leygardagur 1. september 2001síða 6

10 Nr. 168 - 1. september 2001 Nr. 168 - 1. september 2001 11 Óli Jacobsen Tað tykist at vera almennur politikkur í Føroyum, at borgarin skal finna seg í øllum, sum politiskir myndugleikar kunnu finna uppá. Og teir skulu ikki hava krav uppá nakra sum helst frágreiðing um tiknar avgerðir. Teir skulu heldur ikki hava krav uppá nakað svar uppá nakran fyri- spurning um avgerðir sum enntá viðvíkja teimum sjálvum. Tað finnast nógv dømi um hetta, men her skal bert verða tikið fram lógarmálið um fiskidaganevndina. Í nógvum FF-bløðum er greitt frá margháttligu við- gerðini í løgtinginum og tess vinnunevnd í samband við hetta mál. Her tekur vinnunevndin sær ta hei- mild at taka dagar ímillum hvørji feløg ið vara av fiskidagaskipanini. Og bert feløg sum umboða skip og bátar vera »góð- kend« av vinnunevndini, meðan feløg umboðandi fiskimenn eru útilokað. Hetta verður gjørt hóast júst umsitingin av fiski- daga-skipanini er av størsta týdningi fyri fiskimenn. Og hóast hetta økið hevur verið eitt av stóru arbeiðsøkj- unum hjá FF, so er felagið ikki við í uppgerðini hjá vinnunevndini, og er harvið beinleiðis ætlað at vera útilokað frá at røkja áhugamál fiskimanna í hes- um sambandi. »Avrætting« uttan frágreiðing. Hetta er gjørt uttan ta allarminstu grundgeving í sjálvum tingmálinum. Og royndir at fáa eina frá- greiðing frá nevndini sjálv- ari hava ikki givið minsta úrslit. Serliga hevur støðan hjá javnaðartingmanninum Henrik Old undra, sum tað eisini er víst á í FF- blaðnum. Men frá honum fekst nú um dagarnar »millum rivjabeinini« á- bending av eini frágreiðing. Og hon var, at FF var als ikki fyri nøkrum vanbýti, tí felagið hevði gjøgnum fiskivinnuráðið fullan møguleika at vera við í við- gerðini av fiskidøgunum. Endiliga fekst váttan um ætlað rættarbrot. Við hesi »frágreiðing« er so fingin tann endaliga váttanin fyri, at vinnu- nevndin hevur framt beinleiðis tilætlað rættar- brot móti FF, og tað við beinleiðis medvirkan frá Henrik Old. Fyrst skal verða nevnt, at í skipanarnevndini var vinnan umboðað av Føroya Fiskimannafelag, Megin- felag Útróðrarmanna og Føroya Reiðarafelag, har umboð fyri Feløgini Trolskip og Línuskip um- boðaði hetta felag. Í fiski- daganevndini eru somu feløg umboðað beinleiðis ella óbeinleiðis, men við undantak av Føroya Fiski- mannafelag. Undanførslan við fiskivinnuráðnum er bert kávalótir, sum tað skal verða víst á her. Tá víst verður til fiski- vinnuráðið er at siga, at Føroya Reiðarafelag og Meginfelag Útróðramanna eisini umboðað í fiski- vinnuráðnum. Hetta prógvar einsamalt tann »mun fyri lógini«, sum er gjørdur. Men talan er um tvær heilt ymiskar nevndir. Fiskidaganevndin fyrireik- ar málið til viðgerð í lands- stýrinum, og tað er her, at veruliga arbeiðið fer fram. Fiskivinnuráðið ikki fær málið til viðgerðar, fyrr enn viðgerðin í landsstýrinum er liðug, og málið er klárt at leggja fyri løgtingið. Hetta verður gjørt so nær uppundir seinastu fram- løgufreist, at viðgerðin í fiskivinnuráðnum als ikki kann ávirka endaliga upp- skotið. Tí kann tað fyri feløgini vera líka gott at senda sínar viðmerkingar beinleiðis til tingið. Samansetingin av fiski- vinnuráðnum vísir eisini, at formelt er talan um eina meira generella viðgerð, sum kann klárast uppá ein fyrrapart. Tí eru t.d. ar- beiðarafeløgini umboðað, hóast tey bert óbeinleiðis hava áhuga fyri fiskidaga- skipanini, og tey nýta sera lítla orku á hesum øki. Tí kann sigast, at umboðan hjá FF í fiskivinnuráðnum er ikki meira verd enn sjálvur møguleikin at senda sínar viðmerkingar beinleiðis til tingið, og hetta kunnu øll gera í øllum málum. Tað skal eisini sigast, at tað í hesum førinum ikki hevur havt tann stóra praktiska týdningin, um FF hevur verið við í fiskidaga- nevndina. Felagið gjørdi jú sítt egna tilmæli, sum var munandi meira umfatandi enn tilmælið hjá fiskidaga- nevndini, og tað man hava hava gjørt sína nyttu eisini. Tað vísir úrslitið. Veruliga rættarbrotið. Men tað prinsippiella í mál- inum er nevniliga, har vinnunevndin sigur í sínum áliti: »..feløgini, sum ... eru undir fiskidagaskipanini ...eru í løtuni Felagið trol- skip, Felagið trolbátar, Felagið línuskip, Megin- felag Útróðrarmanna og Felagið snelluskip.« Hetta er ein »stað- festing«, sum ikki bert hev- ur týdning fyri fiskidaga- nevndina. Hon kann nýtast av landsstýrinum at útihýsa FF í øllum øðrum fiski- veiðumálum. Um tað t.d. skuldi hent, at settir verða aðrir arbeiðsbólkar við- víkjandi regulering av veið- uni, sum t.d. at endurskoða fiskidagaskipanina, so er FF av hesi orsøk uppá forhond útilokað. VIÐMERKINGAR Ágangur móti fakfeløgum: Hvønn holdning hevur javnaðarflokkurin? Skipaður ágangur. Her tykist at vera talan um ein skipaðan ágang móti FF. Løgtingsins »viðgerð« av yrkisráðnum hjá løn- javningargrunninum hevur havt sum úrslit, at FF als ikki fær svar uppá nakran sum helst fyrispurning til fiskimálastýrið í málum á júst tí økinum, og hetta er heilt í samsvar við tey »signal«, sum stýrið hevur fingið úr tinginum. Nú hevur sama ting boð- að landsstýrinum frá, at tað er FF óviðkomandi hvussu veiðan hjá limum felagsins verður skipað. Hetta er fyri so vítt í samsvar við galdandi mannagongd. Men nú er tað beinleiðis samtykt av Føroya Løgting! Lógásettur mannamunur. Hevði tað so »av illum« verið so, at hetta var galdandi fyri allar, so hevði í hvussu er verið ein »linja« í støðuni hjá løgtinginum. Men her er talan um bein- leiðis løgtingsásettan »mannamun« millum feløg, sum heilt greitt skuldu havt krav um at verða viðfarin eins. Tí er tað eisini greitt, at henda lóggávan er beinleiðis ætlað at raka FF og tess formann. Tað kann ikki finnast minsta sakliga grundgeving fyri ymiskar viðgerð av feløgum sum umboða reiðarar og fisk- imenn. Undanførslan við fiskivinnuráðnum kann í hvussu er ikki nýtast. Hvussu kann slík lóggáva lata seg gera? Tað er als eingin ivi um, at her er talan um eina lóg- gávu, sum er fullkomiliga í stríð við allar demokrat- iskar grundreglur, og hetta hava vit eisini fingið váttað frá donskum serfrøðingum sum øtast um at hetta veruliga kann finna stað. Enntá av einum samdum tingi. Og her verður aftur kom- ið til leiklutin hjá Henrik Old. Sjálvur havi eg í nógv ár havt samskifti við hann í málum, sum viðvíkja viðurskiftum hjá fiski- monnum. Og í málinum um yrkisráðið stuðlaði Henrik eisini FF. Tí er tað ómøguligt at skilja, at hann nú saman við tí primitiva og smáttskorna Heina O Heinesen skal hava lagt hesi ráð saman móti FF. Ikki minst tí FF júst hevur havt ein sera konstruktivan leiklut í fiskidagaskipanini. Og felagið hevur júst virkað fyri tey sjónarmið, sum Henrik sjálvur hevur ført fram í løgtingsálitinum um fiskidagarnar komandi ár, nevniliga at fiskidag- arnir skuldu regulerast í takt við broyting í økta orku í flotanum. Tað var júst manglandi hugurin hjá almennum myndigleikum at medvirka til hetta sum gjørdi, at skipanarnevnin ikki fekk virkað til fulnar. Kann hetta vera javnaðarpolitikkur? Annars skuldi tað verið í stríð við sjálvt navnið í javnaðarflokkinum at lóg- geva slíkan ójavna, sum her er talan um. Og ikki fyri at tala um, tá hesin lógásetti mismunur gongur útyvir fakfeløg, sum í veruleik- anum er sett uttan fyri lóg og rætt. Tað undrar ikki minst, tá hugsað verður um tey sjónarmið, sum floks- formaðurin førdi fram fyri kortum, um samstarv mill- um flokkin og fakfeløg. Her ber ikki til at vera ullintur! Tað skal skjótast inn her, at Dan R Petersen síðst í viðgerðini av málinum um fiskidaganevnd royndi at bøta um skaðan við einum broytingaruppskoti, sum vildi bøtt um henda ætlaða mannamunin. Sum tann einasti javnaðarmaður at- kvøddi Henrik ímóti hesum uppskoti, so her er talan um tilætlaðan politikk. Men aftaná at hava atkvøtt fyri umrødda broytingarupp- skoti, sum fall, atkvøddi allur javnaðarflokkurin saman við restina av ting- inum fyri umrødda rættar- broti. Ein slík tvístøða virkar ikki serliga álitsvekj- andi! Hvat er uppgávan hjá løgtingsskrivstovuni? Men tað skuldi verið skak- andi, at slík rættarbrot kunnu koma ígjøgnum alla politisku viðgerðina, uttan at hetta verður steðgað av løgtingsskrivstovuni. FF setti ein fyrispurning hagar um løgfrøðisligu grund- grevingina fyri umrødda lógásetta mannamun. Svar- ið var, at »at hetta var politisk útmelding sum ikki kravdi løgfrøðisliga grund- geving.« So lætt skákar løgtingsskrivstovan sær undan einum máli, sum skakar serfrøðingar á økinum og sum heilt greitt er »magtfordrejning« ella maktmisnýtsla av ringasta slag. Men hetta er aftur ein váttan um, at málsvið- gerarar á løgtingsskriv- stovuni ikki rokna tað sum sína uppgávu at tryggja, at lóggávan er í samsvar við góðan lógávusið, sum at øll skulu vera líka fyri lógina. Og er enn ein váttan um, at løgtingsskrivstovan miðvíst viðvgerð mál løgfrøðisliga alt hetta hvønn og hvat málið snýr seg um, soleiðis sum hetta verður »bestilt« av viljanum hjá løgting- inum. Ikki fiskivinnumál. Hetta er ikki eitt fiski- vinnumál. Og tað hevur bert í aðru røð nakað við FF at gera. Hetta er fyrst og fremst ein spurningur um rættartrygd hjá borgarum og um rættarfatan í polit- isku skipanini. Hjá tí sum kennir tað allarminsta til politikk uttanfyri okkara egna dunnuhyl er eingin ivi um, at her er talan um lóggávu, sum er beinleiðis í stríð við allar demokrat- iskar grundreglur. Hetta skuldi verið eitt upplagt mál hjá grundlógarnevnd- ini. Men tá allir politisku limirnir í nevndini sjálvir hava atkvøtt fyri hesum rættarbroti skal sjálvsagt einki væntast hagani. Javnaðarflokkar hava í allari síðstu øld verið fremsta bolverk móti ó- demokratiskum manna- gongdum. T.v.s. í øðrum londum! VIÐMERKINGAR C M Y K 11 10 Fimleikafelagið Ljósið Tímatalva 2001/2002 Sankta Frants Skúli Mánadag Týsdag Mikudag Hósdag Kl. 16.00-17.00 4-5 ár frá kl. 16.15 5.fl 4. fl. 3. fl. Kl. 17.00-18.00 Mini 6 ár 1. fl. 2. fl Kl. 18.00-19.00 Mini mini Motión, Lydia Ball-stik 7-8 fl Kl. 19.00-20.00 Juniorar til kl. 20.30 15-19 ár 6. fl. Motión, Helle Kl. 20.30-22.00 Seniorar Kommunuskúlin Mánadag Týsdag Mikudag Hósdag Kl. 16.00-17.00 Foreldur og børn Amb. ge. 7-9 ár Amb. dr. 6-7 ár frá kl.16.15 Kl. 17.00-18.00 Amb. dr. 4-5 ár Amb. ge. 13 ár og eldri Foreldur og børn Amb. dr. 8 ár og til kl. 17.45 eldri Kl. 18.00-19.00 Amb. ge. úrv.eldri Amb. ge. 10-12 ár Amb. ge. úrv. eldri Amb. ge. úrv. yngri Kl. 19.00-19.30 Amb. ge. úrv. eldri Amb. ge. úrv. eldri Amb. ge. úrv. yngri Eysturskúlin Høllin á Stórheyggi Mikudag Fríggjadag Fríggjadag Kl.17.00-18.00 Mini mini Kl. 18.30-20.00 Amb. ge. úrv. eldri Kl. 18.00-19.00 Mini til 19.30 Kl. 19.00-20.00 Juniorar Seniorar frá 19.30 Kl. 20.00-21.00 Juniorar Seniorar Háskúlin Mánadag Týsdag Kl. 09.15-10.00 Morgunfimleikur Kl. 16.00-17.00 Eldrafimleikur Tilmelding verður leygardagin 8. september 2001 kl. 14.00-17.00 í Sankta Frants skúla (fimleikahøllin). Fimleikurin byrjar mánadagin 10. september. Gjaldast skal við tilmeldan, ella eftir fyrsta tíman. Kostnaður fyri allan veturin: Motión......................................... kr. 400 Foreldur og barn/børn........... kr. 400 Pensionistar................................ kr. 250 Børn 5-18 ár 1 tíma.................. kr. 250 18 ár og eldri 1 1/2 tíma........ kr. 400 Reiðskap 1 tími.......................... kr. 250 Reiðskap 11/2 tími................... kr. 350 Lesið -tað loysir seg