mikudagur 12. november 2008síða 22

22 Nr. 218 - 12. november 2008 tíðindi Vesturkirkjan var stúgstappað, tá Blái Krossur Føroya leygarkvøldið skipaði fyri stuðulskonsert í sambandi við bygging av nýggjum blákrossheimi á Nesi. Konsertin var ókeypis, men skipað varð fyri innsavning, har 52.660 krónur komu í kassan TónleikaTilTak Kári Mikkelsen karim@sosialurin.fo Myndir: Álvur Haraldsen Enn vantar nógvur peningur í til at fara undir at byggja nýtt blákrossheim, men tað fløvaði í kassanum, tá Blái Krossur Føroya skipaði fyri eini sera væleydnaðari stuðulskonsert í Vesturkirkj­ uni í Havn leygarkvøldið. Fleiri kend nøvn vóru á skránni. Til dømis Kristel Lisberg og pápi hennara, Jens Lisberg, sum tó ikki upptraðkaðu saman, troba­ dururin úr Vestmanna, Mart­ in Joensen, og gospelkórið VOX. Blákrossheimið arbeiðir í løtuni undir trongligum umstøðum í einum stórum sethúsum í Lynggøtu, har búfólkini búgva í 2­3 mans kømrum uttan wc og bað. Øðrvísi verður, tá nýggja heimið einaferð stendur liðugt. Pláss verður fyri 14 búfólkum, sum tá fáa eina­ kamar við wc og bað. Húsið verður 795 fermet­ rar stórt við einum stórum felagsrúmi í miðjuni, haðani beinleiðis atgongd er til kømur, skrivstovurúm og onnur rúm í húsinum. Samlaða kostnaðarætlan­ in er upp á 10 mió. krónur, og í løtuni er eginpeningur millum tvær og tríggjar mió. krónur. Íroknað er grundstykki og planering, ið hevur eitt virði upp á eina mió. krónur, sum Nes kommuna hevur latið. Aðrir stuðlar hava higartil latið eina mió. krónur. Harafturat er nakað av innsavnaðum peningi. Umframt kømur, skriv­ stovur og felagsrúm, sum eisini fer at virka sum kantina og forsamligsrúm, fer nýggja Blákrossheimið at hava viðgerðarrúm og eitt venjingarrúm. ­ Ætlanin var at fara í gongd við byggingina longu í fjør, men av ymsum orsøk­ um lat hetta seg ikki gera. Mest tí, at bankarnir settu krøv um størri eginfígging, sigur Sverri Steinhólm, sum er formaður í Bláa Krossi Føroya. Hann torir ikki at seta tíð á, nær bygg­ ingin kann fara í gongd, men vónar, at tað verður innan alt ov langa tíð. Konsertin leygarkvøldið var ókeypis, men skipað varð fyri innsavning, sum tilsamans gav 52.660 krón­ ur. Stappað kirkja til stuðulskonsert Tað vóru helst eini 900 fólk í Vesturkirkjuni leygarkvøldið Ásbjørn Berthelsen í hopla, her hann stjórnar teimum ungu sangfuglunum í VOX Kórlimirnir úr gospelkórinum VOX sluppu rættiliga at royna seg – bæði sum kór, men eisini sum bakgrundsrøddir hjá øðrum av sangarunum VOX hevur 10 ár á baki. Fyrr í ár høvdu tey jubileumskonsert í Norðurlandahúsinum