mánadagur 5. januar 2009síða 20

20 [ Nr. 2 - 5. januar 2009 ] Rangers nærkast Celtic Nú er minni munur millum tey bæði skotsku stórfeløgini Celtic og Rangers í landskappingini. Um vikuskiftið vann Rangers 3-0 á Inverness, meðan Celtic bert fekk javnleik burtur úr dystinum ímóti Dundee United. Celtic hevur verið langt frammanfyri Rangers, men nú minkaði munurin niður í fimm stig. Feløgini hava ein dyst eftir ímóti hvørjum øðrum, og hann verður spældur 15. februar. Tevez krevur stóra løn Ivi er sáddur um framtíðina hjá Carlos Tevez í Manchester United, eftir at hann hevur kravt stóra lønarhækking fyri at halda fram í felagnum. Leigusáttmálin hjá United gongur út í summar, og ætlanin hevur verið at United skal keypa spælaran. Men nú kann lønarkravið gerast ein trupulleiki. Tevez krevur nevniliga eins stóra løn og superstjørnan Cristiano Ronaldo, og tað felagið ikki sinnað at lata honum. Tað var gerandis­ kostur, at túsindtals áskoðarar róptu rasistisk ókvæmisorð, tá Cyrille Regis gjørdist yrkisspælari í 1970­unum. Men vunnið var á hesum Fótbóltur Heri Simonsen heris@sosialurin.fo Ein spælari, sum hevði stór- an týdning fyri bæði West Bromwich Albion og Cove- ntry City, tá hesi liðini vóru uppá tað besta, var Cyrille Regis. Cyrille Regis er fødd- ur í Maripasoula 9. februar í 1958. Tá á døgum lá Mari- pasoula í tí, sum nevndist Fransk Guiana. Foreldrini itu Robert og Mathilde Regis. Í 1963 flutti Cyrille saman við familju sínari til Onglands. Regis-húskið búði í økinum í London, sum nevnist Portobello Road. Seinni flutti familjan til Stonebridge. Cyrille var uppaldur sum katolikkur, og gekk hann tí í katólskum skúlum. Tíðliga vísti tað seg, at hann var eitt ítróttartalent, og hann íðkaði bæði frælsan ítrótt, cricket og fótbólt. Í skúlaárunum spældi hann við einum liði, sum eitur Borough of Brent. Talentskótar hjá Chelsea bóru eyga við hann, og bjóð- aðu honum eina royndar- venjing, men tíverri fyri Cyrille so drógst hann við ein skaða, júst tá royndar- venjingin skuldi verða. Tá skúlaárini vóru liðug fór hann at spæla í einari amatør-ligu, sum nevnist “Sunday league football”. Liðið, sum hann spældi við eitur Ryder Brent Valley. Eitt tíðarskeið spældi Cyrille eisini við einum liði, sum æt Oxford & Kilburn Boys. Hetta tíðarskeiðið aftaná skúlaárini lærdi Cyrille eis- ini til elektrikara. Yrkisspælari í 1977 Kappingarárið 1975-1976 spældi Cyrille Regis við einum liði, sum eitur Moles- ey. Molesey spældi í liguni, sum nevndist Athenian League. Hetta kappingarárið skeyt Cyrille 25 mál. Hetta kappingarárið fann Cyrille eisini út av, at venj- arin hjá Molesey hevði logið fyri sær, at hann ikki kundi fara til eitt annað felag, tí hann var sáttmála- bundin. Men Cyrille fann út av, at hann var undir 18 ára aldur, og tí ikki kundi verða sáttmálabundin. Hetta førdi til, at hann fór frá Molesey, og fór at spæla við Hayes, sum spældu í einari hægri ligu, sum nevndist Isthmian League. Hayes hevði parttíðar- sáttmálar við spælarnar. Kappingarárið 1976-1977 skeyt Cyrille Regis 24 mál fyri Hayes. Hetta kapping- arárið bar talentskótin hjá West Bromwich Albion, Ronnie Allen eyga við hann. West Bromwich spældi tá í bestu ensku deildini, og viðmælti Ronnie Allen felagnum at skriva undir sáttmála við Cyrille Regis. Leiðslan í West Bromwich ivaðist, men Ronnie Allen segði, at hann kundi leggja ein part av peninginum út fyri Cyrille Regis. Endin var, at West Brom- wich og Cyrille Regis skriv- aðu undir ein sáttmála uppá 5.000 pund. Hetta var í maj í 1977. Sáttmálin skuldi hækka við 5.000 pundum aftrat, aftaná at Cyrille hevði spælt teir fyrstu 20 dystirnar. Ronnie Allen gerst venjari Stutt aftaná, at Cyrille var komin til West Bromwich, tók Ronnie Allen við venj- arastarvinum. Tað byrjaði væl hjá Cyrille. Hann skor- aði í sínum fyrsta dysti fyri eykaliðið hjá West Brom- wich í einum dysti ímóti eykaliðnum hjá Sheffield Wednesday. Hann spældi sín fyrsta dyst á besta liðnum hjá WBA 31. august í 1977. Talan var um ein dyst í Liga Cup kappingini. WBA vann 4-0 á Roth- erham, og Cyrille skoraði tvey mál í dystinum. Tríggjar dagar seinni spældi Cyrille Regis sín fyrsta dyst í bestu ensku deildini. WBA vann 2-1 á Middlesbrough, og Cyrille skoraði eitt minni- ligt mál. Hann driblaði líka frá miðjuni og til brots- teigarmarkið, har hann skeyt eitt hegnisligt skot í málið hjá Middlesbrough. Í WBA fekk Cyrille tveir littar liðfelagar, Laurie Cunningham og Brendan Batson. Tá á døgum var ikki vanligt, at eitt lið í Ong- landi byrjaði dystin við trimum littum spælarum. Cyrille Regis, Laurie Cunn- ingham og Brendan Batson fingu kelinavnið “The Three Degrees”, og eiga teir sín stóra lut í, at littir spælarar blivu viðurkendir í ensku liguni. Tí tað var alt annað enn lætt í byrjani. Ókvæmisróp Cyrille Regis minnist aftur á farnar dagar: - Rasisman var rættiliga sjónlig tá, men eg royndi at venda tað nei- liga til nakað jaligt. Eg stríddist meir, og spældi betur. Eg royndi at skora mál, og at vinna stig. Tá á døgum kundi tú hava túsindtals av áskoðarum hjá mótstøðuliðunum, sum róptu: “Nigger, nigger lick my boots” (Nekari, nekari, sleik styvlum mínum). Tað einasta myndugleikarnar søgdu tá á døgum var, at hetta var ein stór skomm. Meir gjørdu teir ikki við tað. Ikki fyrr enn seinast í 1980-unum, tá herferðin “Kick racism out of Foot- ball” (Sparka rasismuna úr fótbóltinum) byrjaði kom vend í. Tað var enntá so galið, at tá Cyrille Regis var tikin út til enska landsliðið fekk hann eitt grovt hóttanarbræv. Í hóttanarbrævinum var ein byrsukúgla, og ein hóttan, sum var skrivað á ein seðil. Á seðlinum stóð: »Tú fært eina av hesum í títt knæ, um tú gongur eftir gras- teppinum á Wembley fyri at spæla fyri Ongland!« Og hvussu tók Cyrille Regis hetta: - Hvussu kundi eg berjast ímóti slíkum? Jú við mínum talenti. Yrkisspælari í 19 ár Tíbetur máttu rasistisku kreftirnar víkja, og Cyrille Regis fekk eina góða og hendingarríka yrkisleið, sum fótbóltsspælari. Árini 1977-1984 spældi hann við West Bromwich Albion. Hann spældi 237 dystir fyri WBA, og skoraði 82 mál. Hetta tíðarskeiðið var hann eisini tikin út til U-21 lands- liðið hjá Onglandi har hann spældi 6 dystir og skoraði 3 mál. Hann var eisini tikin út til enska B-landsliðið, har hann spældi 3 dystir, og 5 dystir fyri enska A-lands- liðið. Men her fekk Cyrille einki mál. Í 1978 gjørdist Cyrille Àrsins ungi spælari í ensku liguni, og í 1982 vann hann eina heiðursløn fyri at hava skorið Ársins mál , kapp- ingarárið 1981-1982. Talan var um eitt mál ímóti Nor- wich City í FA Cup kapp- ingini. Hóast WBA ikki vann nakað heitið, sum lið, so var kortini talan um eitt gott tíðarskeið í søguni hjá WBA. Árini 1984-1991 spældi Cyrille Regis við Coventry City. Her gjørdist talan um 238 dystir, og 47 mál. Í 1987 eydnaðist tað Cyrille saman við liðnum hjá sær at vinna FA Cup kappingina. Talan var um søguskriving, tí hetta var fyrstu ferð í søg- uni hjá Coventry, at liðið vann FA Cup kappingina. Kappingarárini 1991- 1993 spældi Cyrille við Aston Villa. Talan gjørdist um 52 dystir og 12 mál. Síðstu trý árini av yrkisleiðini gjørdist talan um niðurtrapping í lægri deildunum. Fyrst í Wolver- hampton, síðani í Wycombe Wanderers, og síðsta kapp- ingárið, 1995-1996 í Chest- er City. Talan gjørdist um 83 dystir og 18 mál hesi 3 árini. Samanlagt spældi Cyrille Regis 610 dystir, og skoraði 159 mál, sum yrkisspælari. Áðrenn tað koma so øll mál- ini í deildunum, sum eru undir ensku liguni. Í juni 2008 fekk Cyrille Regis bretska riddarakrossin frá Elisabeth, drotning fyri sína drúgvu tænastu fyri enskan fótbólt. Til stuttleikar kann nevnast, at Cyrille Regis hevur spælt við tveimum liðum, sum hava vitjað Før- oyar. Coventry, sum vitjaði í 1979, og Chester City, sum vitjaði Føroyar í 1987. Bardist ímóti rasismuni og vann Tað var serliga sum partur av liðnum hjá West Bromwich Albion fyrst í 80’unum, at Cyrille Regis gjørdi vart við síni framúr fótbóltsevni