mánadagur 24. november 2008síða 22

22 [ Nr. 226 - 24. november 2008 ] Hvørki Chelsea, Liver­ pool, Manchester United ella Arsenal megnaðu at skora um vikuskiftið, og tað er fyrstu ferð í 15 ár, at hesi fýra liðini hava verið málleys í sama umfari FÓTBÓLTUR Rólant Waag Dam rolant@sosialurin.fo Seinast tað ikki eydnaðist nøkrum av liðunum, ið verða rópt »The Big Four«, at skora í sama umfari, var í 1993. Um vikuskiftið hendi tað so aftur. Hvørki Anelka, Torres, Ronaldo, Adebayor ella nakrar av hinum stjørn­ unum, ið manna Chelsea, Liverpool, Manchester Uni­ ted og Arsenal funnu málið hetta umfarið. Men hóast eingi mál, so megnaðu trý av teimum fýra at halda egið mál reint, og harvið fingu tey eisini fingu eitt stig hvør. Bæði Chelsea og Liver­ pool sóu út til at hava lut­ falsliga lættar uppgávur á heimavølli. Chelsea ímóti Newcastle og Liverpool ímóti Fulham. Liverpool spældi leygar­ dagin. Fulham hevði ongan­ tíð áður vunnið á Liverpool á Anfield, har Liverpool heldur ikki hevur tapt í 2008. Hesi hagtøl eru ikki broytt, men eftir at bæði liðini høvdu vunnið tríggjar sigrar á rað, máttu tey nú taka til takkar við einum javnleiki. Sostatt hevði Chelsea møguleikan at leggja sjógv ímillum seg og Liverpool í oddinum. Men hóast at Chelsea hevði bóltin megin­ partin av tíðini í dystinum ímóti Newcastle, so hevði útiliðið ein sannan brand í málinum. Shey Given tók alt, ið takast skuldi – eisini tvey stig frá Chelsea. Í mun til Chelsea og Liverpool hevði Manchester United eina heldur truplari uppgávu á útivølli ímóti Aston Villa. Her hevði Man­ chester United veruliga hag­ tølini við sær, tí seinastu seks árini hevur felagið ikki sett stig til ímóti Aston Villa, umframt at Manchest­ er United eisini hevði skor­ að í 36 teimum undanfarnu dystunum á rað. Henda góða gongd varð nullstillað leygarkvøldið, tá dysturin endaði málleysur. Eina stigið til Aston Villa merkir, at liðið sostatt leggur seg eitt stig framum Arsenal, og einans hevur eittans stig­ ið upp til Manchester Uni­ ted. Merkisvert tap hjá Arsenal Arsenal tapti fyri fimtu ferð higartil hetta kappingarárið um vikuskiftið. Undan dyst­ inum hevði rumbul verið í Arsenal og serliga kring franska liðformannin Willi­ am Gallas. Orsøkin var ein bókaútgáva, har Gallas eftir øllum at døma hevur verið ov opinskáraður. Úrslitið var, at Gallas varð settur av liðnum og ikki er liðformað­ ur Arsenal longur. Um tað var hetta, ið merkti Londonliðið leygar­ dagin er ógreitt, men hvussu er og ikki, vann Manchester City ein tryggan 3­0 á Arsenal. Hetta er størsta tap­ ið hjá Arsenal í 20 mánaðir, og samstundis er tað fyrstu ferð í hálvtannað ár, at Arsenal tapir tveir dystir á rað. Málini hjá Manchester City gjørdu Ireland, Robin­ ho og Sturridge. Málið frá Robinho var vakurt, og hev­ ur brasiliumaðurin nú gjørt átta mál í 11 dystum. Sigurin hjá City var ársins fimti. Men merkisvert er, at hóast lutfalsliga fáar sigrar, so hevur liðið tó skot­ ið 29 mál, sum er meiri enn bæði Manchester United, Liverpool og Arsenal hava. Í roynd og veru er tað bara Chelsea, ið hevur skotið fleiri mál enn Manchester City í ár. Tottenham røttu megin markið Tottenham fekk eina van­ lukkuliga byrja upp á árið, men er undir Harry Red­ knapp komið aftur á beint. Farna vikuskiftið taptið lið­ ið fyri fyrstu ferð undir ong­ lendinginum, men sunnu­ dagin kom Tottenham aftur á sigurskós, tá tað eydnaðist at basa Blackburn 1­0. Málið gjørdi Pavlyuchenko, tá bara níggju minuttir vóru spældir. Við sigrinum hál­ aði Tottenham seg upp um niðurflytingarmarkið. Undir niðurflytingar­ markinum liggur millum annað Wigan, sum spælir ímóti Everton í kvøld. Næsta vikuskiftið, og ser­ liga sunnudagin verður aft­ ur spennandi í Onglandi, tá tvær stórar grannauppgerð standa á skránni. Fyrst bresta Manchester City og Manchester United saman, og síðani Chelsea og Arse­ nal. Bech er ikki gjørdur úr teflon Mánadagin var Troels Bech sagdur úr starvinum sum venjari hjá Esbjerg, og hann bíðar nú eftir nýggjum áhugaðum felag, sum skal biðja hann koma til arbeiðis. Um vikuskiftið vann Esbjerg á Horsens, men Bech hugdi ikki eftir dystinum. ­ Eg haldi framvegis við liðnum, men eg eri ikki gjørdur úr teflon, og tað hevði verið ov hart at hugt eftir dystinum á stadion, sigur Troels Bech við JydskeVestkysten. Fiorentina bjóðar av Fiorentina nærkast oddinum í italsku Seriu A, har Inter liggur á odda. Um vikuskiftið spældi Fiorentina á heimavølli ímóti Udinese, og tað endaði við 4­2 sigri til Fiorentina. Tveir danskir spælarar eru í hópinum – Per Krøldrup og Martin Jørgensen – men hvørgin spældi við hesaferð. Fiorentina liggur nú fýra stig aftanfyri Inter í Seriu A. Málleysur toppur Úrslitini um vikuskiftið: Sunderland - West Ham 0-1 Tottenham - Blackburn 1-0 Aston Villa - Manchester United 0-0 Liverpool - Fulham 0-0 Middlesbrough - Bolton 1-3 Manchester City - Arsenal 3-0 Portsmouth - Hull 2-2 Stoke - West Bromwich 1-0 Chelsea - Newcastle 0-0 Støðan í Premier League: 1 Chelsea 33 2 Liverpool 33 3 Manchester United 25 4 Aston Villa 24 5 Arsenal 23 6 Hull 22 7 Everton 19 8 Portsmouth 19 9 Fulham 18 10 Middlesbrough 18 11 Manchester City 17 12 Bolton 17 13 West Ham 17 14 Stoke 17 15 Tottenham 15 16 Sunderland 15 17 Newcastle 14 18 Wigan 13 19 Blackburn 13 20 West Bromwich 11 Séamus John James Given, ella bara Shay Given, sum tey flestu kenna hann sum, spældi ein braddyst fyri Newcastle um vikuskiftið. Hinvegin sær John Terry úr Chelsea alt annað enn vælnøgdur út Mynd: Polfoto