fríggjadagur 19. desember 2008síða 36

[ Nr. 245 -19. desember 2008 ] Vilja halda jól í oddinum Síðani týskvøldið hevur Stjørnan verið á odda í Sunset-kapping- ini, men hetta kann VB broyta leygardagin Hondbóltur Jákup Mørk jakup@sosialurin.fo Seinastu vikurnar er tað vorðið alt meira sjónligt, at oddastríðið í kvinnuhondbólti í ár stendur millum Stjørn­ una og VB. Seinasta vikuskiftið vórðu Tjaldur og Neist­ in mest sum sett av í kappingini um finalu­ sessirnar, og nú kann VB so økja enn meira um fjarstøðuna til triðja plássið. VB vitjar nevnliga hjá Tjaldri leygardagin, og hóast Tjaldur hevur bitið væl frá sær í fleiri dystum, so geva sein­ astu úrslitini eina fatan av, at VB eru favorittar til dystin. Seinni dysturin hetta vikuskiftið er í Havn, har Neistin tekur móti StÍF. Havnarkvinnurnar hava enn ein lítlan møguleika at røkka finalusessinum, og tað er so hesum, sum tær spæla fyri. Og móti StÍF eru tær greiðir favorittar. Triði dysturin hetta umfarið varð avgreiddu longu týskvøldið. Tá vann Stjørnan í Havn móti Kyndli, og eru klaksvíkarkvinnurnar við hesum á odda í deildini. Í øllum førum fram til leygardagin. Vilja hava Torres til Manchester Millum mongu stjørnurnar, sum Manchester City sigst vera til reiðar at keypa, er eisini Fernando Torres hjá Liverpool. Á Anfield siga tey seg tó ikki hava áhuga í at selja spælaran, og sambært umboðsmanni hansara, Jose Antonio Martini, ætlar spælarin sær heldur ikki nakran veg sjálvur. – Stórfeløgini sýna øll áhuga fyri Torres, men honum dámar væl í Liverpool, og hann gleðir seg bara, til hann aftur er til reiðar at spæla, sigur Martini. Torres hevur higar til skotið 38 mál í 62 dystum fyri Liverpool. Sleppur ikki Ronaldo Hóast avrikini ikki hava verið heilt so framúr, sum tey vóru seinasta kappingarár, so tykist Real Madrid framvegis at hava sama áhuga í Cristiano Ronaldo. Seinastu tíðina hevur eisini ljóðað, at Manchester United og Real Madrid hava gjørt eina avtalu, men hesum vísir Sir Alex Fergusoni harðliga aftur. – Halda tit, at eg vildi gjørt eina avtalu við hatta felagið. Eg hevði ikki somikið sum vilja selt teimum ein virus, segði Sir Alex við ensku miðlarnar, eftir at Ronaldo hósdagin hevði skotið eitt av málunum í 5­3 sigrinum hjá Manchester United móti Gamba Osaka. Mong ævintýr eru skrivað í Odense. Tvey ung føroysk fótbóltstalent royna at skriva sítt egna fótbóltsævintýr. Fyens Stiftstidende hevur tosað við Viljorm Davidsen og Teit Gestsson Fótbóltur Heri Simonsen heris@sosialurin.fo (Fyens Stiftstidende 9. desember 2008) Fyri ávikavist hálvum og hálvumøðrum ári síðani fluttu Viljormur Davidsen og Teitur Gestsson saman við familjum sínum úr Føroyum, og til Danmarkar. Tað eru rættiliga nógvar før­ oyskar familjur, sum flyta til Danmarkar, men orsøkin til, at júst hesar báðar familj­ urnar fluttu til Danmarkar, er øðrvísi, enn hjá flestu øðrum familjum, sum flyta til Danmarkar. Familjurnar eru nevnliga fluttar til Odense, fyri at stuðla ungu synum sínum við dreymin­ um um at fáa eina fulltíðar yrkisleið, sum fótbóltsspæl­ arar. Ikki somu møguleikar í Føroyum Viljormur er ikki í iva um eyðsýnda munin millum Danmark og Føroyar á hes­ um øki ­ Tað er ikki talan um somu møguleikarnar í Føroyum, um ein ynskir at liva av at spæla fótbólt. Sum føroyskur fótbóltsspæl­ ari, er ein noyddur at fara uttanlands, um ein veruliga vil menna seg. Talentar­ beiðið er bara betri í Dan­ mark, greiðir tann 17 ára gamli Viljormur Davidsen frá. Floksfelagarnir og lið­ felagarnir nevna Viljorm “William”, tí hesir hava (dønum líkt red.) stórar trupulleikar við at siga: “Viljormur”. Viljormur er verjuspælari á U­19 talent­ liðnum hjá OB. Viljormur gongur eisini í studenta­ skúla. Royndarvant í fleiri feløgum Teitur Gestsson er 16 ára gamal, og er hann málverji á U­17 liðnum hjá OB. Teitur fór eisini til Dan­ markar við sama endamáli, sum Viljormur. Nevnliga at menna talentið, og tað vóru fleiri donsk feløg, sum sóu stórar framtíðarmøguleikar í tí unga, føroyska málverj­ anum. – Eg varð og royndar­ vandi í Brøndby, FC Midt­ jylland og OB. Brøndby og OB bjóðaðu mær eitt pláss á liðnum, men eg valdi OB, tí eg kendi meg meiri væl­ komnan í felagnum her, greiðir Teitur frá. Teitur gongur í 10. flokki, og býr hann í Odense sman við pápa sínum, mammu sínari og systur sínari. Tey trívast øll væl í Odense, men viðhvørt leingist Teitur aftur til Klaksvíkar. – Eg sakni sjálvsagt familjuna og vinirnar heima, og tað er ótrúliga gott, tá ein av og á fer heim til Føroya at vitja. Eg gleði meg ótrúliga nógv til at halda jól saman við familjuni heima í Klaksvík. Viljormur hevur eisini gott samband við vinirnar heima. Teir stuðla eisini Viljormi í royndum hansara at gerast yrkisspælari. – Teir halda, at tað er feitt, at eg eri farin til Danmarkar at spæla fótbólt. Eg havi sam­ band við teir gjøgnum Skype og Messenger á teld­ uni. Tíðum spyrja teir til stuttleikar, um teir kunnu fáa VIP­atgongumerki til heimadystirnir hjá OB, sigur Viljormur smílandi. Vilja spæla í Superliguni Málið er greitt hjá báðum teimum føroysku ungling­ unum. Teir ynska at spæla í Superliguni. – Tað er jú tí, at vit eru her. Tað er tann sjálvsagdi dreymurin, at eg gerist nóg góður til at spæla í Superliguni, og seinni nóg góður til at spæla við einum stórum felagi uttanfyri Dan­ mark, undirstrikar Teitur. Teitur og Viljormur fylgdu væl við Superliguni heima í Føroyum, har tað ber til at síggja tær donsku sjónvarpsrásirnar. Uppruna­ liga varð tað ikki OB, men FC Keypmannahavn, sum varð yndisliði hjá Teitir, men høvuðsorsøkin til hetta varð, at býarfelagin, Todi Jónsson spældi við FCK. Viljormur og Teitur eru vorðnir góðir vinmenn, og teir eru ofta saman í tí sindri av frítíð teir hava, tá teir ikki venja, ella ganga í skúla. – Tað er gott at kunna samskifta á føroyskum saman við einum øðrum. Annars hevði verið vandi fyri, at føroyska málið fór í gloymskuna. Viljormur og Teitur halda, at um nakar avgerandi mun­ ur er millum Danmark og Føroyar, so er tað veðurlag­ ið. – Tað er rættiliga stutt­ ligt, at danskt sjónvarp hevur innsløg, tá tað regnar ella kavar illa her. Tí um ein vil síggja nógvan kava ella regn, so skal ein bara fara ein túr til Føroyar, siga báðir flennandi. Báðir høvdu trupuleikar við at spæla fótbólt í teim­ um heitu, donsku summar­ mánaðunum. Heima í Føroy­ um er tað sjáldan, at hita­ lagið fer upp um tey 15 stig­ ini. Orsaka av veðurlagnum, so eru næstan allir vøllirnir í Føroyum gjørdir av graslíki. Tað er nærum ógjørligt at røkta ein grasvøll, orsaka av føroyska veðurlagnum, greiða teir frá. Hart arbeiðið Føroysku unglingarnir eru fegnir um tilveruna í Odense. Teir hava fingið nakrar góðar liðfelagar í felagnum, og nakrar góðar skúlafelagar eisini. Men teir hava trupuleikar við at røkka øllum, sum er á skránni, tí teir brúka so nógva tíð uppá fótbóltin, aftaná skúlatíð. – Vit venja mánadagar, týsdagar, tvær ferðir hósdagar, og so spæla vit dyst leygardagar. Harum­ framt renni eg, og geri styrk­ isvenjingar, greiðir Viljorm­ ur frá. ­ Eg venji enn meiri enn hann, leggur Teitur aftrat. – Eg havi eisini málmansvenj­ ingar, og tað er nakrar ferðir eyka um vikuna. Men tey ungu føroyska fótbóltstalent­ ini grenja ikki. Teir hava valt at satsa uppá OB og ítróttina, og talentið røktar seg ikki sjálvt. Fótbóltstilvera í føðibýi H.C. Andersens Føroysku unglingarnir trívast væl í Odense, har teir eru í ferð við at skriva sítt egna fótbóltsævintýr 36