fríggjadagur 9. januar 2009síða 23

Nr. 6 • 9. januar 2009 bóka ummælið mortan@hamrabyrgi.com 23 Mortan í Hamrabyrgi umrøður nýggjar bøkur um mat og drekka. 31 ára gamli kokkurin og føðslu-serfrøðingurin Oscar Umahro Cadogan, ið eisini he- vur akademiskar førleikar innan biokemi gav fyri nøkrum árum síðani út bestseljarin ”Køkken- revolution på høje hæle”, har hann borðreiddi við skjótum, vælsmakkandi og ikki minst heilsugóðum uppskriftum til modernaðu kvinnuna, ið hevur nógv um oyruni. Herfyri kom so ”Køkkenre- volution for hele familien” á marknaðin. Uppskriftirnar eru familjuvinarligar. Aftur hesaferð snýr tað seg um at ansa eftir ov nógvum sukri, at eta rætta feit- tið og nakað so einfalt sum at eta regluligar máltíðir. Tað er jú ikki so lætt við okkara samfel- ags-bygnaði, har øll – næstan eftir lóg – skula hava skund. Bókin upplýsir, leiðbeinir og greiðir frá hvussu familjan – tvørir tannáringar íroknaðir - á rættiliga ómakaleysan hátt kann gera og eta fjølbroyttan, lekran og heilsugóðan mat. 104 uppskriftir eru í vøkru bókini, ið Oscar hesuferð hevur skrivað saman við 14 ára gomlu Telmu Pil Jespersen, ið er dóttir navnframu íslendsku Thorbjörg Hafsteinsdottir. Tel- ma hevur millum annað givið Umahro prei um, hvussu vit fáa børnini at eta heilsugóðan mat. Tað er jú ikki altíð so lætt. Uppskriftir eru um morgunmat, matpakkar, døgurða, nátturði, lystimeti, bakstur, góðgæti og dessertir. Dentur er lagdur á at hevja natúrliga søta smakkin í rávørunum við kryddi heldur enn við sukri. At brúka fullkorn í staðin fyri raffinerað mjøl har tað ber til. Og so er Umahro fullvísur í, at tað ber til at gera góðan vælsmakkandi mat ut- tan sukur, smør og róma. Nógvir góðir upplýsingar um heilsu og føðslu standa í bókini og ikki minst eru leiðbeingarnir um hvussu vit gera matin á skjótan og góðan hátt sera hentar. Køkkenrevolution for hele familien, Oscar Umahro Cado- gan, Pretty Ink, 271 blaðsíðir, innbundin, uml. kr. 229 í bók- handlunum Umahro koll­ veltir nú alla familjuna