hósdagur 11. desember 2008síða 4

4 tíðindi Nr. 239 - 11. desember 2008 Göran Persson tosaði ókeypis Síðani Gøran Persson fór frá sum svenskur forsætisráðharri, hevur hann eins og Bill Clinton ferðast víða og hildið fyrilestr­ ar aftur fyri eina munagóða samsýning. Í vikuni var hann í Reykjavík. Tað var felagið hjá íslendskum íleggjarum, sum hevði boðið honum til Íslands at halda fyriulestur um fíggjar­ kreppuna, og hvat gerast skal. Morgunblaðið skrivar, at Gøran Persson plagar at taka 20.000 evrur fyri ein tílíkan fyrilestur, men fyri at vísa vælvild ímóti íslendingum tók hann einki fyri fyrilesturin. Fyrireikararnir rindaðu tí bara ferð og uppihald. Múrurin skal ikki verða innilokaður Í áliti um Kirkjubømúrin, sum Múrnevndin og Føroya Fornminnissavn í felag hava gjørt, verður mælt til, at verndararbeiðið fer fram eftir altjóða etiskum leiðreglum, og at arbeitt verður fram ímóti, at mentanarminnini í Kirkjubø verða góðkend av alheimssamfelagnum sum heimsarvur. Eisini verður mælt til, at varðveitingar­ arbeiðið verður skipað soleiðis, at óneyðugt verður at inniloka Múrin. Eitt stríð ímillum port­ ørarnar í føroyska heilsuverkinum harðnar alsamt, men nú verður tann endaliga uppgerðin. Tað er nógv, sum bendir á, at næstan allir portørarnir fara í verkfall og tað fer at raka sjúklingar og heilsuverkið meint FakFelagsstríð Áki Bertholdsen aki@sosialurin.fo Nú er stórur vandi fyri, at føroyska heilsuverkið aftur verður rakt av verkfalli. Hetta kemur í kjalarvørr­ inum á, at stríðið ímillum portørarnar í heilsuverkin­ um alsamt harðnar. Vandin fyri verkfalli hevur leingi ligið og lúrt. Men nú er so lagt upp til eina endaliga uppgerð, har stórur vandi er fyri, at tað endar við, at nógv teir flestu portørarnir fara at leggja arbeiðið niður. Stríð um feløg Hendan støðan er íkomin, eftir at ósemja fyri nøkrum mánaðum síðani tók seg upp ímillum portørarnir um, hvørjum fakfelag, teir skulu vera í. Higartil hava portørarnir verið limir í Havnar Arbeiðs­ mannafelag og tað er eisini arbeiðsmannafelagið, sum hevur havt rættin at samráðst við fíggjarmálaráðið um sátt­ mála fyri portørarnar. Men fyrr í ár tóku megin­ parturin av portørunum seg úr Havnar Arbeiðsmannafel­ ag og meldaði seg inn í Starvsmannafelagið og kravdi harafturat, at Starvs­ mannafelagið fær sam­ ráðingarrættin. Hótta við verkfalli Samstundis gjørdi Starvs­ mannafelagið greitt, at tað fór at krevja samráðingar­ rættin fyri portørarnar. Og fyri at seta trumf á síni krøv, staðfesti Starvs­ mannafelagið, at tá ið sátt­ málin um portørarnar fer úr gildi, skulu nýggjar samráð­ ingar verða við Starvsmanna­ felagið og ikki við Havnar Arbeiðsmannafelag. Samstundis gjørdi felagið greitt, at teir portørar, sum eru limir í Starvsmannafelag, fara ikki at kenna eg bund­ nar av einum nýggjum sátt­ mála, sum er gjørdur við Havnar Arbeiðsmannafelag Tað merkir, at so fara allir portørarnir í Starvsmanna­ felagnum at leggja arbeiðið niður, hevur Starvsmannafel­ agið boðað púra greitt frá. Sáttmálin um portørarnar fór úr gildi tann 1. oktober í 2007, men hann varð ikki uppsagdur og siðvenja er, at so leingi, ein sáttmáli ikki er uppsagdur, heldur hann fram. Síðani hava Havnar Arbeiðsmannafelag og Fíggjarmálaráðið samráðst um at leingja sáttmálan, men tær samráðingarnar eru ikki komnar á mál enn. Men nú hevur Havnar Arbeiðsmannafelag sagt sáttmálan upp frá 1.apríl. Sostatt skal samráðast um nýggjan sáttmála, sum skal fáa gildið frá 1. apríl. Og nú er tað, at knúturin kann verða so fastur, at tað endar við verkfalli. Virða samráðingarrættin Snorri Fjallsbak, leiðari á fíggjardeildini í fíggjarmála­ ráðnum, sigur, at tey hava spurt Starvsmannafelagið, um tað stendur fast við krav­ ið um, at nýggjur sáttmáli skal gerast við Starvsmanna­ felagið, annars verður verk­ fall. Tann spurningin hava vit ikki fingið svaraðan enn, staðfestir leiðarin í lønar­ deildini. Men hann staðfestir sam­ stundis, at Havnar Arbeiðs­ mannafelagið hevur havt samráðingarrættin og tað virðir lønardeildin hjá fíggj­ armálaráðnum. ­ So leingi ein tann einasti portørur er eftir í Havnar Arbeiðsmannafelag, fer lønardeildin hjá fíggjar­ málaráðnum at samráðast við arbeiðsmananfelag, sig­ ur Snorri Fjallsbak. Tað er eisini staðfest, at so verða hedur ongar sam­ ráðingar við Starvsmanna­ felagið, tí leiðarin á lønar­ deildini hevur áður staðfest fyri Sosialinum, at tað kem­ ur ikki upp á tal, at samráð­ ingar verða við fleiri feløg um eitt og sama sáttmála­ øki. Taka allir samlir portørar­ nir seg úr Havnar Arbeiðs­ mannfelag og melda seg inn í Starvsmannafelagið, er støðan ein onnur. ­ So verður tórført at tví­ halda um, at Havnar Arbeiðs­ mannafelag skal varðveita samráððingarrættin, stað­ festir Snorri Fjallsbak. Hinvegin kann eisini stað­ festast, at enn eru nakrir portørar eftir, sum eru limir í Havnar Arbeiðsmannafelag og sum ikki vilja skifta yvir í Starvsmannafelagið. Verkfalli hóttir sjúklingar Formaðurin í Havnar Arbeiðsmannafelag staðfestir, at ósemjan um portørarnar má fáa ein enda. Forkvinnan í Starvs­ mannafelagnum stendur fast við verkfallshóttan Portørar Áki Bertholdsen aki@sosialurin.fo ­ Vit standa fast við, at Starvsmannafelagið skal hava samráðingarrættin fyri portørarnar, annars fara portørarnar, sum eru limir í Starvsmannafelagnum, ikki at kenna seg bundnar av einum nýggjum sáttmála. ­ Annars fara portørarnar í Starvsmannafelagnum at leggja arbeiðið niður. Tað staðfestir Selma Ell­ ingsgaard, forkvinna Hon sigur, at hetta er ikki eitt stríð við Havnar Arbeiðs­ mannafelag. ­ Her er talan um, at nógv teir flestu portørarnar hava sjálvir vent sær til Starvs­ mannafelagið og hava biðið okkum røkja teirra áhuga­ mál. Hon sigur, at sostatt er hetta ein spurningur um at lata meirilutan ráða. Hans Joensen, formaður í Havnar Arbeiðsmannafelag staðfestir, at hóast sáttmálin er sagdur upp, merkir tað ikki, at felagið handar Starvs­ mannafelagnum samráðing­ arrættin. ­ Vit hava framvegis sam­ ráðingarrættin og hann halda vit fast um, staðfestir hann. Hann sigur, at Havnar Arbeiðsmannafelag fer ikki at gera sáttmála fyri ein­ stakar portørar, men fyri alt økið, sum tað er, fyri at fáa øllum portørum so góðar sømdir, sum gjørligt. Men hann staðfestir sam­ stundis, at fyrr ella seinni má ósemjan um portørarnar fáa ein enda og tí er sátt­ málin sagdur upp, so at tað kann koma til skarpsker­ ingar. ­ Vit kunnu ikki blíva við at draga hetta út, leggur hann afturat. Standa fast við hóttan um verkfall Nú verður endaliga uppgerðin um portørarnar, og tað kann saktans enda við verkfalli Savnsmynd