mánadagur 15. desember 2008síða 24

[ Nr. 241 - 15. desember 2008 ] Bíðar við at skriva sáttmála Cicinho á veg heim Tað gongur einki serligt hjá brasilska verjuspælaranum Cicinho í italska felagnum AS Roma, og nú verður tosað um, at Cicinho er á veg heimaftur til Brasil. Cicinho spældi fyri Real Madrid, men skifti í summar til Roma. Nú verður sagt, at Santos í Brasil er áhugað í at keypa Cicinho leysan av sáttmálanum við Roma, og venjarin hjá Santos vil gjarna hava Cicinho á sítt lið. Gomes vil aftur til PSV Tað hevur gingið heldur misjavnt hjá málmanninum Heurelho Gomes, síðani hann skifti til Tottenham at spæla. Um vikuskiftið spældi Gomes heilt væl, men hann hevur eisini havt fleiri misjøvn avrik. Venjarin hjá Tottenham, Harry Redknapp, vil hava ein nýggjan málmann til felagið at kappast við Gomes, men kanska fer Gomes aftur til PSV, haðani hann kom. Stjórin í PSV sigur, at Gomes vil aftur til teirra at spæla. Leygardagin varð Atli Danielsen valdur at vera ársins spælari í Frem, har venjarin gevur honum tað skoðsmál, at hann – umframt at vera góður við bóltinum – eisini er fínur pressspælari, sum fevnir um stórt øki av vøllinum Fótbóltur Jákup Mørk jakup@sosialurin.fo - Umframt at vera ein góður liðfelagi, so er Atli eisini ein spælari, sum altíð gevur seg heilt. Bæði tá ið vit venja, og tá ið vit spæla dystir, er hann væl fyrireik- aður. Hetta vóru nøkur av rós- andi orðunum, sum Frem venjarin, Anders Theil, leygarkvøldið, tá ið Frem hevði jólaborðhald, hevði at geva føroyska landsliðs- spælaranum, Atla Daniel- sen, sum venjararnir og leið- ararnir hjá danska 1. deild- arliðnum høvdu kosið at vera besta Frem spælara í 2008. Tað ber ikki til at siga annað, enn at tað hevur gingið skjótt hjá Atla Dan- ielsen at vinna seg upp á tindin í Frem: 1. apríl í fjør spældi hann fyrstu ferð á liðnum. Higartil hevur hann spælt 55 dystir, og hann hevur skorað trý mál. Fyri tað mesta spælir Atli á mið- vøllinum, men onkra ferð- ina hevur hann verið í mið- verjuni. Í grundgevingini fyri at kjósa føroyska landsliðs- spælaran at vera tann besta í 2008, varð tikið soleiðis til: - Tað verður ikki altíð lagt so nógv til merkis, hvønn leiklut Atli hevur, sjálvt um hann megnar at vera alla staðni, har tað gongur fyri seg. Uttan mun til hvussu tað gongst, so stríðist Atli, inntil dómarin hevur bríkslað fyri síðstu ferð. Harafturat er Atli ein klókur og taktiskt stinnur spælari, sum er sera tilvit- aður um tað, sum gongur fyri seg, og hann dugir væl at taka rættar avgerðir. Hann sparkar væl við báð- um beinum, og støðið í fyrstu nertingunum hjá hon- um er høgt. Hann er góður í samanspælinum, og so er hann so vælsignað róligur í spælinum, søgdu Frem ábyrgdarpersónarnir, sum løgdu afturat: - Atli Danielsen hevur verið framúr í 2008, sum annars hevur verið eyðkent av nógvum turbolensi. Aft- ur og aftur hevur hann ging- ið á odda, tá ið tað skuldi stríðast fyri at fáa týdning- armikil stig á kontina. Hann hevur avgjørt ikki spart seg sjálvan. Tí hevur tað verið upplagt hjá okkum at kjósa Atla Danielsen til besta Frem spælaran í 2008, søgdu venj- ararnir og leiðararnir í Frem í síni grundgeving, tá ið teir undir jólaborðhaldinum leygardagin kunngjørdu val- ið av ársins spælara. Liðfelagarnir fegnaðust saman við føroyska lands- liðsspælaranum, sum teir væl og virðiliga untu heið- urin av verða kosin besti spælari. Hetta er aðru ferð, at føroyskur landsliðsspælari verður kosin at vera ársins spælari í Frem. Í 2005 var sami heiður vístur Jón Róa Jacobsen, sum síðani í summar aftur er í Frem, eftir at hann í tvey ár spældi í AaB. Setningurin hjá Atla Danielsen og liðfeløgunum verður at halda tørn um plássið í næstbestu donsku deildini. Eftir 15 av 30 umførum er Frem á 8. plássi við 18 stigum. Nummar 14, 15 og 16 flyta niður. Í løtuni er felagið hjá Toda Jónsson, FC Amager á 14. plássi við 14 stigum. Tað vil siga, at tað eru fýra stig frá Frem og niður til strikuna. Sáttmálaskeiðið hjá Atla Danielsen í Frem verður liðugt í summar, men føroyski landsliðsspælarin kennir ikki skund á sær at skriva undir nýggjan sáttmála Fótbóltur Jákup Mørk jakup@sosialurin.fo Sáttmálaskeiðið hjá Atla Danielsen í Frem verður liðugt 30. juni í 2009. Eingin ivi man vera um, at teir í felagnum fegnir vilja tryggja sær undir- skriftina hjá føroyska spælaranum, men tað verður í hvussu so er ikki nú beinanvegin, at Atli fer at skriva undir nýggj- an sáttmála við Frem: - Eg rokni við, at eg fari at bíða eitt sindur við tí. Tað eru tað fleiri orsøk- ir til. Ein er, at eg í summ- ar verði liðugur við út- búgvingina. Eg havi ikki tikið endaliga støðu til, um eg fari at halda fram við útbúgvingini her í Keypmannahavn, ella um eg skal halda fram við útbúgvingini onkra aðra staðni, ella um eg skal brúka meiri tíð upp á fótbóltin. Hvat droymir tú um? - Sjálvsagt hevði tað verið spennandi og stór avbjóðing, um tað hevði eydnast at skrivað sátt- mála við okkurt felag í superliguni og harvið at fingið møguleika at vant fleiri ferðir um dagin. Men tað er ikki bara sum at siga tað, tí tað eru nógvir um boðið og kapp- ingin er stór, staðfestir lítið lætni klaksvíkingur- in. Besta fótbóltsdeildin í Danmark er geografiskt skeiklað soleiðis at skilja, at tað lutfalsliga eru fá feløg í høvuðsstaðarøki- num og fleiri í provinsini. Í Keypmannahavn og øki- num rundanum eru tað stórfeløgini Brøndby og FCK og so FCN, sum heldur til í Farum. OB er á Fyn, og øll hini átta feløgini eru í Jyllandi. - Kappingin er serliga stór her í Keypmanna- havn. Men um tilboð hevði komið frá einum av feløgunum í provins- ini, so hevði eg sjálvandi umhugsað tað, sigur Atli Danielsen, sum í eitt stutt skifti fyri nøkrum árum síðani royndi seg í Sogn- dal í Noregi. Annars hevur hann bara umboðað KÍ og síðani 1. apríl 2007 Frem, sum leygardagin boðaði frá, at Atli í 2008 hevur verið besti spælarin í felagnum. Feløgini í Jyllandi í superliguni eru FCM, AGF, AaB, Randers FC, SønderjyskE, Esbjerg, Vejle og Horsens. Atli er bestur í Frem Tað hevur gingið striltið hjá Frem í ár, men persónliga hevur Atli Danielsen staðið seg framúr, og nú kann hann eisini erpa sær av heitinum sum ársins spælari í felagnum í ár 24