fríggjadagur 9. januar 2009síða 17

Nr. 6 - 9. januar 2009 17 Boripallurin West Phoenix, sum skal bora fyri ENI og Føroya Kolvetni á føroyska landgrunninum í summar, er nú farin undir at bora brunn í Noregi eftir at hava verið seinkaður. Næsti brunnurin verður tann í Føroyum Sjeyndi brunnurin Jan Müller Jan@sosialurin.fo Boripallurin, West Phoenix, sum skal bora tann sjeynda leitibrunnin á føroyska land­ grunninum í summar, er loksins farin undir sína fyrstu boriuppgávu á norsk­ um øki fyri franska olju­ felagið Total. Pallurin, sum er spildurnýggjur, kom frá Samsung skipasmiðjuni í Suðurkorea í august mánaði og hevur síðani ligið fyrst í Las Palmas og síðani í norskari havn, har hann er gjørdur klárur til sína fyrstu boriuppgávu, nakað seink­ aður. Hetta lovar væl fyri italska oljufelagið, ENI og tað føroyska Faroe Petrol­ eum, sum standa til at bora tann næsta brunnin á før­ oyskum øki. Ætlanin var, at boripallurin skuldi bora í Føroyum longu í mars men vegna seinking hevur hetta verið skotið nakað út og verður hetta neyvan fyrr enn í mai ella í summar. West Phoenix er serstakliga útgjørdur til at bora á djúpum vatni. Boripallurin er longu væl kendur millum føroyingar. Tá hann lá við bryggju í Las Palmas í heyst vóru fleiri føroyskir handverkarar umborð. Runavík ger klárt Sum skilst verður nú so smátt riggað til í útgerðar­ havnini í Runavík. Tey fyrstu rørini til komandi boringini komu til Føroyar nakað undan jólum. Tað er annars stórur áhugi fyri júst hesum brunninum í oljuumhvørvinum sum heild. ENI hevur ikki enn úttalað seg so nógv um møguleikarnar fyri at finna olju, men umboð fyri onnur oljufeløg, sum kenna til økið men sum ikki eru við í loyvinum, hava úttalað seg rættiliga bjartskygt um møguleikarnar at finna olju og gass í nettupp hesum økinum. Eitt nú úttalaði kendi jarðfrøðingurin Richard Hardmann, fyrrverandi leitistjóri hjá Amerada Hess í Føroyum og nú ráðgevi hjá Atlantic Petroleum, á einum oljutingi í Havn í fjør, at jarðfrøðiligu viður­ skiftini í undirgrundini, har ENI fer at bora, síggja rættiliga lovandi út. Anne Marie leiðin, sum hesin brunnurin er kallaður, liggur ikki so langt frá markinum, har Amerada Hess nøkur ár herfyri gjørdi eitt oljufund á bretskum øki kallað Cambo. Ì vár fer olju­ skipið Stena Carron, sum í løtuni borar ein avmark­ ingarbrunn á Rosebankfelt­ inum nakað norðari, eisini skamt frá føroyska mark­ inum, at bora ein avmark­ ingarbrunn á Camboleiðini. Tað er tí rættiliga áhuga­ vert at merkja sær, at tað um nøkunlunda somu tíð verða boraðir tveir brunnar í einum øki, sum liggur báðumegin markið, og har jarðfrøðin møguliga líkist nógv. www.sev.fo MASKINMEISTARi til Vágsverkið Eitt starv sum maskinmeistari við el­ verkini í Suðuroy er leyst at søkja til setan skjótast til ber. Arbeiðsuppgávur Arbeiðið umfatar rakstur og hald av elverk­unum í Suðuroy, bæði sum dag­ arbeiði og vaktarbeiði uttanfyri vanliga arbeiðstíð. Elverkini í Suðuroy umfata í løtuni: • Elverkið í Vági við trimum diesel­ motorum tilsamans 9,7 MW. Hesir motorar eru riknir við tungolju • Elverkið í Botni, sum er eitt vatnorku­ verk við tveimum turbinum upp á tilsamans 3 MW • Elverkið í Trongisvági, sum ikki koyrir dagliga, men er til at taka, við einum diesel­motori upp á 2 MW. Vakthavandi maskinmeistari hevur yvir­ vaking av og lastfordeiling millum Vágs­ verkið og elverkið í Botni umframt net­ yvirvaking og koblingsleiðslu fyri elnetið í allari Suðuroynni. Uppmøtingarstaðið er á Vágsverkinum, har vaktin hevur tilhald. Arbeitt verður á og út frá hesum arbeiðsstaði til hini elverkini eftir tørvi, og fer flutningur vanliga fram við arbeiðsbili hjá SEV. Førleikakrøv Tað er ein fyrimunur, um tú hevur fulla maskinmeistaraútbúgving, t.v.s. víðkað maskinmeistaraprógv, 3 ára maskin­ meistaraskúlaprógv og royndir innan økið. Løn Starvið verður lønt sambært sáttmála millum Kommunala Arbeiðsgevarafel­ agið og Maskinmeistarafelagið. Lønin verður ásett eftir starvsaldri fram­ manundan, sum verður roknaður frá prógvtøkudegnum, men er treytaður av fakliga viðkomandi arbeiði síðani tá. Umframt nevndu løn kann roknast við vaktargjøldum og møguliga av og á eisini úrtíðarløn. Nærri upplýsingar um starvið fáast við at venda sær til Palla Mortensen, verk­ meistara, ella til Anders Nedergaard­ Hansen, deildarleiðara fyri framleiðsl­ una, báðir á tel. 346800. Umsóknir saman við prógvum og møgu­ ligum ummælum verða sendar til: Elfelagið SEV, Landavegur 92, Postrúm 319, FO­110 Tórshavn. Umsóknir skulu vera SEV í hendi í seinasta lagi týsdagin 13. januar 2009. ELFELAgið SEV · POSTSMOgA 319 · 110 TórSHAVN · WWW.SEV.FO · SEV@SEV.FO SEV er grundað á eina samhaldsfasta, fólkaræðisliga skipan, har tann vinningur, sum fæst burtur úr elsøluni, verður í høvuðsheitum nýttur til framtíðar útbyggingar av framleiðslueindum og elkervinum. Á tann hátt verður vinningurin øllum Føroya fólki at gagni, og útbyggingar kunnu fara fram, so hvørt samfelagið mennist, og streymtørvurin økist. SEV hevur eina veitingarskyldu, sum áleggur felagnum at veita øllum borgarum, virkjum, stovnum o.s.fr. støðugan streym alt samdøgrið. SEV hevur sostatt bæði góðsku­ og kervisábyrgdina í Føroyum. Starvsfólk hjá SEV verða útbúgvin og førleikament sambært galdandi reglum á økinum og krøvum, ið SEV setir til trygd og annað. Vitanin verður áhaldandi viðlíkahildin við bæði innanhýsis undirvísing og skeiðum og eftirútbúgvingum annars. Vit síggja Anne Marie leiðina vestan fyri miðlinjumarkið millum Føroyar og Bretland, har borurin verður settur í um nakrar fáar mánaðir. Hinumegin markið er Cambo oljufundið, sum møguliga verður útbygt. Longur norðuri síggja vit Rosebankoljufundið, sum helst eisini verður útbygt. So tætt upp at føroyska landgrunninum eru stórar oljukeldur funnar. Í løtuni verður avmarkingarbrunnur boraður á Rosebankleiðini. Í næstum fer Stena Carron suðureftir at bora avmarkingarbrunn á Cambo feltinum. Síðani kemu túrurin til Anne Marie leiðina. Anne Marie boring nærkast West Phoenix boripallurin er heimsins mest framkomni á sínum øki og er serliga útgjørdur til at bora á djúpum vatni. Um nakrar mánaðir kemur hann føroyskt farvatn.