mánadagur 17. november 2008síða 27

27 [ Nr. 221 - 17. november 2008 ] Benzema vil skifta 20 ára gamli álopsspælarin hjá Lyon, Karim Benzema, ger nú greitt, at hann er sinnaður at skifta felag fyria t spæla í einari størri kapping enn tí fronsku. - Tað eru nógv áhugaverd feløg – Barcelona, Real Madrid, Manhester United og Milan. Tað eru alt feløg, sum tú droymir um at spæla fyri. Mær dámar væl Spania, men í Manchester og Milan kundi eg ment meg sera nógv, og eg vil gerast heimsins besti, sigur Benzema. Barcelona áhugað í ungum skota Ein skoti í Barcelona. Tað er sum jól í lundatíð, men umboðsmaðurin hjá 17 ára gamla James McCarthy váttar, at spanska stórfelagið er áhugað í honum. McCarthy spælir fyri Hamilton, og har hevur hann staðið seg so væl, at feløg í Onglandi eru farin at hyggja nærri eftir honum. Og nú skal Barcelona eisini hava fingið eyguni á hann. Í løtum sýndi VÍF veruligt meistaraspæl, men ferðin dalaði, og so var um reppið, at StÍF fekk togað seg aftur í dystin Hondbóltur Jákup Mørk jakup@sosialurin.fo Eftir tapið móti H71 fyri viku síðani skuldu vest- menningar í gjár prógva, at teir hava styrkina, sum skal til, fyri at halda seg ovast á stigatalvuni. Og tað gjørdu teir so ruddiliga í løtum av dysti- num sunnudagin. Álopsmaskina Strandingar hava ofta haft hepni við at dekka offensivt móti VÍF, soleiðis at sterku skjúttarnir ikki sleppa fram- at, og tað var eisini hesa uppskriftina, sum StÍF brúkti. Men hesa ferð virk- aði hon so ikki í stórt meira enn eitt korter. Tí tá VÍF veruliga fekk gongd á álopsmaskunina, beyð ikki bøtur. Sum so ofta fyrr, so var útgangs- støðið í verjuni, har teir fingu heilt gott tak á. Tað noyddi strandingar at skjóta í trýstum støðum, og tá tú hevur ein málverji við kasti- teknikkinum hjá Eli Müller, so kostar hetta – og tað kost- ar nógv. Skjótálopini og »løttu« málini, sum hesi góvu, gav eisini neyðuga yvirskotið til VÍF, sum næsta hálva tíman sat á øllum. Fleiri ferðir megnaðu teir við væl upplagda Áka G. Olsen sum orkesturleiðara at spæla strandaverjuna tunna við skjótum spæli, og so var lag á manni hjá Agnari Joensen, sum á strikuni fekk gott pláss frá offensivu verjuni. Mundu kannað sær bitan Tíðliga í seinna hálvleiki bendi alt á ein veruligan stórsigur, men við 20 minutt- um eftir fór ferðin nakað av heimaliðnum. Helst høvdu teir longu kannað sær bitan tá, men StÍF noktaði at gevast. Spakuliga otaðu teir seg alt nærri, og tað var greitt, at frustratiónirnar gjørdust alt størri hjá VÍF. Dramatikkurin kom eisini í, tá Andre Dan- ielsen fekk reytt fyri at steðga einum leysum Karl Johan Djurhuus, men Karl Johan vann sær eisini eitt reytt kort, tá hann ikki bara vildi liggja, og tá Marian Cirloganescu so eisini tók sær av brotskastinum, sum spurdist burturúr, kom veru- ligt lív í. Avgerandi løtan kom tá, fimm minuttir vóru eftir at spæla. Fyrst hamraði Áki Olsen eitt vakurt skot inn av trimum metrum, og tá StÍF tveitti næsta álopið burtur, kundi Niels Andrea- sen taka luftina úr mótstøð- uni, sum ongan tíð veruliga reistist eftir hetta. Bæði tí tíðin nú var um at renna undan, og helst eisini tí luft- in var um at fara sama veg. Gull-kandidatar Við sigrinum prógvaði VÍF, at teir avgjørt vilja halda fast um plássið í oddinum. Men meira týðandi, so borg- aði spælið eisini fyri einum plássi á ovastu hill. Í øllum førum skulu mótstøðuliðini veruliga menna seg, skulu tey ikki fáa oyruni í maskin- una, um teir hvørja ferð fáa hesa at koyra á sama hátt. StÍF misti hinvegin eitt fet í oddastríðnum, men nøkur vanlukka nýtist hetta ikki at vera. Í mun til onnur lið, so hevur StÍF eisini tveir sterkar trumfar, tá Sveinur og Leivur Justinus- sen aftur er tøkir, og megnar liðið at halda sambandið við oddin intakt, kunnu teir báðir væl fáa avgerandi leik- lutir móti kappingarenda. VÍF-StÍF 32-27 (17-12): Stórspæl í Vestmanna VÍF-StÍF 32-27 (17-12) 10 min: 5-4 20 min: 11-8 40 min: 22-14 50 min: 26-21 Málskjúttar VÍF: Agnar Joensen 13(5), Sámal Joensen 6, Áki Olsen 4, Niels Andreasen 3, Áki G. Olsen 3, Bjarti Hansen 1, Rúni Joensen 1, Karl Johan Djurhuus 1 StÍF: Alexandur Johansen 7, Kári Horn 4, Bárður Danielesen 3, Mortan Hansen 3, Borgar Danielsen 3, Andre Danielsen 3, Rúni Johansen 2, Bent Djurhuus 1, Jørmund Joensen 1 Brotskøst: VÍF 6, StÍF 3 Útvísingar: VÍF 5, StÍF 2 Diskvalifikatión: VÍF 1 (beinleiðis reytt), StÍF 1 (beinleiðis reytt) Dómarar: Ragnar Simonsen & Rúni Mohr FAKTA um dystin Hondbóltur Sunset-kappingin vunnin tapt mál- dystir v - j - t mál mál munur stig 1 Stjørnan 6 5 - 0 - 1 163 118 45 10 2 VB 6 5 - 0 - 1 161 138 23 10 3 Neistin 6 3 - 1 - 2 152 133 19 7 4 Tjaldur 6 3 - 1 - 2 150 139 11 7 5 StÍF 6 1 - 0 - 5 137 179 -42 2 6 Kyndil 6 0 - 0 - 6 107 163 -56 0 Atlantic Airways-kappingin vunnin tapt mál- dystir v - j - t mál mál munur stig 1 VÍF 6 5 - 0 - 1 161 146 15 10 2 H71 6 4 - 0 - 2 159 140 19 8 3 Neistin 6 4 - 0 - 2 182 171 11 8 4 StÍF 6 3 - 1 - 2 146 141 5 7 5 KÍF 6 1 - 0 - 5 136 158 -22 2 6 Kyndil 6 0 - 1 - 5 139 167 -28 1 Saman við liðfeløgunum sýndi Áki G. Olsen í løtum satt stórspæl, tá VÍF vann uppibornan sigur á StÍF sunnudagin savnsmynd