnar og komu at enda fram á kaffistovuna. Men áðrenn vit komu so langt, gingu vit uppi á loftinum aftur fram við ótali av rullum á maskin- um, ið mólu tilfar saman, ið endar sum teymar og línuryggir í ymiskum tjúktum. Fyrstu fólkini, vit sóu á virki- num hendan dagin, sóu vit í kaffistovuni. Her sótu fýra fólk og prátaðu aftur við onkrum etandi og einum temunni ella kaffimunni. Tvey konufólk og tvey mann- fólk. - Vanliga eru vit eini seks fólk til arbeiðis á virkinum, men í dag eru vit bara fýra. So skjótt kaffisteðgurin er av, kemur Martin Johannesen at vísa okkum virkið og framleiðsluna. Martin er toftamaður, sonur Jóhan Johannesen, sum byrjaði á Teymavirkinum longu í 1978. Í endanum av hesum mánaðinum fyllir Jóhan sjeyti, men er fram- vegis aktivur í framleiðsluni. - Pápi sigur, at hann verður ver- andi so leingi, hann orkar, sigur Martin, sum leggur aftrat, at hann við tíðini hevur yvirtikið ábyrgd- arkendu uppgávurnar hjá pápan- um, sum eru at fáa maskinaríini at koyra. Og í so máta letur Martin væl at. Hugtikin av gomlum - Maskinurnar koyra ógvuliga væl, og tað er sjáldan, at nakað gongur galið. Men sjálvsagt; tær skulu viðlíkahaldast og onkuntíð justerast. Martin er maskinútbúgvin og hevur tí førleikan, sum kanska onkuntíð hevur vantað í fram- leiðsluni. - Ovi var maskinmaður, men tað er sonurin, Rúni, ikki, leggur hann aftrat. Martin, sum hevur verið á Teymavirkinum í 11 ár, er virkandi tekniskur leiðari á virkinum í Søldarfirði. - Elstu maskinurnar, sum eru teymamaskinurnar á gólvhædd- ini, eru frá miðskeiðis í sjeyti- árunum – og tann seinasta av trim- um kom miðskeiðis í áttatiárunum. Jóan Pauli Fredriksen í Miðvági teknaði upprunaliga saman við Ova Berg hesar maskinur og fram- leiddi tær fyri Teymavirkið. Tað skilst týðiliga á Martini, at hann er ógvuliga hugtikin av hes- um gomlu maskinunum, sum enn í dag eru so góðar og vælkoyrandi, at tær næstan koyra av sær sjálv- um. - Hetta eru gamlar og sterkar maskinur, og stýringarnar eru gamlar, men tær virka, leggur hann aftrat. Í løtuni verður tann eina av maskinunum umvæld. - Á loftinum gera vit tóverkið til teymar og línuryggir, sum síð- an verða settir saman og snúraðir við maskinunum á gólvhæddini Martin sigur, at tey hava tríggjar maskinur, sum at enda festa svøvl- arnar upp á línuryggin. Tey fýra fólkini, sum vit hittu á kaffistovuni á Teymavirkinum, Føroysk fyrstafloks lína og teymar úr Søldarfirði Martin Johannesen, tekniskur leiðari á Teymavirkinum í Søldarfirði, fylgir framleiðsluni, sum í stóran mun er sjálvvirkandi Mynd: Vilmund Jacobsen Á umleið 2000 fermetrum í nýggjum bygningi í Søldarfirði eru umstøðurnar í framleiðsluni vorðnar nógv betri Mynd: Vilmund Jacobsen Framhald á næstu síðu