hósdagur 16. oktober 2008síða 38

[ Nr. 199 - 16. oktober 2008 ] Eydnast ikki altíð Christian Lamhauge Holst helt ikki sjálvur, at tað fyrst og fremst var møðin, sum bar við sær, at føroyska álopsspælið ikki gekk so væl mikukvøldið Fótbóltur Jákup Mørk jakup@sosialurin.fo Í mun til fantastiska avrikið móti Eysturríki leygardaign, so var Christian Lamhauge Holst ikki fult so sjón­ ligur á vøllinum í Kaunas leygardagin. Sum fremsti maðurin á liðnum varð hann ikki í sama mun snúnings­ punktið í føroyska spælinum, og tað tóktist eisini, sum vóru beinini nakað tyngri hesaferð, enn tey vóru leygardag­ in. Nakað sum áleyparin tó sjálvur vísti frá sær. ­ Tað er nokk meira ein spurningur um, at við hvørt eydnast tingini betur enn aðrar tíðir. Og so var eg eisini rættiliga einsamallur á toppinum, og so verður tað trupult, um tú hevur ov nógvar verjuspælarar at stríðast við, segði Christian eftir dystin. Og tú trívist kanska eisini betur, um tú ikki ert heilt fremsti maður­ in á vøllinum? ­ Ja. Eg eri jú ikki tann skjótasti spælarin í heiminum, so mær dámar best at fáa bóltin spældan í føturnar, soleiðis at eg kann venda mær ella kanska finna ein viðspælara. Og í øllum førum er tað sera trupult at liggja einsamallur á toppinum, hóast eg sjálvandi veit, at vit eisini mugu hugsa um verjupartin í spæli­ num. Og tann parturin haldi eg eydnast væl í dag, segði Christian eftir dystin. Símun Samuelsen varð offur fyri ógvu­ sligari stempling, tá hann noydd­ ist av vøllinum mikukvøldið Fótbóltur Jákup Mørk jakup@sosialurin.fo Kaunas, Litava: Pínan tók­ tist øgilig og øðin samsvar­ andi stór, tá Símun Samuelsen eitt korter fyri dystarlok var við undirlutan í eini tackling móti litaviska liðskiparanum. ­ Fyrst og fremst má eg siga, at eg nokk leyp eitt sindur framav, tá eg gjørdist somikið illur. Eg fór í eina tackling, og maðurin hopp­ an upp, men tá hann kemur niður traðkar hann tilvitað niður í lærið á mær. Eg haldi tað er ótrúligt, at linju­ verjin bert stendur tríggjar metrar frá, og ikki gevur nakað sum helst tekin til dómaran um tað, sum hendi. Tá talan er um altjóða fótbólt, so eigur hetta ikki at henda órevsað. Og tú fekk so eisini eitt gult kort, tá vildi vísa dómar­ anum, hvør avleiðingin var? ­ Tað var sjálvandi býtt av mær, og skal ikki henda. Men viðhvørt koma støður, har tú ikki fært stýrt kensl­ unum, og hatta var so ein av teimum. Var talan um ein veruligan skaða, ella var hetta meira eitt træbein, sum noyddi teg av vøllinum? ­ Tað dugi eg ikki at siga enn. Eg royndi at spæla víðari, men tað var púrasta vónleyst. Um tað er eitt træ­ bein, so verður helst nógv betri í morgin, men tað kann eisini vera ein skaði. Um so er, so kann eg bara troysta meg við, at mín kapping nú er liðug, os í so máta hevði tað verið verri, um tað var onkur av hinum spælarunum, sum var fyri hesum, sigur Símun Samuelsen. Føroysku spælararnir kunnu væl og virði­ liga hyggja í speglið eftir dystin, har liðið enn einaferð leveraði ein stóran arbeiðs­ innsats, sigur Jón Rói Jacobsen Fótbóltur Jákup Mørk jakup@sosialurin.fo Kaunas, Litava: Hóast talan enn eina ferð var um eitt av hesum heiðurligu tapunum, sum tað so ofta verður tikið til, so fekk Jón Rói Jacobsen illa verið ónøgdir eftir dystin í Kaunas mikukvøldið. ­ Eg haldi, at vit kunnu vera nøgdir. Vit gera alt tað, sum vit eru mentir, og vit levera allir ein innsats, sum vit kunnu vera ernir av. Men tíverri var tað ikki nóg mikið til stig í dag, segði Jón Rói Jacobsen. Tað sá út til, at tit vóru merkir av uppgávuni leyg­ ardagin. Kendist tað eisini soleiðis á vøllinum? ­ Ja, tað gjørdi tað. Vit hava roynt at fyrireika okkum væl við at eta rætt og drekka nógv. Men tað merktist væl kortini. Tað er sera hart hjá okkum at spæla tveir landsdystir upp á fýra dagar. Ikki minst við tí arbeiðsavriki, sum vit gera, so merkist hetta øgiliga væl í dag, segði Jón Rói Jacobsen eftir dystin. Ongland á beinari HM-kós Wayne Rooney var í hopla og fekk tvey av málunum, tá Ongland við einum 3­1 sigri móti Hvitarusslandi í Minsk syrgdi fyri, at teir fingu sína bestu byrjan upp á eina undankapping nakrantíð. Steven Gerrard skoraði triðja enska málið í dystinum, sum syrgdi fyri, at Ongland framvegis hevur fult stigatal eftir fyrstu fýra dystirnar. Niðurtúrurin hjá Eysturríki heldur fram Eysturríki tók ímóti Serbia á Ernst Happel Leikvøllinum í Wien í gjárkvøldið, og tað gekk av skriðuni hjá heimaliðnum. Serbia vann ein tryggan 3­1 sigur, og satt at siga var dysturin avgjørdur longu tá 24 minuttir vóru spældir. Milos Krasic legði serbisku gest­ irnar fram um, tá 14 minuttir vóru farnir, og so gekk skjótt. 4 minuttir seinni økti Milan Jovanovic til 2­0, og í 24. minutti hevði Ivan Obradovic økt til 3­0. Tá hevði Serbia skorað uppá allar sínar málmøguleikar, og alt var avgjørt. 10 minuttir áðrenn leiklok eydnaðist tað Marko Janko at pynta um úrslitið fyri Eysturríki. Áskoðaratalið var ident­ iskt við íbúgvaratalið í Føroyum. 48.000 vóru til dystin á Ernst Happel Leikvøllinum. Eysturríksk pressa er samd um, at Eysturríki fyri triðju ferð á rað, ikki verður at finna í einum HM­endaspæli. Av for .... Kunnu ikki gera meira Føroyska landsliðið eigur fjepparar kring allan heim. Hesin var komin til dystin, og seinni kom hann eisini á hotellið, har spælararnir búðu. Millum annað fyri at fáa prát við Jón Róa Jacobsen Lærið hjá Símuni Samuelsen sá ikki serliga vakurt út, eftir at Tomas Danilevicius hevði plantað dobbarnar væl og virðiliga í vágbingin 22