fríggjadagur 7. november 2008síða 18

18 Nr. 215 - 7. november 2008 tíðindi - Tað stendur ógreitt fyri okkum, hví lands- stýrið hevur ta fatan, at tað ikki kann latast marknaðarkreftunum at tryggja sjóvegis ferðslu til og úr Før- oyum, sum ber seg fíggjarliga, sigur Búskaparráðið FERÐASAMBAND leo@sosialurin.fo Búskaparráðið hevur nú gjørt sínar viðmerkingar til ætlanina hjá landsstýrinum at bjarga Smyril Line og harvið framvegis hava Norrönu siglandi. Og tað er synd at siga, at Búskaparráðið tekur undir við ætlanunum. Og hóast ráðið orðar seg hóvliga, so stendur boðskapurin eftir klokkuklárur. - At landsstýrið soleiðis fer uppí P/F Smyril Line, sum rekur skip í kapping við privat reiðarí, tykist undranarvert, sigur Búskap- arráðið í sínum viðmerking- um. Teir geva heldur ikki nógv fyri grundgevingunum hjá samgonguni um, at tal- an er um eina lívsæðr til útheimin, sum má bjargast. - Tað er grund til at halda, at aðrar handilsligar kreftir fara at fylla tað tómrúm, sum vildi staðist av, at P/F Smyril Line hevði noyðst at givist við Norrönu, sigur Búskaparráðið. Teir halda tað heldur ikki vera rætt, tá landsstýrið sigur, at eitt fíggjarligt skrædl í P/F Smyril Line hevur við sær, at eingi ferða- fólk longur verða førd sjó- vegis til Føroya, at tað gerst endin á roll-on roll-off virk- seminum fyri føroyingar, og farmaflutningurin til og úr Føroyum gerst ótryggur. - Tað tykist annars, sum at ein konkursrættarlig regu- lering av felagsins viður- skiftum hevði verið meiri hóskilig at tikið framum hetta, at endurreisa kapital- grundarlagið við almennum pengum, sigur Búskaparráð- ið í sínum viðmerkingum. Ráðið vísir eisini á, at tað er ikki tørvur á almennum kapitali til at halda eini búskaparliga burardyggari ferðslu gangandi. Hóskiligari skip Spurningur verður eisini settur við, hví landsstýrið tvíheldur um júst Norrönu. - Er tað avgerandi fyri landsstýrið at hava júst Norrönu siglandi, hevði tað helst verið bíligari at fingið sær ræði á skipinum við at ogna sær 1. veðrættarlánið frá kreditorunum heldur enn, sum nú, at veita felag- num kapital, sum tryggjar allar kreditorarnar hjá felag- num móti tapi, sigur Bú- skaparráðið. Teir seta somuleiðis spurnartekin við, um tað loysir seg at reka flutnings- vinnu við Norrönu yvir- høvur. - Eftir fimm árum við støðugum halli fær tað ein at spyrja seg sjálvan, um tað yvirhøvur loysir seg at reka flutningsvinnu við “Norrönu” í Norðuratlants- havi. Tað fær ein at halda, at tað vildi verðið ein fyri- munur, at sett annað hóski- ligari skip í siglingina, og tað heldur av handilsligum íleggjarum enn av lands- kassanum og almennum grunnum, sigur Búskapar- ráðið. Landskassin ábyrgdast Ráðið vísir eisini á, at frem- ur landsstýrið hesa ætlanina, so er hon endalig. - Við einum partameiriluta saman við Framtaksgrunni- num og við einum meiriluta í nevndini er landsstýrið í ferð við at yvirtaka ta óav- markaðu ávirkanina – og ta óavmarkaðu ábyrgdina í reiðarínum P/F Smyril Line, og har vendist ikki aftur, sigur Búskaparráðið. Teir vísa á, at tað er rætti- liga vist, at landskassin kemur at ábyrgjast fyri eitt- hvørt tap hjá P/F Smyril Line í framtíðini. - Í Føroyum hava vit ring- ar royndir av at lata lands- kassan fara upp í vinnulívið við peningi. Tí er tað ilt at skilja, hví landsstýrið aftur vil royna tað, sigur Búskap- arráðið. Teir enda við einum rætti- ligum skoti eftir serliga báð- um borgarligu flokkunum í samgonguni. - Tað stendur ógreitt fyri okkum, hví landsstýrið hev- ur ta fatan, at tað ikki kann latast marknaðarkreftunum at tryggja sjóvegis ferðslu til og úr Føroyum, sum ber seg fíggjarliga, sigur Bú- skaparráðið at enda í sínum viðmerkingum til ætlanina hjá samgonguni at bjarga Norrönu. Burturvið at bjarga Norrönu Tað sigur Magni Laksáfoss, limur í fíggjarnevndini, um bjargingarætlanina hjá samgonguni, og hesin skal prógvast, skal hann taka undir við uppskotinum FERÐASAMBAND Leo Poulsen leo@sosialurin.fo Tað eru ikki allir samgongu- limir, sum treytaleyst taka undir við uppskotinum hjá landsstýrinum um at veita Smyril Line fíggjarliga hjálp. Magni Laksáfoss, fyrrver- andi fíggjarmálaráðharri, krevur í hvussu er prógv fyri, at bjargingin er vital fyri samfelagið. Hann dregur fram dømi SEV. - Stóð SEV í fíggjarligari trongstøðu og ikki hevði ráð at keypt olju, so mátti landið traðka til, tí er eingin streymur, steðgar landið upp. Og má sannførast um, at líknandi støða uppstendur, um vit ikki bjarga Norrönu, sigur Magni Laksáfoss. Hann má tí spyrja seg sjálvan, um Norröna uppfyllir tær treytirnar. Tá tað kemur til ferðafólk hava vit jú Atlantic Airways, og Ísland er tengt bert at flogferðslu, ikki skipum. So niðurstøðan hjá Magna Laksáfoss er, at ferða- ferðslan ikki líkur treytirnar fyri at bjarga Norrönu, tí fer hon, ivast hann ikki í, at annað skip kemur í staðin fyri. Viðvíkjandi farmaflutn- ingi sigur Magni Laksáfoss, at tað framman undan eru trý onnur feløg, sum røkja farmaflutning til og úr Føroyum. Og tá talan er um ro-ro, er Norröna einasta sambandið í so máta, sum Ísland hevur. Hinvegin vil Magni Laks- áfoss hava greiði á, um Norröna er vital fyri alivinn- una. - So fyribils er støðan óbroytt, og fyrr enn hon verður broytt, atkvøði eg ikki fyri uppskotinum, sigur Magni Laksáfoss. Vitalitetur má prógvast Magni Laksáfoss lovar ikki at taka undir við samgonguni. Tað skal prógvast neyðugt fyri samfelagið at bjarga Norrönu Jørn Astrup Hansen, formaður, og restin av Búskaparráðnum heldur lítið um ætlanirnar hjá landsstýrinum, at bjarga Norrönu