mánadagur 5. januar 2009síða 19

19 [ Nr. 2 - 5. januar 2009 ] Brúk fyri nógvum spælarum Venjarin hjá Manchester City heldur, at felagið hevur brúk fyri fleiri nýggjum spælarum. City keypti um vikuskiftið Wayne Bridge úr Chelsea, men liðið var eyðmýkt í steypkappingini, har teir taptu 3-0 á heimavølli ímóti Nottingham Forest. - Vit hava brúk fyri fleiri spælarum, helst einar fimm spælarar afturat, og vit vóna, at teir kunnu keypast í januar, sigur Mark Hughes við SportingLife. Adriano risabót Brasilski álopsspælarin Adrino skikkar sær illa, og tað hevur fingið italska felagið Inter at geva honum eina ovurhonds stóra bót. Adriano møtti ov seint til fyrstu venjingina í ár, og tað kostar 1,1 millión krónur í bót. Adriano helt feriu í Brasil og kom seinni aftur til Italia enn ætlað. Fleiri aðrar ivamsamar hendingar hava verið við Adriano, sum hongur í klønum trái í Inter. Claus Ras- mussen gevst Claus Rasmussen boðar í dag frá, at hann gevst sum venjari hjá StÍF eftir hetta kappingarárið Hondbóltur Uni Holm Johannesen uni@sosialurin.fo Heimasíðan hjá StÍF skrivar í dag, at danin Claus Rasmussen ikki ynskir at halda fram í venjarastarvinum eftir hetta kappingarárið. Or- søkin er fyrst og fremst, at hann ætlar at nýta meira tíð til familjuna. - Hann lat samstundis eina hurð standa á glopp fyri, at hann møguliga kundi venda aftur til StÍF einaferð í framtíðini, skrivar heimasíðan. Í StÍF hava tey verið væl nøgd við avrikini hjá Claus Rasmussen. Hann varð settur sum venjari undan farna kappingar- ári. StÍF-KÍF 30-22 Aftur á beint StÍF hevur ikki havt tað serliga lætt seinastu tíð- ina, men í gjár bragdaði aftur hjá liðnum. KÍF, sum er niðast í Atlantic Airways-deild- ini, vitjaði, og her eydn- aðist strandingum at taka sær av báðum stigunum. Við sigrinum heldur StÍF framvegis fast í lítlu vónini um at røkka ein- um finaluplássi í kapp- ingini. StÍF hevur nú fýra stig upp til Neistan, sum er á øðrum plássi í kappingini. Og júst Neistin er mótstøðuliðið hjá StÍF í komandi upp- gávuni, sum eisini verður í høllini á Skála. -mørk Púrasta óvæntað eydn­ aðist tað Kyndil at fáa fult í Hoyvíkshøllini í gjár. H71 spældi ikki serliga væl, og tá var lætt hjá vælleikandi havnarmonnunum at vinna seg longur burtur frá botninum. Kyndil eru nú ósigr­ að í tríggjar lands­ kappingardystir Hondbóltur Uni Holm Johannesen uni@sosialurin.fo - Kyndil! Kyndil! Kyndil! Frøin á Bárði Johannesen sigur alt. Við málinum til 25-23 køvir hann seinastu vónirnar hjá hoyvíkingum at fáa stig burturúr dystin- um. Hann knýtir saman nev- arnar og ger eitt ordiligt róp. Stutt eftir ljóðar sein- asta bríkslið. Í einum stór- um trunka síggjast glaðir og hoppandi grønir havnar- menn. Botnliðið er ósigrað í tríggjar dystir og hevur júst koppað grannunum úr Hoyvík. Vónbrotnir hoyvíkingar á síðulinjuni taka seg til høvdið. - Vit verða ongantíð før- oyameistarar, tók ein til. Løgdu bragdliga fyri Tað byrjaði nú væl hjá H71. Kyndil gav heimaliðnum alt ov nógv pláss í verjuni, og tvær ferðir var gjørligt hjá Janus Sørensen at renna ígjøgnum fyrstu løtuna. Men skjótt vendist. Gestir- nir fingu tamarhald á verju- partinum, meðan málini skolaðu inn í hinum endan- um. Flestu málini vóru eftir returbóltar og tilvildarligt spæl, men tað gjørdi tað sama. Øll mál telja líka nógv. Serliga var landsliðsleik- arin Janus Einar Sørensen stórspælandi. Hann stór- treivst millum stóru verju- leikararnar hjá H71, og var toppskjútti hjá Kyndli við átta málum. Einu løtuna høvdu gest- irnir bara tríggjar mans á vøllinum. Men hoyvíkingar dugdu illa at gagnnýta støð- una. Støðan í hálvleikinum var 13-11 til Kyndil. Stríðsviljin sigraði - Kom nú her - út í hann! Væl vart! Eyðkenni hjá kyndla- monnum seinastu nógvu árini hevur verið fyrimynd- arligi stríðsviljin. Og tað var eisini hann, sum legði lunnar undir mest sannfør- andi avrikið hjá havnar- felagnum í hesum kapp- ingarárinum. Serliga dugdi Bárður Johannesen, sum hoyvíkingar fleiri ferðir gjørdu brotskast móti, væl at stuðla undir viðleikar- arnar. Spælið hjá gestunum var ikki serliga flott í løtum, men teir lótu ikki H71 koma nærri leiðsluna. Teir hildu fast allan dystin á tamb. Ikki fyrr enn í sein- astu minuttunum fingu hoy- víkingar spenning í dystin, men Kyndil endaði omaná, og vann við tveimum mál- um – 25-23. Hóast grønu havarmenn- inir hava ligið í tungum sjógvi alt árið, koppaðu teir FM-kandidatinum í egnari holu. Men tað kann H71 fyrst og fremst takka sær sjálvum fyri. Spælið hekk als ikki saman, og verjan og Kyndli stóð seg væl. Men hoyvíkingar mistu ikki ser- liga nógv í oddastríðnum. Málið er framvegis finalu- pláss, og júst sum undan dystinum, so eru tað fram- vegis tvey stig, sum skilja Neistan og hoyvíkingar. Kyndil reisir seg spakuliga H71-Kyndil 23-25 (11-13) 10 min: 5-4 20 min: 7-10 40 min: 15-15 50 min: 18-20 Málskjúttar H71: Dánjal Tórgarð 7(2), Poul Kjartan Dam 5, Janus Sørensen 4, Regin Joensen 2, Danni Syhler 2, Esbern Patursson 1, Bjarni Sørensen 1, Bárður Brimvík 1 Kyndil: Janus Einar Sørensen 8(3), Bárður Johannesen 6(2), Hans Áki Dal-Christiansen 4, Høgni Klein 2, Tummas Pauli Hanusarson 2, Andreas Sólsker 1, Rani Ellingsgaard 1, Erlendur Johannesen 1 Brotskøst: H71 3, Kyndil 7 Útvísingar: H71 3, Kyndil 5 FAKTA um dystin Tað var ein vónbrotin og fámæltur Dánjal Torgarð, sum Sosialurin fekk orðið á eft- ir dystin í gjár. Hoyvíkingar vóru ikki nóg avgjørdir, og tað kostaði dýrt. - Vit kunnu bara takka okkum sjálvum fyri, at vit ikki vunnu. Vóru tað tit, sum vóru vánaligir, ella hvussu? - Ja, tað var tað. Sjálvandi skal einki takast frá avrikinum hjá Kyndli. Men tað vóru fyrst og fremst vit, sum vóru vána- ligir, sigur Dánjal Torgarð. Tá liðini hittust í fyrsta umfari í ársins útgávu av hondbóltskappingini vann H71 við heili 14 málum. Men hesir dystirnir kunnu als ikki samanberast, slær lands- liðsleikarin fast. - Kyndil hevur nógv nýtt fólk, og hava av tí sama tikið seg nógv fram. Hetta var ein heilt øðrvísi dystur, men tað broytir ikki, at vit eru vónbrotnir. Hetta var ikki nøktandi, sigur Dánjal Torgarð, sum stað- festir, at hoyvíkingar framvegis hava góð- ar vónir um finalupláss. -uni – Kunnu takka okkum sjálvum Fullkomuliga óvæntað fór Kyndil úr Hoyvíkarhøllini við báðum stigunum, tá teir vitjaðu hjá H71 sunnudagin Mynd: Álvur Haraldsen