mánadagur 8. desember 2008síða 28

28 [ Nr. 236 - 8. desember 2008 ] Brad Friedel setir met hvønn dyst hann spælir. 168 dystir hevur hann spælt á rað, og um vikuskiftið var mótstøðuliðið Everton, ið Aston Villa eisini basti. Hini fýra liðini frammanfyri vunnu eisini sínar dystir FÓTBÓLTUR Rólant Waag Dam rolant@sosialurin.fo 168 dystir á rað. Tað hevur eingin annar leikari í Prem­ ier League megnað áður, og tað ganga uttan iva nøkur ár, áðrenn metið verður tik­ ið av onkrum øðrum. Mað­ urin, ið hevur sett hetta met, eitur Bradley Howard Frie­ del og er 37 ára gamal. Brad Friedel umboðar í løtuni Aston Villa, men av teimum 168 dystunum, amerikanski málverjin hev­ ur spælt á rað, eru einans 16 fyri Aston Villa. Restina av dystunum hevur hann spælt fyri Blackburn, har hann var í átta ár, áðrenn hann valdi at skifta felag til Aston Villa. Amerikanarin er ikki bara royndur, men eisini ein nógv virdur málverji, sum hevur verið víða um á yrkisleið síni. Tað byrjaði á University of Calfornia í Los Angeles, har Friedel gjørdi vart við seg sum ein dugnaligur og støðugur mál­ verji. Seinni varð hann knýttur at amerikanska landsliðnum burturav, sum fyrireikaði seg til heims­ meistarakappingina í fót­ bólti í 1994. Eftir hesa kapping gjørdi Friedel sáttmála við New­ castle, men orsaka av vant­ andi arbeiðsloyvi varð Friedel leigaður út til danska felagið Brøndby, har Friedel fyri tað mesta virkaði sum eykamálverji fyri Mogens Krogh. Síðani gekk leiðin til turkiskan fótbólt, har Fried­ el spældi eitt kappingarár við stórfelagnum Galat­ asaray, áðrenn hann flutti aftur til USA og gjørdi sátt­ mála við Columbus Crew. Í 1997 fekk Liverpool eyguni upp fyri evnunum hjá Friedel, sum tá var mið­ skeiðis í tjúgunum. Hann kom um jóltíðir, og í februar í 1998 fekk hann sína debut. Mótstøðuliðið var hansara núverandi felag Aston Villa. Hóast smá trý ár í Liverpool eydnaðist tað ongantíð Frie­ del at býta seg fastan á lið­ ið, og í 2000 var leikaraloyvi hansara flutt til Blackburn, sum tá var undir leiðslu av Graeme Souness, ið eisini var manager hjá Galatasaray, tá Friedel var har. Í Blackburn kom Friedel veruliga til sín rætt, og har var hann millum annað valdur ársins leikari, skoraði eitt mál og vann Carling Cup í 2002. Í summar valdi Friedel at gera sáttmála við Aston Villa, og soleiðis sum tað gongur hjá Birmingham­ felagnum, so iðrar hann seg neyvan um hetta. Sunnudagin bastu teir Everton 2­3 á útivølli. Ash­ ley Young gjørdi tvey mál fyri Aston Villa og Steve Sidwell eitt, meðan Juleon Lescott gjørdi tey bæði mál­ ini fyri Everton, ið einans hevur vunnið ein heimasigur í ár. Seks tey fremstu vunnu Aston Villa varðveitti við sínum sigri sítt fimta pláss. Hull beint aftanfyri Aston Villa vann ársins sjeynda sigur, tá teir við einum sjálv­ máli og einum brotssparki frá King bastu Middles­ brough 2­1. Málið hjá Middlesbrough gjørdi turk­ in Tuncay. Longur frammi á stiga­ talvuni vann Arsenal á Wig­ an. Málið gjørdi Adebayor, tá stívliga eitt korter var spælt. Hetta var 100. ferðin, at hann byrjaði inni fyri Arsenal, og var tað eisini ein hóskiligur máti at hátíð­ arhalda hetta lítla jube­ leumið við. Eitt pláss longur frammi ligur Manchester United. Teir gjørdu eins og Arsenal, og vunnu ikki meiri enn hægst neyðugt. Verjuleikarin Vidic skoraði, tá klokkan hevði rundað teir 90 minutt­ irnar, so tað var í tøkum tíma, at United tryggjaði sær tey trý týdningarmiklu stigini, og harvið fylgja Chelsea og Liverpool. Tað var kortini hvørki óuppiborið ella óvæntað, at Manchester United vann. Teir stýrdu dystinum frá byrjan til enda, og haraftrat hevur tað ongantíð eydnast Sunderland at sigra á Old Trafford. Liverpool, sum ikki hevur verið serliga sannførandi teir síðstu dystirnar, gjørdi júst tað, eitt oddalið skal gera, um teir ynskja at varð­ veita oddasessin. Á útivølli bastu teir Blackburn 1­3. Málini syrgdu Alonso, Benayoun og Gerrard fyri. Málið hjá ísraelanum Benayoun var hansara fyrsta í átta mánaðir. Santa Cruz skoraði fyri Black­ burn. Chelsea setti útivallarmet Við sigrinum varðveitir Liverpool oddasessin, men Chelsea andar teir tungt í nakkan. Teir vunnu nevni­ liga 2­0 á Bolton við málum frá Anelka og Deco. Sigurin hjá Chelsea var tann 11. úti­ vallarsigurin á rað, og har­ við hevur Chelsea tikið 48 ára gamla metið frá Totten­ ham. Men við sigrinum hjá Chelsea er spenningurin í toppinum av Premier League varðveittur. Tað er hann eisini í botninum, har West Bromwich, sum tað einasta av liðunum undir niðurflytingarmarkinum, fekk stig. Úrslitini um vikuskiftið Everton - Aston Villa 2-3 West Bromwich - Portsmouth 1-1 Manchester United - Sunderland 1-0 Arsenal - Wigan 1-0 Newcastle - Stoke 2-2 Blackburn - Liverpool 1-3 Bolton - Chelsea 0-2 Hull - Middlesbrough 2-1 Fulham - Manchester City 1-1 Liverpool - West Ham 0-0 Celtic missir av leiðsluni Tað gongur einki hjá skotska felagnum Celtic í løtuni. Herfyri tapti felagið ímóti AaB í Champions League, og um vikuskiftið tapti Celtic ímóti Hibernian í skotsku landskappingini. Celtic spældi ímóti Hibernian, sum vann 2­0. Rangers vann sín dyst heili 7­1, og nú er leiðslan hjá Celtic í toppinum minka niður í fýra stig. Rangers er næstfremst. Ribery vónsvikin Í farnu viku var Cristiano Ronaldo valdur til besta spælara í Europa farna árið. Franski Franck Ribery endaði á 16. plássi í atkvøðugreiðsluni, og tað helt hann verða órættvíst. ­ Skal eg var erligur, so eri eg vónbrotin av mínari plasering. Eg hevði uppiborið betur úrslit enn hatta. Men tað skal ikki steðga mær í at arbeiða hart í framtíðini fyri at gerast betri, sigur Ribery við L’Equipe. Amerikanarin setir met hvørja ferð Støðan í Premier League 1 Liverpool 37 2 Chelsea 36 3 Manchester United 31 4 Arsenal 29 5 Aston Villa 28 6 Hull 26 7 Portsmouth 23 8 Everton 22 9 Fulham 20 10 Bolton 20 11 Wigan 19 12 Middlesbrough 19 13 Stoke 19 14 Manchester City 18 15 West Ham 18 16 Newcastle 16 17 Tottenham 15 18 Sunderland 15 19 Blackburn 13 20 West Bromwich 12 Friedel hevur bøtt um metið hjá David James, sum tann leikarin, ið hevur leikt flest Premier League dystir á rað. James megnaði 166, Friedel hevur nú spælt 168 á rað Mynd: Polfoto