mánadagur 15. desember 2008síða 25

[ Nr. 241 - 15. desember 2008 ] Tosic vil ikki til United Serbiski vongspælarin Zoran Tosic er ikki nøgdur við sáttmálan, sum Manchester United hevur boðið honum, men hann er sinnaður at taka støðu til eitt nýtt tilboð. Enska felagið hevur samráðst við serban seinastu tíðina, og United og Partizan, sum Tosic spælir fyri, eru komin ásamt um ein prís fyri spælaran. - Eg rokni við, at vit fara at finna eina loysn, og tí umhugsi eg ikki onnur feløg í løtuni, sigur Tosic, sum hevur spælt 12 landsdystir fyri Serbia. Súni Fríði heldur fram í B68 Súni Fríði Barbá heldur fram sum venjari hjá 1. deildarliðnum og unglingunum hjá B68. Partarnir hava longt sáttmálan, og tað fegnast B68 um á heimasíðu sínari. 1. Deildarliðið hjá B68 yvirlivdi í næstbestu deildini farna kappingarár, og unglingarnir vunnu bronsu í sínari deild, so úrslitini vóru heilt góð. Laurie Cunningham varð bert 33 ára gamal, tá hann doyði í einari ferðsluvanlukku. Men hann stendur, sum ein sannur undangangsmaður hjá littum fótbólts­ spælarum í Bretlandi Fótbóltur Heri Simonsen heris@sosialurin.fo Viðhaldsfólkini hjá West Bromwich Albion minnast Laurie Cunningham, sum eitt framúr stórt náttúru- talent. Laurie Cunningham gjørdist tann fyrsti litti fót- bóltsspælarin, sum spældi við enska U-21 landsliðnum. Hann gjørdist eisini fyrsti enski spælarin, sum fekk ein sáttmála við Real Madrid, 24 ár áðrenn David Beckham skrivaði undir sáttmála við spanska stór- felagið. Ættaður úr Jamaica Laurie Cunningham varð føddur 8. mars í 1956 í Holloway í London. Pápin varð ein sonevndur “Jock- ey”, ein hestareiðmaður, ið hevur sítt yrki á reiðøkju- num, har nógvur peningur verður settur á tær ymisku hestakappingarnar. Arsenal helt ikki, at tann ungi Laurie varð nóg góður til at fáa ein sáttmála við “The Gunners”. Men Laurie Cunningham fekk ein sáttmála við lítla London-felagið, Leyton Orient, og gjørdist yrkis- spælari just tann dagin, tá hann fylti 18 ár. Hann varð lítil av vøkstri, og var heldur neyðarsligur, tá hann byrjaði í Leyton Orient. Laurie Cunningham spældi við Leyton Orient, árini 1974-1977. Í 75 dyst- um fyri felagið skeyt hann 15 mál. Í 1977 skifti hann felag, og flutti til Birmingham fyri at spæla við West Brom- wich Albion. Leyton Orient seldi hann fyri 110.000 bretsk pund, sum varð nógv- ur peningur í enskum fót- bólti, tá á døgum. Laurie Cunningham spældi tvey ár við WBA. Í 86 dystum skeyt hann 21 mál fyri Birmingham-felagið. Hann gjørdist sera væl úmtóktur spælari millum viðhaldsfólkini hjá West Bromwich Albion. Tá fe- lagið í 2004 skipaði fyri ein- ari atkvøðugreiðslu, um hvørjir spælarar høvdu verið best í felagnum í 125 ára tíðarskeiðnum 1879- 2004, varð Laurie Cunning- ham valdur at verða millum 16 teir bestu spælarnar hjá WBA hetta 125 ára tíðar- skeiðið. Hetta hóast hann bert spældi 2 ár við felag- num. Á U-21 landsliðið Í 1977 gjørdist Laurie Cunn- ingham tann fyrsti litti spæl- arin, sum spældi við enska U-21 landsliðnum, og skriv- aði hann søgu. Laurie Cunn- ingham spældi 6 U-21 landsdystir fyri Ongland í 1977 og 1978, og skeyt hann 1 mál. Í 1978 spældi hann eisini ein B-landsdyst fyri Ongland. Saman við Brendan Bat- son og Cyrille Regis varð Laurie Cunningham ein sannur undangongumaður fyri aðrar littar fótbóltsspæl- arar, og gjørdi tilveruna hjá hesum lættari í framtíðini. Teirra teknisku fótbólts- dygdir á vøllunum brutu niður nógvar fordómar, sum fótbóltsalmenningurin hevði um littar fótbóltsspæl- arar. Longu í einari yvir- skrift skrivaði stóra enska blaðið, The Sun: ”Laurie Looks Great”. Kortini varð Laurie Cunningham rætti- liga smæðin, og hann hevði tað ringt við at skula sam- skifta við ta aggresivu ensku ítróttarpressuna, og tað gav ávísar trupuleikar. Á vøllinum hevði hann kortini ongar trupuleikar við samskiftinum, har vísti hann tekniskar dygdir, skjót- leika, og vísti hann ganda- kend kynstur á vøllinum. Hann varð ein sjáldsamur einstaklingur, og tað vísti hann eisini. við, at hann gekk til undirvísing í ballet. Balletundirvísingin hjálpti honum væl við kropsrørsluni og balansuni. Á teimum lokalu diskotekunum, varð hann kendur, sum ein sjáld- sama góður dansari. Fjakkaði víða í 80-unum Í 1979 seldi WBA Laurie Cunningham til Real Mad- rid fyri 995.000 bretsk pund. Við Real Madrid vann hann tað spanska meistaraheitið í 1980, og ta sponsku steypakappingina í 1980 og 1981. Áskoðarnir hjá Real Madrid góvu hon- um kelinavnið ”Tað svarta snarljósið”. Kortini varð tað langt frá altíð, at hann slapp at byrja inni í dysti fyri Real Madrid. Laurie Cunningham varð í Real Madrid í 4 ár, millum 1979 og 1983. Í 44 dystum fyri spanska kongafelagið skeyt hann 13 mál. Í 1983 spældi hann eitt ógvuliga stutt skifti fyri Manchester United, har talan gjørdist um 5 dystir, og 1 mál. Leiðin gekk nú aftur til Spania. Hesaferð Sporting Gijón. Í 30 dystum, kapp- ingarárið 1983-84 skoraði Laurie Cunningham 3 mál. Kappingarárið 1984-85 royndi hann seg við franska stórfelagnum, Olympique Marseille. Her gjørdist tal- an um 30 dystir og 8 mál hjá Laurie Cunningham. Kappingarárið 1985-1986 spældi hann aftur heima í Onglandi, hesaferð í Lei- cester. Men tað gjørdist ikki eitt eydnusamt kappingarár í Leicester, talan gjørdist um 15 dystir, men her fann Laurie Cunningham ikki netmeskarnar. Kappingarárið 1986-87 royndi hann seg aftur í Spania, hesaferð í tí lítla høvuðsstaðarfelagnum, Rayo Vallocano. Hetta árið gjørdist tað til heilar 37 dystir, men bert 3 mál fyri Laurie Cunningham. Kapp- ingarárið 1987-88 gjørdist ikki talan um nógvar dystir. Laurie Cunningham varð eitt lítið rend í belgiska felagnum, Charleroi, men her gjørdist bert talan um ein dyst. Men við kapp- ingarenda varð Laurie Cunn- ingham endaður, sum partur av hópinum hjá ”The Crazy Gang” – Wimbledon, sum hevði vunnið seg í FA Cup finaluna ímóti Liverpool. Wimbledon vann 1-0, og Laurie Cunningham kom inn í 2. hálvleiki, og eydn- aðist tað honum soleiðis at vinna eitt heiti í Onglandi. Samlað gjørdist tað talan um 6 dystir og tvey mál í Wimbledon. Laurie Cunn- ingham varð ein sannur fót- bóltsfjakkari seinastu árini. Kappingarárið 1988-1989 varð hann aftur í spanska høvuðsstaðarfelagnum, Rayo Vallocano. Hesaferð gjørdist talan um bert eitt mál í 19 dystum fyri spanska felagið. Dripin í ferðslu- vanlukku Men á hásumri í 1989 end- aði alt brádliga. 15. juli hetta árið varð Laurie Cunn- ingham dripin í einari ferðsluvanlukku í Madrid, og gjørdist hann soleiðis bert 33 ára gamal. Fyri yngri littar fótbólts- spælarar stendur hann tó, sum ein stór hetja og undan- gongumaður. 23. mai í 1979 spældi Laurie Cunn- ingham sín fyrsta landsdyst ímóti Wales, sum varð ein dystur í tí tá árliga bretska meistaraskapinum. Viv Andersson gjørdist tann fyrsti litti spælarin, sum spældi ein A-landsdyst fyri Ongland ímóti Kekko- slovakia á heysti í 1978. Men tað verður undirstrikað, at Laurie Cunningham varð tann fyrsti litti spælarin, sum spældi ein landsdyst fyri Ongland, sum taldi í einari kapping. Laurie Cunningham (1956-1989): Fyrsti litti enski U-21 landsliðsspælarin Hann var ikki stórur á vøkstri, men gjøgnumbrotið hjá Laurie Cunningham í West Bromwich Albion gjørdi hann til ein tann størsta litta spælaran í enskari fótbóltssøgu 25