týsdagur 21. oktober 2008síða 16

16 [ Nr. 202 - 21. oktober 2008 ] Sunset byrjar aftur Kappingin í Sunset-deildini í hondbólti hevur ligið still, meðan kvinnulandsliðið hevur spælt í Sheffield, men í annað kvøld verður aftur lagt fyri. Dystirnir eru tá tveir í tali. Á Skála kemur VB á vitjan hjá StÍF, og í Havn verður dystur millum Kyndil og Tjaldur. Gleða seg til Sylla Fyri góðum tveimum mánaðum síðan gjørdi Amed Davy Sylla, sum áður hevur roynt seg í ÍF og B36, avtalu við Toda Jónsson og FC Amager. Framherjin hevur líka síðan bíða eftir neyðugu pappírunum, og av somu orsøk hevur hann framvegis sín fyrsta dyst fyri felagið til góðar. Nakað, sum venjarin Michael Madsen er argur um. - Tað harmar meg, at vit skulu bíða so leingi – hann er komin higar við konu og tveimum børnum, og tað er synd, at hann bara sleppur at venja. Hann er í góðari venjari, og eg gleði meg til at síggja hann í dysti, sigur Michael Madsen við Amagerbladet. Tað sær ógvuliga svart út hjá ÍF Før­ oyum í Seriu 1, sum nú ikki longur einsa­ malt kann avgera lagnu sína í deildini Fótbóltur Rólant Waag Dam rolant@sosialurin.fo Tað byrjaði annars væl, tá ÍF Føroyar spældi dyst ímóti Bk. Viktoria um viku- skiftið. Palli Augustinussen legði útisetarnar á odda miðskeiðis í fyrra hálvleiki. Men so megnaði ÍF Føroyar ikki at skapa stórt meira. Góða spælið teir vístu fyrstu løtuna gloymdu teir burtur, og lótu teir Viktoria sleppa inn í dystin. Heima- menninir í Fælledparken trýstu støðugt føroysku leikararnar, og eitt korter fyri leiklok bragdaði hjá teimum. Tvey mál innan- fyri eina lítla løtu var nóg mikið at punktera ÍF Føroyar, sum ikki megnaði at svara aftur. Tapið kemur ógvuliga dátt við. Nú kann ÍF Føroy- ar ikki longur avgera lagnu sína sjálvt. Sum støðan er í løtuni, flyta fimm lið niður í Seriu 2. Og á einum tíggj- unda plássi er liðið undir niðurflytingarmarkinum – trý stig aftanfyri Rødovre. Tað merkir, at ÍF Før- oyar skal vinna á Tårnby, samstundis sum Viktoria skal vinna á Rødovre í ársins seinasta leikumfari, um ÍF Føroyar skal hava eitt lið í Seriu 1 komandi kappingarár. Jógvan Martin Olsen hevur ætlanir um at venja útlendskt felag Fótbóltur Uni Holm Johannesen uni@sosialurin.fo - Eg havi verið í sambandi við fleiri feløg, men eg kann ikki staðfesta fyri tær, um feløgini hava verið donsk. Komandi tvey árini fer venjarin hjá Víkingi ætlandi at eita Jógvan Martin Olsen. Fyrrverandi føroyski lands- liðsvenjarin og samansetta felagið gjørdi avtalu í farnu viku, og toftamaðurin fer nú at hugsa um uppgávuna at vinna gøtufólk og leirvík- ingar í altjóða fótbólt. Men tað verður kanska eisini seinasta føroyska uppgávan hjá Jógvani Martin Olsen á hesum sinni. - Ætlanin er at royna venjaraevnini í útlandin- um. Tað er framtíðarætl- anin. Eg havi einki ynski um eitt serstakt land, so eg er opin fyri øllum møgu- leikum, sigur Jógvan Mart- in Olsen við bold.dk. Komandi venjarin hjá Víkingi fer í desember undir Pro-Licence venjara- útbúgvingina, sum er hin hægsta hjá UEFA. Jógvan Martin vil víðari ÍF Føroyar liggur til niðurflyting Jógvan Martin Olsen verður venjari hjá Víkingi tey bæði næstu árini Eingin ivi er um, at Cristiano Ronaldo er stórfavorittur at vinna gylta bóltin hjá France Football. 30 spælarar eru á nomineringslistanum – av hesum sjey spaniólar Fótbóltur Jákup Mørk jakup@sosialurin.fo So hvørt sum enn eitt árs- skifti nærkast, nærkast eis- ini tíðin, tá bestu fótbólts- spælararnir í 2008 skulu kjósast. Ein tann mest virda at- kvøðugreiðslan av øllum er gylti bólturin hjá France Foot- ball, har ítróttartíðindafólk úr Europa kjósa besta spælar- an í europisku kappingunum farna árið. Áður varð atkvøðu- greiðslan avmarkað til bert at fevna um europiskar spælar- ar, men seinnu árini hevur kravið bert verið, at spælarin spælir í onkrari av europisku ligunum. Ronaldo ovast Tá tosað verður um móttak- ara av gylta bóltinum í ár, so er eingin ivi um, at Cristiano Ronaldo úr Man- chester United er stórfavor- ittur til heitið. Hóast byrj- anin upp á nýggja kapping- arárið hevur verið tarnað av skaða, so vóru avrikini und- an hesum av slíkum slag, at hann dróg yvirskriftir um allan heim. Og ikki bert fyri møguliga metskiftið til Real Madrid. Í Onglandi hevur hann longu vunnið tað, sum vinn- ast kann, og í Europa hevur hann longu fingið gylta skógvin fyri mongu mál síni í seinasta kappingarári. Og nú bíða tey flestu so bara eftir, at hann eisini fær gyltu bóltarnar frá bæði France Football og í FIFA- atkvøðugreiðsluni, har landsliðsvenjarar kring all- an heim greiða atkvøðu. EM-heitið vigar nógv Tá móttakarin av gylta bóltin- um skal finnast, verður ofta hugt eftir, hvørjum spælar- arnir hava rokkið við feløgum ella landsliðum sínum. Ikki minst telur landsliðið nógv, tá endaspæl er á skrán- ni, og 2008 er einki undantak í so máta. Sponsku europa- meistararnir hava nevnliga sjey mans á listanum, og er hetta nógv meira, enn nakað av hinum londunum hevur. Eisini er vert at bíta merki í, at tað serliga eru spælarar, sum gera um seg í ensku Premier League og sponsku La Primera, sum eru á list- anum. Ikki færri enn 22 av spælarunum á listanum koma úr heusm báðum deild- unum. Og bara tríggir eru úr italsku Seriu A, sum annars plagar at telja heilt nógvar kandidatar til gyltu kúluna. Ronaldo og sjey spaniólar Fótbóltur 1. deild vunnin tapt mál- dystir v - j - t mál mál munur stig 1 07 Vestur 26 20 - 2 - 4 108 33 75 62 2 AB 26 20 - 1 - 5 96 32 64 61 3 VB/S 26 18 - 2 - 6 59 27 32 56 4 TB 26 16 - 4 - 6 62 22 40 52 5 Víkingur 26 9 - 3 - 14 34 70 -36 30 6 B68 26 7 - 4 - 15 49 63 -14 25 7 HB 26 5 - 9 - 12 29 51 -22 24 8 NSÍ 26 6 - 5 - 15 46 72 -26 23 9 EB/S 26 6 - 2 - 18 27 87 -60 20 10 KÍ 26 5 - 4 - 17 33 86 -53 19 Hondbóltur Atlantic Airways-kappingin vunnin tapt mál- dystir v - j - t mál mál munur stig 1 VÍF 4 4 - 0 - 0 109 96 13 8 2 Neistin 4 3 - 0 - 1 127 115 12 6 3 StÍF 4 2 - 1 - 1 89 83 6 5 4 H71 4 2 - 0 - 2 113 100 13 4 5 Kyndil 4 0 - 1 - 3 89 113 -24 1 6 KÍF 4 0 - 0 - 4 91 111 -20 0 Teir 30 bestu Emmanuel Adebayor (Arsenal), Togo Sergio Agüero (Atletico Madrid), Argentina Andrei Archavine (Zénith Saint-Pétersbourg), Russland Michael Ballack (Chelsea), Týskland Karim Benzema (Lyon), Frakland Gianluigi Buffon (Juventus), Italia Iker Casillas (Real Madrid), Spania Cristiano Ronaldo (Manchester United), Portugal Didier Drogba (Chelsea), Fílabeinsstrondin Samuel Eto’o (FC Barcelona), Cameroun Cesc Fabregas (Arsenal), Spania Fernando Torres (Liverpool FC), Spania Steven Gerrard (Liverpool FC), Ongland Zlatan Ibrahimovic (Inter Milan), Svøríki Kaka (Milan AC), Brasil Frank Lampard (Chelsea), Ongland Lionel Messi (FC Barcelona), Argentina Pepe (Real Madrid), Portugal Franck Ribéry (Bayern Munchen), Frakland Wayne Rooney (Manchester United), Ongland Marcos Senna (Villarreal), Spania Sergio Ramos (Real Madrid), Spania Luca Toni (Bayern Munchen), Italia Edwin Van der Sar (Manchester United), Holland Rafael Van der Vaart (Hambourg SV/Real Madrid), Holland Ruud Van Nistelrooy (Real Madrid), Holland Nemanja Vidic (Manchester United), Serbia David Villa (Valencia CF ), Spania Xavi (FC Barcelona), Spania Youri Zhirkov (CSKA Moskva), Russland FAKTA Cristiano Ronaldo er uttan iva stórfavorittur at gerast fremstur, tá ítróttartíðindafólk kring Europa greiða atkvøðu um at kjósa ársins fótbóltsspælara í 2008