mánadagur 12. januar 2009síða 22

22 Nr. 7 - 12. januar 2009 Soljóðandi skriv varð 02.01.09 send leiðslu Kringvarpsins og síðani eisini Kringvarpsstýri­ num og landsstýris­ kvinnuni í mentamálum   Starvsmannafelagið krevur,  at Kringvarpið tekur aftur  øll hoyringsskrivini, sum  vóru latin teimum sjey lim­ unum hjá Starvsmannafelag­ num 16. desembur 2008. Kravið er grundað á, at  kringvarpsleiðslan ikki  hevur haldgóðar grund­ gevingar fyri ætlaðu  uppsøgnunum. Samstundis sum ætlanar­ skriv um uppsøgn verða  viðgjørd, hevur Kringvarp­ ið valt at seta nýtt fólk í  starv, hóast skikkað fólk  eru millum tey, ið ætlanin  er at siga úr starvi. Kringvarpsleiðslan hevur  ført fram, at uppsagnirnar  gjørdust neyðugar orsakað  av brádliga íkomnum tørvi  á sparingum í 2009, hon  mátti tí siga dugnaligum  fólki farvæl. Men tað er Starvsmanna­ felagsins greiða fatan, at  ongin orsøk er at siga nakr­ an úr starvi orsakað av spar­ ingum í 2009. Sparingarnar  orsakað av uppsøgnum av  limunum hjá Starvsmanna­ felagnum eru í 2009 góð  hálv millión krónur. Hetta tí  øll hava langa uppsagnar­ freist og frítíð til góðar. Tey  flestu fáa tí løn til og við  septembur. Tilsamans er talan um  gott eitt ársverk, sum verð­ ur spart burtur í árinum. Um tvey av teimum, ið  hava fingið hoyringsskriv,  valdu at fara niður í hálva  tíð í 2009, og Kringvarpið  ikki setti nýtt fólk, men  umrokerar á stovninum, so  sparir stovnurin tvey árs­ verk uttan uppsagnir. Stovn­ urin kundi tá sloppið und­ an tí harðrendu framferðini  mótvegis starvsfólkunum á  stovninum og tikið sær  stundir til at lagt eina skila­ góða ætlan fyri tillaging av  búskapinum í samráð við  eitt nú Mentamálaráðið. Starvsmannafelagið  heitir tí á leiðsluna um at  taka aftur ætlanarskrivini.  Starvsmannafelagið býður  sær saman við starvsfólk­ unum á stovninum og  leiðsluni at finna ein leist  fyri ætlaðu sparingum  uttan at siga fólki úr starvi. Í øðrum umfari heitir  Starvsmannafelagið á  stýrið fyri Kringvarpið og  Mentamálaráðið um at  tryggja starvsfólkunum í  Kringvarpinum eina virði­ liga viðferð, at sømuligur  starvsfólkapolitikkur  verður rikin innan tað  almenna, og at ætlanar­ skrivini um uppsøgn verða  afturtikin í stundini. ­­­­ Á fundi í dag við leiðslu  Kringvarpsins hevur  Starvsmannafelagið tví­ hildið um, at í sambandi  við setanina av journalisti  nýggjaftan, hevur leiðslan  fyri Kringvarp Føroya  brotið ásetingarnar í sátt­ málanum, at størv skulu  lýsast leys alment og eisini  almenna setanarpolitikkin. Lýsingin hevur bert stað­ ið á heimasíðu Kring­ varpsins og er hetta ikki  nøktandi lýsingarháttur. Eisini hevur leiðslan  brotið bæði sáttmála og  almenna setanarpolitikkin, í  mun til at álitisfólk skal  hava málið til ummælis,  áðrenn endalig støða verður  tikin og sum partur av  setanarbólkinum skal vera  við í setanartilgongdini og  er hetta ikki farið fram. Orðingin í almenna  setanarpolitikkinum er  henda: ”Setanarnevnd verður sett  at meta um umsøkjarar,  viðgera umsóknir og hava  setanarsamrøður. Í setanar­ nevndini skulu verða um­ boð fyri leiðslu og starvs­ fólk, t.d. umboð fyri ávísar  starvsbólkar, ið viðkoma  starvsøkinum, og álitisfólk.  Tað er av stórum týdn­ ingi, at setanarnevndin er  umboðað við fólki, sum  hevur førleika at meta um  umsøkjarar, tá talan t.d. er  um starv, ið krevur serligan  fakligan førleika.  Góð tíð skal verða sett av  til at viðgera umsóknirnar.” Starvsmannafelagið  góðtekur als ikki hesa  framferð og hevur kravt at  setanin verður ógildað.  Leiðslan vil ikki ógilda  setanina og Fíggjarmálaráð­ ið metir ikki, at hetta er so  álvarsamt brot, at avleið­ ingin er ein ógildan av  setanini.  Starvsmannafelagið og  hini fakfeløgini í fakfelags­ samstarvinum á almenna  arbeiðsmarknaðinum:  Akademikarafelag Føroya,  Føroya Lærarafelag, Før­ oya Pedagogfelag, Felagið  føroyskir Sjúkrarøktarfrøð­ ingar og Havnar Arbeiðs­ kvinnufelag eru samd um,  at hetta mál er av sera  principiellum týdningi. Vit góðtaka ikki at sátt­ málaásetingar verða brotn­ ar og at hetta ikki fær  avleiðingar!! Vísandi til skrivið, ið  sent varð leiðsluni og av­ varandi myndugleikum, so  er grundgevingin fyri at  limir okkara hava fingið  hoyringsskriv um uppsøgn  ógrundað. Sparingin er so lítil, at er  vilji at troyta allar møgu­ leikar at fyribyrgja upp­ sagnunum, herundir m.a.  møguleikarnar fyri niður­ settari tíð og gagnnýta  ásetingarnar um eldra­ politikkin í sáttmálanum  og ikki at seta leysa starv­ ið, so er als ikki neyðugt  við uppsagnum. Tað er eisini follið fak­ felgssamstarvinum fyri bróst­ ið, at ikki allar royndir at  fyribyrgja uppsagnum eru  troyttar, við virðing fyri teim  starvsfólkum, ið hava tænt  Kringvarpinum í mong ár. Kringvarpið tolir als ikki  fleiri starvsfólkaskerjingar. Við hesum grundgev­ ingum heitir Starvsmanna­ felagið enn einaferð staði­ liga á leiðslu Kringvarp­ sins at taka ógrundaðu  hoyringsskrivini aftur. Tað tykist sum ein stak illa  umhugsað krígsavbjóðing,  at Starvsmannafelagið nú  krevur, at Kringvarpið nú  skal strika starvssetanina  av einum journalisti, sum  er limur í fakfelagnum  Føroysk Miðlafólk. Føroysk Miðlafólk vara  ikki av sjálvum sáttmálan­ um, sum journalistar og  onnur programmfólk verða  starvssett eftir í Kringvarpi­ num. Men tó skal tað  standa púra greitt, at felag­ ið undir ongum umstøðum  fer at góðtaka, at nýggjasta  starvssetanin av einum  journalisti, sum er limur í  Føroysk Miðlafólk, á sjón­ varpsredaksjónini á tíð­ indadeildini verður strikað. Føroysk Miðlafólk hava  longu mótmælt uppsøgnun­ um, sum ætlanarskriv eru  send út um, og felagið stend­ ur fult út við sítt mótmæli.  Felagið heldur uppsagnirnar  skaða tað journalistiska  fakið, tí næstan øll tey, ið  ætlanin er at siga úr starvi,  eru beinleiðis tengd at  journalistisku framleiðsluni. Men ætlaðu uppsøgnir­ nar hava als onki við  nýggjastu starvssetanina á  tíðindadeildini at gera, og  tí mótmæla vit harðliga, at  Starvsmannafelagið bland­ ar hesi málini saman og  tilvitað gruggar tey. Úrslit­ ið kann einans verða, at  starvsfólk í Kringvarpinum  á henda verða sett upp  móti hvør øðrum. Føroysk Miðlafólk hava  kannað umstøðurnar og  niðurstøðan er greið: Starvið á sjónvarpsredak­ sjónini, sum varð sett beint  fyri nýggjár við virknaði  frá 1. februar, varð lýst  leyst á heimasíðuni hjá  Kringvarpinum, áðrenn tað  nakrantíð var upp á tal at  siga fólki úr starvi á  stovninum. Starvið varð lýst leyst, tí  ein sera sentralur med­ arbeiðari í november segði  seg úr starvi. Um sjónvarps­ redaksjónin skuldi vera  arbeiðsfør, var tað sera  umráðandi, at nýtt fólk við  hollum journalistiskum  royndum og royndum  innan sjónvarp varð sett í  staðin sum skjótast. Tað er tað, sum er hent. At málið við uppsøgnun­ um so stingur seg upp, stutt  eftir at starvið á sjónvarps­ redaksjónini longu var lýst  leyst, er púra tilvildarligt.  Øll hava havt møguleika at  søkja hetta starvið – eisini  fólk í øðrum størvum í  Kringvarpinum, íroknað  tey, sum hava fingið ætlan­ arskriv um uppsøgn. Hetta málið ella hesi  málini undirstrika bert enn  einaferð, at Starvsmanna­ felagið ikki skilir, hvussu  eitt journalistiskt arbeiðs­ pláss virkar og enn minni,  hvat journalistiska fakið er  – millum annað at fakið og  arbeiðsøkini eru spesiali­ serað, soleiðis at ofta  krevjast serligir førleikar  til serligar uppgávur. Tað er bert náttúrligt, at  Føroysk Miðlafólk, sum er  einasta felag, ið burtur av  virkar fyri journalistiska  fakið, nú fer at herða  strembanina eftir at fáa  sáttmála fyri sínar limir í  Kringvarpi Føroya.  Tískil mæla vit eisini  staðiliga okkara limum í  Kringvarpinum til at tekna  seg úr øðrum fakfeløgnum. Starvsmannafelagið krevur hoyringsskrivini afturtikin Forkvinna Selma ellingSgaard Føroysk Miðlafólk verja sínar limir forkvinna, vegna nevndina í Føroysk Miðlafólk anna V. ellingSgaard Av og á síggja og hoyra vit  um hugtakið ”misskilt  nationalisma." Alt tað, ið danskt er, er  av tí ónda, tá tú ert fongdur  við misskiltari national­ ismu, verður sagt. Hinvegin, so ert tú bæði  heilur og sælur, um tú tek­ ur av øllum, sum danskt er,  og sagt verður, at lands­ stýrið ger tað einasta rætta  við at leggja Bankapakka  II fyri tingið sum skjótast.   Hóast danir í skrivandi  løtu als ikki eru samdir, og  framvegis dystast um,  hvussu teir skulu pakka  Bankapakka II, so siga teir  okkara, sum ongantíð  halda seg misskilja nakað  av nøkrum sum helst, at vit  skulu í sama pakka sum  danir, uttan mun til hvussu  pakkin annars sær út.  Í Onglandi eru royndir­ nar tær, at bankapakkarnir  onga effekt hava. Hóast  bankarnir har hava fingið  stórar innspræningar, so  lata teir kortini lítið og  einki frá sær, hvørki til  privat ella vinnulív. Bank of England sigur, at  ensku bankarnir eru blivnir  enn meiri afturhaldandi í  útlánspolitikki teirra aftan á  fyrsta enska bankapakkan  upp á 4.000 mia. kr. Í Danmark er ivin eisini  stórur millum leik og lærd.  Onkur serfrøðingurin  heldur, at danski staturin  sjálvur eigur at keypa ein  banka, og síðan læna  pening út.   Kanska er tað líka frægt  at eiga ein banka, sum at  eiga nakað í øllum bank­ um, so sum gjørt var við tí  fyrsta bankapakkanum. Eingin trygd er fyri, at  ein nýggjur bankapakki  fær neyðugu ávirkanina, og  royndirnar eru tær somu,  sum í Onglandi. Hildið verður frá dansk­ ari síðu, at donsku polit­ ikararnir ikki hava gjørt  neyðugu kanningarnar, ið  lýsa tørvin á einum  nýggjum bankapakka.  Lagaligi útlánspolitikk­ urin er komin fleiri bankum  afturumaftur, og hildið  verður, at eingin orsøk er  til, at tað almenna skal  tryggja hesi útllán frameftir. Her hjá okkum er polit­ iska støðan enn verri.  Sjálvur løgmaður sigur seg  hava frætt, at ein banka­ pakki er á veg, men at  hann ikki hevur ánisli av,  hvat ið er í hesum pakka,  sum kortini skal leggjast  fyri tingið.  Rímiligt er nú at spyrja,  hvør ið er nú fongdur við  hvørjum?  Í Visjón 2015, komu  strategibólkarnir hjá und­ anfarnu ABC­samgongu til  somu niðurstøðu í 2007,  sum Tjóðveldisflokkurin  kom til í 1948.  Teir søgdu, at “stórstu  forðingarnar í altjóðagerð­ ini eru stjórnarrættarligu  viðurskifti okkara, ið eru  ein avmarking, tá ið tað  ræður um limaskap í  ymiskum millumtjóða  felagsskapum.” Á høgra bredda nakað  niðanfyri miðjuna á síðu  20 taka teir uppaftur:  “Formligu viðurskifti  Føroya við danska ríki eru  stórsta einstaka forðingin  fyri, at Føroyar sum land  kunnu luttaka á jøvum føti  við onnur lond."  Sum skilst, so koma vit  ikki á føtur, um alt tað  potentiali, sum kann geva  føroyska samfelagnum ein  størri búskaparvøkstur,  liggur fjøtrað undir  donskum valdi.  Hetta einvegis og  fjøtrandi sambandið kostar  okkum ov nógv á inn­ tøkusíðuni, og enn eina  ferð verða vit mint á, at vit  eru í lummanum á tí, sum  vit fáa lummapening frá. Fylgja vit teimum  skuldsetandi føroysku  politikarunum, so síggja  vit, at strategibólkarnir hjá  tí almenna mugu vera  bitnir av somu misskiltu  nationalismu, sum full­ veldisfólk eru bitin av. Meðan embætisverkið og  ein partur av politiska  landslagnum heldur, at  lykilin til altjóða menning  liggur í føroyskari luttøku  og sjálvstøðugum føroysk­ um limaskapi á flest møgu­ ligum økjum, so heldur  annar parturin alt vera sára  gott, um bert danir taka  sær av flest øllum føroysk­ um áhugamálum.  Harafturat er tolsemið so  avmarkað, at alskyns  ókvæmisheitið verða heft á  tey, sum vilja virkað eftir  egnum fortreytum. Eitt nú  verða tey kallaði nation­ alistar í negativari merking. Ikki so lítið bendir á, at  tey sum rópa harðast um  misskilta føroyska nation­ alismu, eru meiri fongd av  danskari nationalismu, enn  danir sjálvir eru. Misskilt nationalisma Hergeir nielSen viðmerkingar