hósdagur 18. desember 2008síða 6

6 Nr. 244 - 18. desember 2008 Fólkatingið hevur í dag fyrstu viðgerð av spurninginum, hvørt samkynd, ið liva í skrásettum parlagi, skulu hava loyvi at ættleiða børn Lógarbroyting Eydna skaale eydnaskaale@hotmail.som Tað er Simon Emil Ammitz­ bøll (UFG), sum hevur sett uppskotið fram. Hann vil hava, at samkynd í skrásett­ um parlagið skulu hava somu rættindi at ættleiða, sum hinkynd pør og einlig. Ammitzbøll vísir á, at milliónir av børnum liva undir vánaligum umstøðum, og bert ein stórur innsatsur ímóti fátækradømi, kann hjálpa hesum børnunum. Ættleiðing kann kann hjálpa nøkrum av hesum illa støddu børnunum til ein tryggan og góðan uppvøkst­ ur. Hann sigur víðari, at samkynd eru júst so væl egnað sum hinkynd, tá tað ræður um at geva børnum eitt gott, trygt heim, um­ sorgan og kærleika. Ein treyt skal tó vera, at sínamillum avtalur skulu gerast ímillum Danmark og ymsu ættleiðingarlondini um, hvørt samkynd skulu kunna ættleiða. Londini skulu hava møguleika at nokta, um tey ikki vilja lata børn til samkynd pør. Samkynd betri rættindi Í 1999 varð danska lógin broytt soleiðis, at samkynd hava loyvi at ættleiða børn, sum samkyndi partnarin hevur frá undanfarnum par­ løgum. Ammitzbøll vísir á, at henda lógin viðurkendi eginleikarnar hjá samkynd­ um at uppæla børn, og hann dugir tí ikki at skilja, hví samkynd pør ikki kunnu ættleiða. Í Norra, Svøríki, Íslandi, Hollandi, Belgien, Stóra­ bretlandi, Spania og Andorra hava samkynd møguleika at ættleiða. Undan svensku avgerðini um at veita samkyndum møguleikar at ættleiða, var ein stór kanning gjørd. Kanningin vísti, at samlaða granskingin vísir, at børn við samkyndum foreldrum ­ bæði sálarliga og sosialt­ hava ment seg júst, sum børn frá hinkyndum parløg­ um. Kanningin vísir eisini, at eingin munur er á kynd­ menningini hjá børnum frá sam­ og hinkyndum heim­ um. Ammitzbøll hevur onga danska kanning at vísa á, men hann er ivaleysur í, at úrslitini mugu metast at verða tey somu í granna­ londunum báðum. Treytir Treytirnar skulu vera, at pør, ið ynskja at ættleiða, skulu vera fylt 25 ár, og hava búð saman í minsta lagið 2 ½ ár, tá tey søkja. Tey skulu somuleiðs vera gift ella vera í skrásettum parlagi, umframt at bústað­ urin skal vera egnaður at uppala børn í. At enda skal parið vera hampuliga fyri fíggjarliga. Samkynd loyvi at ættleiða