týsdagur 2. desember 2008síða 23

Vinnan Vinnu- og handilstíðindi í Sosialinum ...títt vinnublað Demich P/F Tórshavn Postboks 378 - Stiðjagøta 2 FO-110 Tórshavn Telefon +298 309 310 demich@demich.fo Demich P/F Vágur Á Marknoyri FO-900 Vágur Telefon +298 37 35 35 demich@demich.fo Demich P/F Runavík Heiðavegur 80 FO-610 Saltangará Telefon +298 445500 demich@demich.fo Vit hava røttu loysnina til júst tín tørv. Umhvørvisvinarlig orka við hitapumpu frá Demich Føroyar eiga - sum kend fiskivinnutjóð - so avgjørt at hýsa einari framsýning fyri fyritøkur í altjóða fiskiídnaðinum, halda fyriskipararnir aftanfyri Fish Expo Faroes, ið verður í Havn komandi vár Framsýning Edmund Jacobsen edmund@pressecentrum.dk Tað er ikki innan nógv øki, at Føroyar kunnu sigast at verða miðdepil. Men tá ið tað snýr seg um fiskivinnu, eru Føroyar ein lutfalsliga vælkendur prikkur á heims­ kortinum. Og ein fiskivinnu­ tjóð við virðing fyri sær sjálvari eigur eisini at hýsa einari framsýning um fiski­ vinnu. Tað er við hesum í huga, at Petur Mohr Reinert, stjóri á framsýningafyritøkuni Xpro, hevur avgjørt at standa á odda fyri Fish Expo Faroes, ið verður hild­ in í døgunum frá 27. til 29. mai 2009. Talan er um eina spildurnýggja framsýning, ið vendir sær mótvegis bæði føroyskum og útlendsk­ um aktørum innan fiskiídn­ að á landi og sjógvi. ­ Føroyar eru fjarskotnar, og tað kostar at ferðast her­ til. Men satt at siga liggja vit væl fyri til at halda tiltøk um fiskivinnu, tí vit liggja á leið miðskeiðis ímillum tær týdningarmestu fiski­ vinnutjóðirnar í Norður­ evropa. Her liggur væl fyri hjá fólki úr eitt nú Íslandi og Grønlandi at hitta sam­ starvsfelagar og kundar úr Norra og Danmark. Sam­ stundis hevur Havnin teir hentleikar, ið eiga at verða tøkir undir einari slíkari framsýning, sigur Petur Mohr Reinert. Krevjandi verkætlan Hóast Fish Expo Faroes á mangan hátta minnir um North Atlantic Fish Fair, so leggur Petur Mohr Reinert dent á, at talan er um eina heilt nýggja ráðstevnu við nýggjum fyriskiparum. Xpro hevur høvuðsábyrgd­ ina fyri tiltakinum, men eis­ ini Ikon (fyrrverandi Petur og Petur) og Sendistovan eru við í samstarvinum um ráðstevnuna. ­ At skipa fyri slíkum til­ tøkum krevur nógva tíð, orku og pening. Tað er heilt avgerandi, at fyriskipanin er á hædd við tað, sum í dag er standard í grannalondunum. Sendistovan, Ikon og Xpro hava royndir frá ráðstevnum ­ bæði sum fyriskiparar og sum luttakandi, sigur Petur Mohr Reinert. Málbólkurin hjá Fish Expo Faroes eru fyrst og fremst fyritøkur, ið antin framleiða ella selja útgerð til fiski­ og alivinnu. Afturat hesum fyritøkum koma so útflytarar og onnur, sum á ein ella annan hátt hava til­ knýtið til fiskiídnaðin. Xpro hevur sum mál, at stív­ liga 50 prosent av framsýn­ arunum skulu verða útlendskir. Petur Mohr Reinert greið­ ir frá, at dentur verður lagd­ ur á høga góðsku, og av somu orsøk verður ansað eftir, at fyritøkur uttan til­ knýtið til fiskivinnu verða ov nógvar í talið. ­ Ein slík framsýning er tað upplagda staðið til net­ verkan. Og tað hendir seg ofta, at lutfalsliga stórir keypssáttmálar verða undir­ skrivaðir á slíkum stevnum, sigur Petur Mohr Reinert. Vænta nógv vitjandi Fish Expo Faroes verður hildin í tveimum ovurstórum tjaldum á ítrottarøkinum í Gundadali. Og Petur Mohr Reinert vónar, at málið um 300 framsýnarar og millum 10.000 og 12.000 vitjandi kann røkkast. ­ Vit kunnu sjálvand vænta, at tann kreppan, sum beint nú byrjar at gera um seg, fer at ávirka Fish Expo Faroes. Hinvegin hevur fiskiídnaðurin ein størri tørv á innovativum loysnum enn nakrantíð áður. Serstak­ liga tá ið tað snýr seg um umhvørvi, orkunýtslu og burðardygd. Vit fara at bjóða uppá fleiri fyrilestrar um hesi evni á ráðstevnuni sum verður hildin í samband við framsýningina ­ bæði við føroyskum og útlendsk­ um fyrilestrahaldarum, sig­ ur Petur Mohr Reinert. Beint nú verður arbeitt við fullari ferð við at markn­ aðarføra framsýningina uttanlands. Skráin fyri framsýningina er løgd 27. mai 10:00 Framsýningin verður sett av Heðini Mortensen, borgarstjóra 10:30 Framsýningin letur upp 13:00 VIP lounge letur upp 16:00 Ráðstevna 17:00 Framsýningin letur aftur 28. mai 09:00 Ráðstevna 10:00 Framsýningin letur upp VIP lounge letur upp 16:00 Conference in Listaskálin. 17:00 Framsýningin letur aftur 19:00 Veitsla 29. mai 09:00 Ráðstevna 10:00 Framsýningin letur upp VIP lounge letur upp 16:00 Framsýningin endar Fish Expo Faroes er fyri evropeisku fiskivinnuna Petur Mohr Reinert