fríggjadagur 14. november 2008síða 30

30 Nr. 220 - 14. november 2008 tíðindi Rógving Fróði Waag   Hvannasund: Nú er nakað  liðið, síðani tíðindi spurdust  um,  at  Livar  Nysted  úr  Hvannasundi  ætlaði  vinna  á Atlantshavinum.  Síðani Livar gjørdist part­ ur av manningini á bátinum  »La Mondiale«, hevur hann  vant eftir miðvísari ætlan. Í  síðstu  viku  varð  hann  fyri  triðju ferð saman við mann­ ingini og vandi í Skotlandi.  Tað  er  ikki  bara  sum  at  siga tað at kalla manningina  saman  til  venjing,  tí  teir  koma víða frá. ­ Tað  ljóðar  kanska  ikki  av  so  nógvum,  at  vit  bara  hava  vant  tríggjar  ferðir  saman.  Men  til  eina  tílíka  avbjóðing hevur sinnalagið  nógv meiri at siga, enn júst  kropsligi formurin. Og tað  er júst sinnalagið vit royna  at finna.  ­  Um  eg  ikki  framman­ undan  visti  hvar  mínar  grensur vóru, so veit eg tað  í øllum førum nú, sigur Liv­ ar, tá  vit  hittu  hann  til  ein  kaffimunn.  Livar bjóðar innar í stov­ una. Tað er týðiligt at síggja,  at hann er ikki so væl gongd­ ur  henda  dagin.  Okkurt  man hann hava verið ígjøg­ num síðstu vikuna! SAS-venjarar Tað  var  við  spenningi,  at  Livar fór heimanífrá á hesa  ferðina.  Spurdur  um,  hvat  hann  væntaði  sær  av  túri­ num, tá ið hann fór heiman  frá, svarar Livar soleiðis:  ­  Eg  veit  ikki  akkurát  hvat eg væntaði mær, men  vit fingu í øllum førum at  vita, at fólk frá SAS (Spe­ cial  Air  Service)  skuldu  taka sær av venjingini.  ­ Hetta fekk meg at hugsa,  at  tað  nokk  fór  at  verða  í  harðara  lagi.  Og  so  varð  eisini!, flennir Livar. Teir  vóru  longu  á  fótum  klokkan sjey um morgunin.  Eftir 1½ tíma við kropslig­ um  venjingum,  skuldu  teir  rógva  í  kajakk.  Fyri  tann  ókenda  ljóðar  tað  kanska  ikki so strævið, men tað var  vátt  og  kalt,  og  teir  fingu  ongantíð  at  vita,  hvussu  leingi  venjingarnar  fóru  at  taka.  ­  Knappliga  skuldu  vit  ikki rógva meir, tí nú skuldu  vit, fýra mans, úr kajakkini,  og  saman  klintra  upp  eftir  einum  sjey  metra  høgum  pela.  Á  toppinum  var  ein  flata sum ein pizzadós. Her  skuldu vit standa, til nærri  boð  vóru  givin.  Og  allir  skuldu  standa  saman.  Kanska ein ómøgulig upp­ gáva, men við eitt sindur at  teamwork  bar  tað  til,  so  løgið tað ljóðar. – Nú kenni eg mínar grensur 38 ára gamli Livar Nysted úr Hvannasundi fer um ársskift­ ið at skriva seg í føroysku søgubøkurnar sum tann fyrsti føroyingurin, ið hevur róð tvørtur um Atlantshavið. ­ Hetta var tað harðasta sum eg nakrantíð havi roynt, sigur Livar, sum júst er afturkomin av venjingarlegu í Skotlandi Teir kunnu tað sama venja seg við hetta lívið – at rógva í Skotlandi og tvørtur um Atlantshavið er hvør sítt. Livar Nysted situr fremstur