týsdagur 21. oktober 2008síða 9

9 tíðindi Nr. 202 - 21. oktober 2008 Ein av teimum, vit rendu okkum í uppi í Íslandi, var endurkosni løg­ tingsmaðurin Óli Breckmann. Vit spurdu hann, hvussu hann metir støðuna í Íslandi sum heild, og hvussu hann heldur, at bróðurflokkurin, Sjálvstæðisflokkurin, hevur megnað sína uppgávu Reykjavík: - Tá tú tosar við fólk sum heild – og tað vil altíð nakað av villareiði vera, tað sigur seg sjálvt – men sum heild er eingin neyð. Fólk eru til arbeiðis, tey fáa sína løn og tey klára at keypa tað mesta av tí, sum tey hava brúk fyri. Kanska eitt sindur minni enn vanligt hevur verið tey seinastu árini, men eingin líðir nakra neyð av tí. So innlendis haldi eg, at Sjálv- stæðisflokkurin hevur klár- að tað væl, sigur Óli Breck- mann. Hann vísir á, at tá hugsað verður um allan tann fram- burð, sum hevur verið, so er Ísland allarhelst tríggjar ferðir so ríkt í dag, sum tá hann vitjaði brøðratjóðina fyri vestan í 1989. - Og Sjálvstæðisflokkurin hevur havt valdið næstan alla tíðina, so vónandi er hetta bara eitt lítið nos, tá vit koma eitt lítið sindur longur framá á vegnum, og alt bara gongur framá og uppeftir aftur, sigur Óli Breckmann. Men ber tað til at siga, at Ísland er tríggjar ferðir rík- ari nú enn í 1989, tá landið í veruleikanum er farið á heysin? - Nei, tað kanst tú siga, men trupulleikarnir eru mest uttanlands. Tað kann venda og gerast ein trupul- leiki her í gerandisdegnum hjá vanliga íslendinginum. Men lat okkum nú vóna, at teir fáa greitt sínar skyldur uttanlands í ein fart, soleiðis at teir fáa ruddað upp heima, bankarnar settar á lunnar aftur, umskipaðar, og so gongur leiðin aftur fram hjá íslendingum so, sum teir plaga. Teir eru ókúgiligir, sigur Óli Breck- mann. Rætta javnvágin Eitt, sum talar Sjálvstæðis- flokkinum til fyrimunar er, at tað er rættiliga long tíð, til val verður aftur, tað verð- ur ikki fyrr enn í 2011. - Ja, nú er Sjálvstæðis- flokkurin ein sjálsamur flokkur. Hann skuldi iti Sjálvsemisflokkurin. Bara at hugsa sær til, at tað er ein borgarligur og frælslyntur flokkur við 40 prosentum av atkvøðunum. Og so hev- ur hann gjørt tað skilagóða, at hann hevur tikið íslendska javnaðarflokkin fast undir armin og heldur honum dygst at sær, so teir spenna tvørtur um miðjuna, so tú fær býtt sól og vind líka, eisini tá tað kemur til ábyrgd, sigur Óli Breck- mann. Hann heldur, at samgong- an hevur stóran áhuga í, at klára skerini komandi trý árini, og tá væntar hann, at hendan kreppan er gloymd. Spurdur, um hann metir, at ein samgonga við javn- aðarflokkinum upp í, er hin besta, sigur Óli Breck- mann: Ja, treytað av, at tú hevur eitt sterkt, frælslynt ele- ment. Ein javnaðarflokkur einsamallur kann jú einki gera, tú hevur jú sæð javn- aðin og tjóðveldið í Føroy- um royna sítt frægasta, men tað var bara ein sorgarleikur fyri teir. Nú er aftur skil í og javnvág í politisku vág- skálini í Føroyum. Hann roknar við, at sama skilið er í Íslandi, har sam- gongan umboðar nakað ta somu breiddina í politiska spektrinum, sum føroyska landsstýrissamgongan ger. Skjótt fyri seg Tá talan gerst um, hvussu svár íslendska kreppan er, serliga tá sammett verður við kreppuna í Føroyum fyrst í níti árunum, so hevur endurútrópti tinglimurin sína meining um tað. - Nei, eg haldi ikki, at hendan kreppan hjá íslend- ingum er so djúp sum tann, vit høvdu í Føroyum. Tann almenna skuldin í Føroyum tá var so stór, at vit sóu onga vón. Vit vóru jú í veru- leikanum settir undir fyri- siting av einari danskari bankajunta tá, og tað verður vónandi ikki so her í Íslandi soleiðis, at teir missa sítt sjálvræði. Heldur ikki sítt búskaparliga politiska sjálv- ræði, og hava teir tað, so ivist eg ikki í, at íslndingar klára at samráða seg fram til góð livilíkindi fram eftir, sigur Óli Breckmann. Onkur vil siga, at tað tók føroyingum upp í fýra ár at koma fyri seg aftur eftir kreppuna, men Óli Breck- mann væntar ikki, at tað fer at taka íslendingum so leingi at fáa fótin fyri seg aftur. - Lat okkum vóna, at tá tað líður fram móti valinum, sum verður í 2011, at tá eru íslendingar upp á fótum aftur og sprella, sigur hann. Íslendingar sprella aftur um trý ár Óli Breckmann, løgtingsmaður, saman við Kristian Ólafson, altingsmaður, í matstovuni í íslendska Altinginum - Sjálvandi vóna vit, at tað verða betri tíðir aftur, og tað verða tað nokk, spurningurin er bara, hvussu langa tíð tað tekur. Mann spyr seg í dag, um tað tekur nakrar mánaðir, eitt ár, tvey ár ella kanska tíggju ár. Tað er tann brenn- andi spurningurin, sigur Kristinn Hauksson. Eisini Elspa er bjartskygd um framtíðina. - Eg haldi tað fer at ganga. Eg eri als ikki vorðin stressað enn. Eg rokni bara við, at hesir menninir, sum stýra landinum, fara at loysa trupulleikarnar. Sjálv- andi saman við øðrum. So eg rokni við, at tað fer at verða gott aftur í Íslandi, sigur Elspa Hauksson. Eisini millum vinir, kenn- ingar og umgangskreds teirra í heila tikið, er bert bjartskygni at hóma. - Har er lagið framvegis gott. Eg kenni ongan, sum er vorðin uppsagdur ella á annan hátt er ávirkaður av hesi støðuni. Tað verður alt í lagi, sigur Kristinn Hauks- son. Íslendingar eru eisini kendir fyri ikki at geva upp, og tey bæði halda, at tað verður hetta, sum fer at hjálpa tjóðini burtur úr kreppuni hesaferð. - Íslendingar eru kendir fyri at kunna arbeiða minst tvey arbeiði í senn, so teir fara at klára seg eisini burt- ur úr hesum, sigur Elspa Hauksson sum vónar, at kreppan verður nógv stytri, enn útlitini beint nú siga. Rafik og Farhad í Eystara Landsrætti Málið, sum føroyska ákæruvaldið førir móti tunesarunum, Rafik og Farhad Bourbiaa, er fyri í Eystara Landsrætti í dag. Hesir báðir vórðu í Føroya dømdir ávikavist fýra og tveir mánaða fongsul fyri at hava hótt ávikavist ein systir- og bróðurson eftir lívinum í juli mánaði í ár. Bæði verjar og ákæruvald kærdu málið inn fyri hægri rætt. Síðani hendi tað, at annar av teimum, sum upprunaliga ákærdi hesar báðar fyri drápshóttan, Mouhammed Bourbiaa, tók sínar ákærur aftur og legði hin ákærarar, Tallell, undir at hava logið fyri sær. Mouhammed kom aftur til Føroya, eftir hann segði seg hava funnið út av, at alt bygdi á lygn, og býr og arbeiðir í dag saman við Rafik Bourbiaa. Ikki er greitt, nær Eystari Landsrættur fellur dóm í málinum.