fríggjadagur 7. november 2008síða 11

11 tíðindi Nr. 215 - 7. november 2008 Pop-café á gamla Reinsarínum Harmoniorkestrið GHM hevur konsert á gamla Reinsarínum sunnudagin klokkan 16. Á skránni er kendur pop-tónleikur sum er skipaður til harmoniorkestur. Spæld verða løg eftir m.a. Toto, Elton John og Supertramp. Gamla Reinsarí er nýggja spælistaðið í Havn, og konsertin hjá GHM verður fyrsta framførslan á Reinsarínum har blásiljóðføri fylla pallin. Konsertin verður skipað sum ein café konsert, har høvi verður at njóta kaffi/ køkur. GHM hevur seinastu árini skipað venjingina í styttri venjingarskeið á 6-8 vikur við ávísum tónleikatema. Tað gevur høvi at gera meira við tónleikin innan ávísa tema’ið og samstundis verður venjingarskeiðið styttri og ríkari. GHM telur í 2008 umleið 30 spælarar, menn og kvinnur, ung og eldri. Konsertin er ókeypis. Nú landskassin skal bjarga Smyril Line, er tað eitt gylt høvi hjá politikarum at vísa í verki, at teir meina tað í álvara, tá ið teir tosa um at flyta fleiri størv út um Havnina, sigur borgarstjórin á Tvøroyri Økismenning Áki Bertholdsen aki@sosialurin.fo - Tað einasta rætta, er at flyta alla umsitingina hjá Smyril Line til Suðuroyar. Tað heldur Kristin Michel- sen, borgarstjóri á Tvør- oyri. Hann sigur, at nú lands- stýrið arbeiðir við eini bjarg- ingarætlan fyri Smyril Line, er tað ein partur av tiltakin- um, at landsstýrið skal fáa meirilutan í nevndini. - Samstundis hoyra vit fleiri og fleiri røddir, sum mæla frá at einsklja fleiri almennar ognir, tí royndir- nar av tí eru ikki nakað ser- ligar og serfrøðingur hevur enntá staðiliga mælt frá at einskilja Atlantsflog. Stórt bakkast Kristin Michelsen sigur, at Suðuroyggin hevur verið fyri nógvum bakkøstum. - Fleiri fiskiskip eru løgd, flakavinnan gongur strilti og tað seinasta er, at Føroya Banki hevur sagt fleiri starvsfólkum í Suðuroy upp í sambandi við umskipingar á stovninum. Samstundis hoyra vit ferð eftir ferð politikarar tosa um økismenning og um at flyta førleikakrevjandi størv út um landið. Kristin Michelsen heldur, at nú hava politikarar ein gyltan møguleika at vísa hetta í verki. - Nú ætlanin er at bjarga Smyril Line, hevur landskass- in tryggja sær meirilutan í nevndini, men tað er ein spurningur um ikki landið skuldi ogna sær meirilutan í Smyril Line. Men undir øll- um umstøðum fær landið meirilutan í nevndini. Samstarv við Strandferðsluna Kristin Michelsen heldur, at ein partur av hesi almenni bjargingarætlanini, eigur at vera, at øll umsitingin hjá Smyril Line verður flutt suður til Suðuroyar. - Í Suðuroy kann umsit- ingin hjá Smyril Line verða tengd tætt saman við umsit- ingini hjá Strandferðsluni, so at báðir stovnarnir kunnu samstarva, um teir ikki vera lagdur beinleiðis saman. Borgarstjórin á Tvøroyri heldur, at hetta hevði gjørt, at vit fingu eina endaliga loysn á trupulleikanum við at finna avloysaraskipi til Smyril, tá ið hann er í dokk. - Men samstundis kunnu Norrøna og Smyril sam- starva, so at vit ikki missa siglingina til okkara næsta granna, Skotland burtur, tí tað haldi eg er spell. - Hetta er ein funnin frensur at taka eitt stórt tak fyri at menna eitt niðurpínt øki í landinum og at skapa fleiri nýggj arbeiðspláss í Suðuroy. Kristin Michelsen sigur, at er sambandið út í heim av so avgerandi týdningi, er tað ein spurningur um ikki landið átti at havt ræðið á tí. - Landið hevur framman- undan ræðið á Atlantsflogi og nú fær landið eisini ræðið á Smyril Line og sostatt stýrir landið bæði sjóvegis og loft- vegis flutninginum. Tað er tí laga manni at samskipa allan flutning, so at hann er okkum til best gagns. Kristin Michelsen leggur afturat, at við teirri tøkni, sum er í dag, er ongin trup- ulleiki at hava ein stovn, sum hendan, uttanfyri Havn- ina, tí nógv tað mesta sam- skifti er kortini umvegis telefon og teldu. Formaðurin í Reið­ arafelagum staðfestir, at nú politikararnir bjarga Norrønu und­ an at fara á húsagang, er tað sjálvsagt, at teir eisini bjarga teimum fiskiskipum, sum eru á veg undir hamaran Loftingar­ poLitikkur Áki Bertholdsen aki@sosialurin.fo - Sjálvandi vænta vit, at kreppurakt fiskiskip fáa somu sømdir frá tí almenna, sum Smyril Line fær. Tað staðfestir Viberg Sør- ensen, formaður í Reiðara- felagnum. Hann sigur, at nú politik- ararnir veita Norrønu almennan stuðul fyri at bjarga henni undan at fara av knóranum, er tað sjálv- sagt, at eisini kreppurakt fiskiskip fáa somu sømdir. Tað var í vár og í summar, at oljan bleiv so dýr, at fiski- flotin kom í eina rættiliga kreppu, tí tey fiskaðu ikki fyri rakstur. Men tá vóru boðini frá politiska myndugleikanum púra greið og ikki til at mis- skilja. Og tey boðini vóru, at tað kom ikki upp á tal, at veita fiskiflotanum stuðul til at halda fram. - Vit fingu púra greitt at vita, at tað, sum ikki kann standa, tað má falla. Úrslitið av tí er, at nógv skip liggja í løtuni, eins og onnur eru farin í aðra vinnu, eitt nú oljuvinnuna. - Men tað eru eisini eini átta skip, sum eru á veg undir hamaran, sum støðan er nú. Viberg Sørensen sigur, at Reiðarafelagið royndi at føra fram fyri politiska myndugleikanum, at eitt átak fyri at bjarga tí kreppu- rakta fiskiflotanum, er sam- stundis eitt átak fyri at bjarga øllum landinum, tí tað er fiskiflotin, sum er horna- steinurin í okkara samfelag. - Men tað var sum at sláa í eina dýnu, tí støðan var, at fiskiflotin mátti sigla sín egna sjógv, staðfestir formað- urin í Reiðarafelagnum. Hann sigur, at nú hava vit fingið eina aðra samgongu og tað, at Norrøna nú verður bjargað, kundi bent á, at polit- iski hugburðurin er broyttur. Hann sigur, at nú fer tíðin at vísa, um landsstýrið eis- ini er sinnað at bjarga fiski- skipunum, sum eru á veg undir hamaran. - Tað taka vit sum ein sjálv- sagdan lut, hóast ongin enn hevur tikið tey upp á tung- una, sjálvt um talan er um hornasteinin í okkara samfel- ag, sigur Viberg Sørensen. Smyril Line flytast til Suðuroyar Fiskiskip vænta sær eisini almennan stuðul Viberg Sørensen, formaður í Reiðarafelagnum, ivast ikki í, at nú landskassin bjargar Norrønu undan at fara á heysin, fara teir eisini at bjarga teimum átta fiskiskipunum, ið eru á veg undir hamaran beint nú Borgarstjórin á Tvøroyri, Kristin Michelsen, sigur, at einasta rætta er at flyta alla umsitingina hjá Smyril Line til Suðuroyar, so at Smyril Line og Strandferðslan kunnu samstarva um sigling innanlands og uttanlands