fríggjadagur 31. oktober 2008síða 7

7 tíðindi Nr. 210 - 31. oktober 2008 Fiska leyvuna í Atlantshavinum Nú verður aftur tíð at fara á flot við tí stóru tráðuni. Rammurnar eru nøkulunda tær somu sum í fjør, so kappingin byrjar 1. november 2008, og síðsti fiskidagur er 1. mars 2009. Eins og undanfarnu ár, er Magni Blástein fyriskipari. Í ár er tað Jógvan Weihe og Bátatænastan sum lata virðislønir. Um kappingina í fjør kann sigast at hon eydnaðist væl. Vinnarin gjørdist Heini Weihe við einum hemara á 196 kg, og næstur honum var Jóannes Gaard við einum hemara á 160 kg. Tann triðtyngsta fekk Johan Simonsen, og vigaði hann 117 kg. Hemarin - Løvan í atlantshavinum - liggur ofta millum 200 og 400 pund og kann gerast yvir tríggjar metrar langur. - Undirsjóvartunnilin ímillum Streymoy og Eysturoy er ein sera áhugaverd verkætlan og eg fari at gera mítt til, at arbeiðið kann byrja sum skjótast, sigur Annika Olsen, landsstýriskvinna í innlendismálum UndirsjóvartUnnil Áki Bertholdsen aki@sosialurin.fo - Hetta er helst akkurát rætta løtan at fara undir arbeiðið at gera undirsjóvar- tunnil ímillum Streymoy og Eysturoy. Tað heldur Annika Olsen, landsstýriskvinna í inn- lendismálum. Í gjár var fundur ímillum landsstýriskvinnuna og privata felagið aftanfyri Eysturoyartunnilin fyri at kanna eftir, um útlit fram- vegis eru fyri at fremja ætl- anina á privatum grundar- lagi, soleiðis sum tað upprunaliga varð ætlað. Allir partar eru sera væl nøgdir við fundin, har yvir- skipaða niðurstøðan var tann, at privata felagið fram- vegis er sinnað at fremja ætlanina. Annika hevur bóltin Annika Olsen staðfestir, at eftir fundin við tunnilsfelag- ið í gjár, liggur bólturin hjá henni. Men hon ætlar at spæla hann víðari sum skjótast. - Tað fyrsta, eg nú fari at gera, er at fyrireika málið so at tað kann leggjast fyri ein landsstýrisfund, sigur hon. Hon væntar ikki, at hon klárar tað til landsstýris- fundin mánadagin, men í øllum førum miðjar hon eft- ir at leggja tað fyri á lands- stýrisfundi næsta mánadag. Á landsstýrisfundinum fer hon at kunna landsstýrið um fundin við tunnilsfelagið í gjár og endamálið er sjálv- andi eisini at fáa tilsøgn til at fara undir samráðingar við tunnilsfelagið um loyv- istreytirnar. Helst skal landsstýrið eisini stinga nakrar yvirskip- aðar loyvistreytir út í kortið, sum landsstýriskvinnan fer at samráðast innanfyri. - Hetta er ikki eitt mál, sum eg ætli at leggjast á, tí fari eg at royna at fáa gongd á samráðingarnar við tunn- ilsfelagið um loyvistreytir- nar sum skjótast, sigur Annika Olsen. Men nær tað verður, veldst um viðgerðina í landsstýrinum, men hon vónar, at samráðingarnar kunnu byrja skjótt og í øll- um førum ætlar hon sjálv, at tað skal verða so skjótt sum gjørligt. - Hetta er ein verkætlan, sum allir partar eru sinnaðir at fáa gongd á og tí fara vit at bera so skjótt at sum gjørligt. - Hetta er ein verkætlan, sum hevur stóran, samfel- agsligan týdning. Men nú stígur er komin í búskapin, er hetta helst akkurát rætta løtan at fara undir eina slíka verkætlan fyri at varðveita virksemi í landinum. Bjartskygdur Eisini Ingi Højgaard, for- maður í nevndini fyri Eyst- uroyartunnilin, er bjart- skygdur eftir fundin við landsstýriskvinnuna. - Vit løgdu okkara sjónar- mið fram og greiddu frá ætl- anini, samstundis sum vit váttaðu, at vit framvegis eru sinnað at fremja ætlanina. Tað, sum tunnilsfelagið nú sær fyri sær, er, at ein tíðarætlan verður løgd fyri samráðingunum um loyvis- treytirnar og tað arbeiðið verður farið í holt við nú. - Landsstýriskvinnan var vælviljað og varð sinnað at taka málið upp beinanvegin, so tað kunnu vit ikki vera annað enn nøgd við, sigur Ingi Højgaard. Annika Olsen vil hava gongd á Eysturoyartunnilin sum skjótast Øll eru sera væl nøgd við hendan fyrsta fundin ímillum landsstýrið og felagið aftanfyri Eysturoyartunnilin. Frá vinstru sita, Dávid Reinert Hansen, stjóri í felagnum fyri Eysturoyartunnilin, Rodmundur Nielsen, nevndarlimur, Ingi Højgaard, nevndarformaður, Malena Thomsen, nevndarlimur, Annika Olsen, landsstýriskvinna, Rúni Joensen, aðalstjóri í Innlendismálaráðnum, Kristjan Petersen, stjóri í felagnum fyri Eysturoyartunnilin, Niklas Foldbo nevndarlimur og Bergur í Garði, nevndarlimur 33,1 millión á muni Tilsamans komu sjey tilboð inn upp á at byggja ellis-og røktarheimið og økisdepilin fyri sinnisveik í Vági. Tilboðini vóru hesi: TG Verk: 56,9 mió Víking Smíð: 63,3 mió HES-Byg: 63,9 mió Norðhús: 68,5 mió Articon: 69,4 mió MT-Højgaard: 75,0 mió Pihl & Søn: 90,0 mió Kostnaðarmetingin var upp á 65 milliónir, so tað sæst, at trý tilboð eru niðanfyri tað og tvey onnur tilboð eru beint omanfyri. Landsverk, sum er byggiharri, fer nú at meta um tilboðini og fyritøkurnar, sum bjóðað hava og út frá eini heildarmeting verður so tikið av einum av tilboðunum Sjey fyritøkur bjóða seg fram at byggja ellis-og røktarheim og økisdepil fyri sinn- isveik í Vági. Gongur sum ætlað, byrjar byggingin longu í ár almenn bygging Áki Bertholdsen aki@sosialurin.fo Gongur sum ætlað, verður farið undir at byggja nógv umrødda ellis- og røktar- heimið og økisdepilin fyri sinnisveik í Vági, longu í ár. Tað er greitt eftir at tilboð- ini upp á byggingina vórðu latin upp seinnapartin í gjár. Tann stóra løtan var á skrivstovuni hjá Landsverki í Havn og tað vísti seg, at sjey tilboð vóru komin inn upp á byggingina. Tilboðini fevna um all- an byggikostnaðin, tað vil siga, alt tað, sum hevur við handverksarbeiðið at gera. Men afturat hesum kostn- aðinum, koma so lønar- og príshækkingar, projektering, eftirlit, innbúgv og annað. Tað sást, at rættiliga stór- ur munur var á tilboðunum við tað, at heili 33,1 millión var á muni á tí bíligasta og tí dýrasta tilboðnum. Tað var TG Verk, sum hevði bíligasta tilboðið og teir bjóða sær til at byggja stovnarnar báðar fyri 56,9 milliónir. Tað eru arkitektarnir Albert Isfeld og Gudmund S. Hansen, sum hava teknað stovnarnar, Landsbyggifel- agið stendur fyri konstruk- tiónunum og el arbeiðnum og Martin Leo stendur fyri hvs arbeiðnum. Byrja í ár Albert Isfeld sigur, at gong- ur sum ætlað, verður klárt at fara undir byggingina longu ár, kanska enntá longu nú í november. Byggingin er mett at taka tvey ár, so alt bendir á, at tað verður klárt at flyta inn í nýggju stovnarnar um ársskiftið 2010-2011. - Grundstykkið er grivið út og tað mesta av planer- ingini og atkomuvegnum er gjørt, so tí ber tað til at fara undir byggingina so skjótt, sigur Albert Isfeld. Hann er væl nøgdur við tilboðini, tí hann sigur, at tey eru, sum hann hevði væntað. Tilsamans 3900 fermetrar Verkætlanin fevnir um tveir samanbygdir stovnar. Annar stovnurin er eitt ellis- og røktarheim og hin stovnurin er ein økisdepil til sinnis- veik. Tilsamans er talan um eina bygging upp á 3.900 fermetrar. Ellis- og røktar- heimið skal hýsa 24 búfólk- um og verður 2.500 fermetr- ar til støddar og økisdepilin til sinnisveik verður 1.400 fermetrar til støddar og har verður rúmd fyri verður átta búðfólkum, umframt at tað verða tvey umlætingarpláss. Byrja bygging fyri 60-70 milliónir í Vági longu í ár