fríggjadagur 24. oktober 2008síða 7

7 tíðindi Nr. 205 - 24. oktober 2008 - Tað er eingin sum veit, hvussu veruliga støðan er enn, men tað er greitt, at vit hava gjørt mistøk. Teimum skulu vit læra av og brúka hesa læru at byggja upp ein sterkan íslendskan búskap, sigur Sigurjón þór Hafsteinsson, stjóri í Smyril Line í Íslandi Reykjavík: Allir íslendarir eru samdir um, at fíggjarliga kreppan, sum hevur rakt landið, hevur rakt hart. Men eingin tykist vita enn, júst hvussu hart. - Vit vita ikki, hvat fer at henda. Fleiri fyritøkur skylda nóg, men hvussu stór- ur skaðin verður ber ikki til at siga enn, sigur Sigurjón þór Hafsteinsson, stjóri í Smyril Line í Íslandi. Hann sigur, at Smyril Line sjálvandi eisini merkir kreppuna, sum kortini hevur eisini sínar positivu síðir. - Vit eru nógv bookaðir eina tíð fram úr Íslandi, tí so nógvir póllendingar fara heim aftur. Hetta er fólk, sum antin eru uppsøgd, ella fara heim aftur, tí at tað stutt sagt ikki loysir seg at arbeiða í Íslandi longur, tí krónan er so lág, sigur Sig- urjón þór Hafsteinsson. Hann sigur, at nógv fólk hava mist eina rúgvu av pengum, og at tey nú eru ørðkymlað av støðuni, tí tey kenna hana ikki. - Fólk vistu ikki, hvussu bankarnir arbeiddu, serliga uttanlands og tí kemur hetta rættiliga óvart á, tað sum nú er hent, sigur Sigurjón Hafsteinsson. Byggivinnan eksploderað Og at tað hevur gingið við rúkandi ferð seinastu árini. Byggingin hevur nátt óán- aðar hæddir, og íbúðar- eins væl og ídnaðarbyggjarí er eksploderað. - Í 2004 vóru tað 1500 fólk, sum arbeiddu í íslendsku byggivinnuni, nú kreppan rakti, var talið kom- ið upp á 3700. So stóruru hevur vøksturin í byggivinn- uni verið seinastu árini, sig- ur Sigurjón Hafsteinsson. Men størri tú ert, harðari er fallið, og nú er so at siga alt byggjarí steðgað. - Nú er ógvuliga lítið eft- ir. Mestsum alt tað privata er steðgað upp, og bara byggjaríir hjá landinum halda fram, sigur Sigurjón Hafsteinsson. Eitt nógv umrøtt byggi- mál er sonevnda Tónleika- húsið, sum eitt dóttirfelag hjá Landsbankinn og eitt annað sum heitir Nýsir hev- ur í gerð. Tann byggingin er í gongd, men vit vita ikki, hvussu verður við tí. Tað skuldi verða liðugt í 2009, men vit vita nú, at verkætl- anin verður seinkað, og Sig- urjón þór Hafsteinsson veit ikki at siga, hvussu verður við tí byggingini. Púra galið Eingin tykist duga at siga, hvussu langa tíð tað fer at taka íslendingum, at sleppa úr kreppuni aftur, og tað dugir Sigurjón þór Haf- steinsson heldur ikki. - Tað er ringt at siga, ser- liga tí vit hava ikki fulla yvirlitið yvir støðuni enn, sigur hann. Men tað er einki annað at gera, enn at byggja búskapin upp aftur av nýggjum. Og tá ræður um at hava lært av teimum mistøkum, sum gjørd eru. - Vit kunnu bara hyggja at, hvussu bankarnir hava arbeitt. Lønirnar vóru púra ørar og høvdu einki við veruleikan at gera, og nógv vistu av hesum, sigur Sigur- jón Hafsteinsson. So sum støðan er nú, er bara eitt at gera. - Vit mugu arbeiða okkum burtur úr kreppuni. Vit hava gjørt stór mistøk, og vit mugu læra av okkara feil- um. Vit skulu brúka hesa læruna til at byggja samfel- agið upp aftur, sigur Sigur- jón þór Hafsteinsson. Einki so ringt... Men íslendingar eru samdir á í hvussu er einum øki: Teir síggja ljóst upp á framtíðina. - Ísland er í løtuni nógv áhugaverdari sum ferða- mannaland, tí tað er bíligt hjá ferðafólkum. Nógv fólk ringja t.d. og bíleggja sær eitt Rolex ur her, tí tey eru helvtina bíligari í Íslandi nú, enn í teirra heimlondum, sigur Sigurjón þór Haf- steinsson. Íslendingar hava eisini nógvar aðrar fyrimunir, ikki mist náttúrligu orkukeldur- nar. Og fiskin í havinum. Og ikki at gloyma menn- iskjaliga tilfeingið. - Vit hava nógv og væl útbúgvið fólk, sum hava verið í bankasektorinum, og sum nú eru leys á markn- aðinum. Tað ræður um at útnytta hesi fólk, so vit skjótast gjørligt koma okk- um úr kreppuni aftur, sigur Sigurjón þór Hafsteinsson. Meðan Smyril Line á sín vís hevur notið got av krepp- uni við øktum bookingum av landinum, so veit Sigur- jón þór Hafsteinsson ikki at siga, hvussu stendur til við frakt til og úr Íslandi. Tað er Smyril Blue Water, sum skipar fyri tí. Læra av mistøkunum - Vit flyra so mikið lítið av farmi til Íslands framman und- an, at vit neyvan fara at merkja nakað til kreppuna í Íslandi, sigur John Frandsen, skrivstovustjóri hjá Smyril Blue Water FÍGGJARKREPPA Leo Poulsen leo@sosialurin.fo - Vit flyta ikki serliga nógv- an farm til Íslands. Tað all- armesta fer um Reykjavík á vesturlandinum, og Norröna siglur sum kunnugt upp á Seyðisfjørð á eysturlandin- um, sigur John Frandsen, skrivstovustjóri á Smyril Blue Water. Tað hevði sjálvandi latið seg gjørt at flutt um Seyðis- fjørð til Reykjavík, men koyringini Íslandi er so mik- ið dýr, at tað als ikki loysir seg. - Túrurin í næstu viku er hin seinasti í ár, og næstu fýra mánaðirnar sigla vit sostatt ikki upp á Ísland, so eg rokni neyvan við, at vit fara ar merkja kreppuna yvir- høvur, sigur John Frandsen. Hann sigur, at teir ikki merktu nakran mun á fraktini í síðstu viku, og hvussu tað verður komandi viku veit hann ikki. - Tað kann jú vera, at tað standa nakrir bilar og bíða í Seyðisfirði. Tað hoyrist jú, at tað ber til at fáa bíligar bilar í Íslandi í hesum døg- um. Trupulleikin er bara tann, at talan er um sera stór- ar og bensinslúkandi bilar, so spurningurin er, hvussu bíligt tað verður í longdini, sigur John Frandsen. Um nakað so fer at merkj- ast, tá Norröna tekur upp siglingina til Íslands aftur, kann bara tíðin vísa. Merkja neyvan nakað John Frandsen trýr ikki, at íslendska fíggjarkreppan fer at ávirka virksemið hjá Smyril Blue Water Sigurjón þór Hafsteinsson er stjóri í Smyril Line í Íslandi Fyrilestur um tannáringar Týskvøldið 28. oktober klokkan 19.30 verður áhugavert kvøld fyri foreldur at tannáringum á Klaksavíkar bókasavni. Tá heldur Kathrina Lindenskov Joensen, sálarfrøðinguri, fyrilestur um tannáringar. Hon fer á fyrilestrinum at tosa um, hvat tað er, ið ger tað til nakað serligt at vera tannáringur. Kathrina Lindenskov Joensen nemir einamest við tey sálarligu viðurskiftini, men tann kropsliga menningin hevur eisini týdning fyri, hvussu tannáringar uppliva seg sjálvan, so tað kemur hon eisini inn á. Suðuroyarportalur nýtt snið Í eina tíð hevur verið arbeitt við at dagføra Suðuroyarportalin á www.sudurras.fo, bæði hvat viðvíkur sniði og tí meiri tekniska partinum. - Hetta arbeiðið er nú komið somikið áleiðis, at vit á middegi í dag hava gjørt av at leggja nýggja Suðuroyarportalin út á netið, skrivar Suðuroyarportalurin í tíðindaskrivi. Nakrar av broytingunum eru longu sjónligar, men eisini aðrar broyt- ingar verða gjørdar komandi dagarnar, sum vitjandi helst skuldu fingið gleði av. Tað er Cre8 - www.cre8.fo - í Klaksvík, sum hevur staðið fyri dagføringini av Suðuroyarportalinum. FÍGGJARKREPPA Orð & myndir Leo Poulsen leo@sosialurin.fo Kári Mikkelsen karim@sosialurin.fo