fríggjadagur 28. november 2008síða 24

24 tíðindi Nr. 230 - 28. november 2008 11 føroyingar eru í hesum døgum í Kina. Talan er um krabbameinssjúk­ lingar og avvarðandi, sum hava leitað sær til fjarskotna landið at fáa nýggjastu heilsubót Heilsubót Nils Sørensen Guangzhou, Kina: Í løtuni eru 11 føroyingar í kinesiska býinum Guangzhou har annars 11 mió kinesarar búgva. Býurin er ein av mið­ deplunum fyri kinesiskan handil og ídnað, og mið­ býurin líkist ikki so lítið London ella New York. Føroyingarnir, sum hava leitað sær hagar, eru krabba­ meinssjúklingar og avvarð­ andi, ið halda til á sjúkra­ húsinum “FUDA Cancer Hospital”, www.orient­ tumor.com, sum veitir við­ gerðir fyri krabba. Við­ gerðin er ein samanrenning av tí viðgerð vit kenna í vesturheiminum og so tí sum verður nýtt í Kina. Í fleiri førum er talan um viðgerðarhættir, sum hava sín uppruna í USA. Umframt sjúklingar úr Føroyum eru eisini nógvir danir og aðrir sjúklingar úr fjareystri á sjúkrahúsinum, sum hevur drúgvar royndir í at viðgerða krabbasjúkur. Óivað eru fleiri orsøkir til at sjúklingararnir velja at fara úr tí “tryggu” kendu norðurlendsku skipanini og so heilt til Kina til viðgerðar; men tá krabbi er staðfestur kann tað galda lív ­ og tá eru góð ráð dýr. Avgerðir kunnu tá verða tiknar út frá heilt øðrum fortreytum enn teimum vanligu, og sjúklingarnir á FUDA eru á ein ella annan hátt komnir til kort, og hava staðfest, at teir ikki koma víðari við munagóðari viðgerð í verandi sjúkraskipan. Felags fyri sjúklingarnar á FUDA er, at teir vilja liva og ikki bara góðtaka verandi støðuna, sum í besta føri leingir um lív teirra. FUDA Hospitalið FUDA er leiðandi krabba­ meinssjúkrahús í fjareystri, og hevur áralangar royndir við krabbaviðgerðum. Sjúk­ rahúsið hevur eitt fjøltáttað tilboð av krabbaviðgerðum, men hevur serliga lagt seg eftir at bjóða serkunnleika innan eitt nú lokala kemovið­ gerð, kryoviðgerð (cryos­ urgery), 125 iodine sáð im­ plantatión og immunviðgerð. Tá lokal kemoviðgerð verður givin, verður kemo sproytað beinleiðis inn í sjálva æðrina, sum gevur tumorinum ilt og føði. Soleiðis ber til at geva størri nøgdir av kemo inn í sjálvan tumor, samstundis sum restin av kroppinum bert fær avmarkaðar nøgdir. Hesin viðgerðarháttur er í løtuni á royndarstøði á Herlev sjúkrahúsi. Kryoviðgerð er viðgerð, har tumor verður frystur niður á 170 gradir, tí hildið verður, at ongin tumor kann yvirliva so ógvusliga frysting. Hesin viðgerðarháttur hevur verið nýttur á FUDA í 12 ár, og læknin, sum stendur fyri hesi viðgerð, hevur gjørt meiri enn 4000 skurðviðgerðir av hesum slag. Við 125 iodine sáð­ implantatión verða fleiri lítil radioaktiv sáð sett inn í tumor, har tey í strála og soleiðis oyðileggja tumor innanífrá. Kryoviðgerð og 125 iodine seed implantatión kunnu bæði verða nýtt hvør sær og saman til tess at fáa størsta árin á tumor. Á Fuda sjúkrahúsinum í Kina verður ein sera framkomin immunviðgerð givin, har fleiri viðgerðar­ hættir verða nýttir til tess at styrkja mótstøðiførið hjá tí einstaka við atliti til at niðurberja krabbasjúkuna. Millum føroyingarnir, sum eru á FUDA, eru 3 sjúkrarøktarfrøðingar, sum eisini hava starvast í út­ londum, og meta tær, at tann kinesiska sjúkrarøktarfrøðin í flestu førum er á hædd við ta í Norðurlondum. Viðgerðin byrjar við van­ ligum kanningum, ið stað­ festa støðuna hjá sjúkling­ inum; síðani verður ein so­ kallað PET/CT skanning gjørd. Hetta er ein hátøkni­ lig skanning, sum nágreini­ liga staðfestir hvar sjúkan hevur bitið seg fasta; Guangzhou Út frá kanningarúrslitinum verður ein greinað við­ gerðarætlan løgd tilrættis, sum verður gjøgnumgingin saman við sjúklinginum, áðrenn viðgerðin byrjar. Niðasta linjan í ætlanini vísir kostnaðin fyri viðgerð­ ina og nær hon er liðug. Serstakt fyri viðgerðina á Fuda er, at hon í stóran mun tekur støði í hvørjum einstøkum sjúklingi, alt eftir hvat bagir, og hvør støða hansara er. Onkur hevur sagt tað soleiðis, at hvør einstøk viðgerð verður skræddaraseymað til tann einstaka sjúklingin, sum soleiðis í størsta mun verður settur í fokus. Annars gongur dagurin sum á sjúkrahúsum flest – tó kemur hvørt kvøld ein greinað rokning fyri dags­ viðgerðina. Føroyingar á Fuda hospitalinum í Kina Býurin Guangzhou er í Suðurkina Uttan fyri Fuda Cancer Hospital, har 11 føroyingar í hesum døgum hava sína dagligu gongd Á Fuda Cancer Hospital í Guangzhou í Kina eru í hesum døgum 11 føroyingar, sjúklingar, sum leita sær heilsubót móti krabbameini og teirra avvarðandi