mikudagur 19. september 2001síða 10

Nr. 180 - 19. september 2001 19 Einasta, sum er greitt fyri komandi ár, er, at Liktinstein eigur at koma henda vegin A-LANDSLIÐ Jóannes Hansen Leygardagin 6. oktober er síðsti landsdysturin í HM undankappingini á skránni. Tá skulu føroyingar spæla í Ljubljana ímóti Slovnia, sum fyri einum ári síðani bara megnaði 2–2 á Svangaskarði. Talan verður um torføra uppgávu. Í slovensku press- uni eru teir fyri langari tíð síðani farnir at hita upp til dystin. Og tað er ikki so undarligt, tí úrslitið verður avgerandi fyri, um Slovenia framvegis skal hava møgu- leika at sleppa við í HM endaspælið. Fótbóltsheim- urin allur sum hann er, fer at fylgja við stríðnum hjá føroyingum, og serliga í Jugoslavia fara teir at taka á við føroyingum. Um Slo- venia endar omaná ímóti Føroyum, verður vónin hjá Jugoslavia at sleppa upp í part í Japan og Suðurkorea burtur. Óvissan Tá landsliðsspælararnir fara at koma undan brúsuni í slovenska høvuðsstaðnum eiga teir at vita, nær næsti landsdysturin verður á skránni, og teir eiga iva- leyst eisini at vita, hvør verður landsliðsvenjari. Í veruleikanum eigur landsliðið at spæla ein landsdyst afturat í ár. Talan er um dystin í NM kapp- ingini ímóti Noregi. Hann er ikki dagfestur, og tað er lítið sannlíkt, at hann verð- ur spældur: – Vit hava fleiri ferðir spurt okkum fyri hjá norska fótbóltssambandinum, men einki er komið burturúr. Tað er Noreg, sum eigur heimavøllin, og tí halda vit, at bólturin liggur hjá teim- um. Vit hava einki hoyrt frá teimum leingi, og tá NM kappingin verður liðug á nýggjárinum, eru vit so smátt farnir at ganga úr frá, at dysturin er dottin niður fyri. Vit hava í hvussu so er ikki nøkur boð at geva landsliðsspælarunum og venjaranum, og tí mugu vit rokna við, at landsliðsárið verður liðugt, tá landsliðið hevur spælt í Slovenia, sigur Ísak Mikladal, aðal- skrivari í Fótbóltssamband- inum. Tá landsdysturin í Slo- venia er liðugur, er sátt- málaskeiðið hjá FSF og Allani Simonsen lokið. Torleif Sigurðsson, for- maður í FSF, sigur, at spurningurin um Allan Simonsen skal halda fram, ella um landsliðið skal hava ein nýggjan venjara, er ikki avgreiddur enn. Spurning- urin liggur í landsliðs- nevndini. Har er Jens Erik Magnussen formaður. Í løt- uni er hann staddur uttan- lands. Men tað verður roknað við, at spurningurin um framtíðina verður av- greiddur innan tann næsta mánaðin. Jógvan Martin Olsen hevur verið hjálparvenjari hjá Allani Simonsen. Nú er avgjørt, at hann komandi ár skal venja NSÍ. Spurning- urin um samstarvið millum FSF og Jógvan Martin Ol- sen er ikki liðugt við- gjørdur enn. – Jógvan Martin hevur ein starvssáttmála við FSF. Vit skilja væl, at hann hevur hug at royna seg sum venjari í 1. deild. Um hann framvegis skal vera knýttur at Fótbóltssambandinum er ein spurningur, sum NSÍ, venjarin og FSF í løtuni viðgera, sigur Ísak Mikla- dal. Ikki nógv á skránni Tað verður ikki roknað við, at talan verður um nógvar landsdystir fyrra partin av komandi ári. Í vetur fer lutur at verða kastaður um, hvussu europeisku fótbólts- tjóðirnar skulu bólkast í EM undankappingini. Um tað verður, sum tað plagar at vera, so verður skráin løgd eina ferð í januar ella februar. Flestu tjóðirnar plaga ikki at vera áhugaðar í at spæla undankappingar- dystir, fyrrenn endaspælið, sum tey luttaka í, er liðugt. Tað vil siga, at tað er lítið sannlíkt, at undankapp- ingardystir verða á skránni fyrr enn eftir summarfrí- tíðina. Landsliðið plagar at vera á venjingarlegu í Spania eina ferð eftir ársskiftið. Vit hava ikki hoyrt annað, enn at hetta eisini verður so- leiðis komandi ár. Í 2000 var føroyska landsliðið í Liktinstein og spældi venjingardyst. Tann dysturin varð spældur 26. apríl. Tá varð avrátt, at Liktinstein skuldi koma henda vegin í 2001. Enn er ikki avrátt, nær dysturin verður spældur, men Ísak Mikladal heldur, at tað hevði verið hóskandi, at dysturin varð spældur um mánaðarskiftið mai og juni. FSF formaðurin heldur tað vera órógvandi, at so at siga sama manning hevur verið í nevndini í tjúgu ár FSF-BOSSUR Jóannes Hansen Tað var sama kvøldið, sum Russland og Føroyar spældu landsdyst á Tórs- vølli, at FSF formaðurin í Dimmalætting almanna- kunngjørdi tað, sum inntil tá høvdu verið óváttað leysatíðindi. Torleif Sigurðsson segði 5. september, at hann ætl- aði sær frá sum formaður í FSF, og hann vísti sjálvur á 24. oktober, sum er 20 ára dagurin í formanssessinum. Stutt eftir endurtók FSF formaðurin tíðindini í sendingini hjá Norðlýsin- um í Rás 2. Tað vil siga, at komandi mánadag verður tað ein mánaði, inntil Tor- leif Sigurðsson ikki verður FSF bossur longur – um hann framvegis hevur somu ætlan, sum hann hevur sagt seg at hava. Fert tú úr sessinum 24. oktober? – Tað rokni eg ikki við. Eg verði ivaleyst sitandi inntil aðalfundin, sum verður eina ferð eftir árs- skiftið. Hví hevur tú broytt støðu? – Eg veit ikki, um eg havi broytt støðu. Tá eg nevndi 24. oktober, so var tað tí, at henda dagin hevði eg verið í sessinum í 20 ár. Eg helt eisini, at tað kanska var skilabest at fara frá, tá eitt kappingarár var liðugt – bæði heima á landi og í landsliðshøpi. So hevði ein nýggjur formaður staðið fremst í fyrireikingunum til nýggja árið. Men nú verður skiftið at bíða inntil aðal- fundin. Hinir nevndarlim- irnir hava heitt á meg um at bíða inntil tá, og tað eri eg gingin við til. Tú hevur áður tosað um at fara frá, men so hevur tú kortini tikið við afturvali. Verður tað á sama hátt hesa ferð? – Avgjørt ikki. Eg havi gjørt upp við meg sjálvan, at nú er mín tíð í nevnd- ararbeiði innan fótbóltin liðug. At eg havi alment boðað frá hesum, haldi eg hevur havt ta ávirkan, at hinir limirnir í FSF nevnd- ini og vónandi eisini lima- feløgini fara at fyrireika seg, so tað verður greitt, hvør skal taka við. Ofta plagar tað at vera soleiðis, at tá ein formaður sigur seg frá, so er tað púra upplagt, hvør skal taka við. Men Torleif Sigurðsson sigur seg ikki hava nakað boð uppá, hvør skal vera formaður, tá hann hevur lagt frá sær: – Eg vóni, at tann, sum verður valdur, fer at hava góða undirtøku. Tað verður óheppið, um talan verður um kampval millum ser- áhugamál, og at annað valevni verður valt við teprum meiriluta, heldur FSF formaðurin seinastu tjúgu árini. Vandamikið Tá Torleif Sigurðsson boð- aði frá, at hann ætlar at leggja frá sær sum formað- ur í Fótbóltssambandinum, so endurtók hann, at hann helt tað vera sera óheppið fyri Fótbóltssambandið og føroyskan fótbólt, at tað aftur og aftur er talan um afturval, tá nevndin í FSF skal mannast. Hetta er tað sama, sum hann segði á aðalfundinum í fjør: – Eg eri framvegis av hesi áskoðanini. Eg veit ikki, um útskiftingin skal tryggjast í ásetingunum, men undir øllum umstøð- um er tað sera óheppið, at tað ikki kemur nýggjur íblástur í nevndararbeiðið. Eg kenni tað soleiðis, at eg havi ikki meiri at geva í hesum arbeiðnum. Og mínar royndir í altjóða samstarvi eru, at talan er um útskiftingar. Teir flestu sita í eini átta ár ella har á leið, so taka teir seg aftur. Vilt tú harvið hava feløg- ini at vraka teir, sum tú hevur sitið saman við og velja aðrar í staðin? – Feløgini gera sjálvi av, hvønn tey velja í FSF nevndina. Tað, sum eg kvígi fyri, er, at eingi onnur uppskot eru enn endurval. Tá sama nevnd hevrur sitið í eitt heilt ættarlið, so kann tað so skjótt verða, at tað verður neyðugt at skifta alla nevndina út í senn, og so fara nógvar royndir fyri skeytið, sum tað annars hevði verið nátúrligt, at nýggju nevndarlimirnir fingu í arbeiðnum frá teim- um, sum hava sitið longri, heldur Torleif Sigurðsson. Javnt í Lyngby Síðsti dysturin í átt- anda leikumfarinum í superliguni varð spældur í Lyngby mánakvøldið. AGF vitjaði, og úrslitið var 1–1. Heimaliðið hevði bóltin mest, men gestirnir vóru vanda- miklir í mótálopum. AGF kom á odda, tá hálvur tími var spældur, og heima- liðið javnaði, tá tað restaðu átta minuttir. -jh Torleif situr til eftir ársskiftið Torleif Sigurðsson heldur tað vera óheppið, at tað aftur og aftur eru somu umboð, sum verða vald í nevndirnar Noregs dysturin verður helst av ongum Óvist tykist vera, nær A-landslið okkara í fótbólti aftur skal á vøllin, tá dysturin í Slovenia er lagdur aftur um bak 19 18 Nr. 180 - 19. september 2001 C M Y K 18 Semja er fingin í lag millum Esbjerg og NSÍ, og spæli- loyvið nú endaliga latið Esbjerg FLYTING Jákup Mørk Nakað av tvídrátti tók seg upp ímillum NSÍ og danska superligufelagið, Esbjerg, tá tað fyri einum mánaði var greitt, at danska liðið vildi hava Christan Høgna Jacobsen knýtt at sínum leikarahópi. Tvídrátturin stóðst av, at feløgini bæði høvdu hvør sína uppfatan av, hvat eitt rímuligt endur- gjald til NSÍ fyri leikarin skuldi verða, og hetta merkti so aftur, at spæli- loyvið hjá Christian Høgna varð afturhildið. Nú er so ein loysn funnin á málinum, og hóast hon helst kundi verið betri fyri runa- víkingar, so er málið av- greitt. - Soleiðis sum alt út- viklaði seg, so varð talan um eina nøktandi loysn fyri okkum, sigur Hans Petur Ellingsgaard, sum er formaður í leiðslu- bólkinum hjá NSÍ. - Spæliloyvið er sent til Danmarkar, so Christian Høgni er nú Esbjerg spælari, stað- festir formaðurin at enda. Hallur Holm vann fyrsta umfarið av Daewoo Marathon Cup 2001 RENNING tíðindaskriv Leygardagin varð fyrsta umfarið av Daewoo Mara- thon Cup kappingini í renn- ing fyriskipað í Klaksvík. Kappingin hevur fýra um- før, og tann samlaði tein- urin er eitt marathon t.v.s. 42,195 km. Vinnarin av samlaðu kappingini er tann rennarin, ið hevur nýtt stytst tíð samanlagt. Samanumtikið var tiltak- ið væleydnað. Eini 60 lut- takarar vóru til kapp- ingarnar, meginparturin av hesum vóru børn. Umstøð- urnar at renna vóru hampi- liga góðar, hóast nakað av vindi var. Hallur vann Hjá monnunum vann Hall- ur Holm á Daewoo Mara- thon Cup meistaranum í fjør Guttormi Sørensen. Teir báðir fylgdust megin- partin av teimum 5 kilo- metrunum, men tá teir fyri triðju ferð fóru niðan eina brætta brekku, mátti Gutti lúta. Kappingin um triðja plássi stóð millum Cecil Weihe og Sigurð Justinus- sen. Sigurð dróg longra stráðið hesuferð. Tilsaman 10 menn luttóku í fyrsta umfarinum av kappingini og hava tí møguleika at renna tann fulla teinin. Spennandi verður at síggja, hvussu leikur fer næsta vikuskifti, tá næsta umfar av Daewoo Mara- thon Cup verður runnið í Havn. Tá skulu tey vaksnu renna eitt hálvmarathon. Tey yngru Kapping var eisini fyri børn leygardagin. Tey runnu 870 m. Hjá børnum undir skúlaaldur vunnu ávikavist Lisa Joensen og John Viljam Johannesen. John Viljam legði so mikið fyri, at hann misti skógvin á vegnum. Hann tók sær ikki tíð at seta hann á aftur, men rann teir seinatu 200 metrarnar við bert einum skógvi. Tey størru børnini kapp- aðust í tveimum aldurs- bólkum. Henda kappingin var eisini tann fyrsta av fýra. Hini umførini verða komandi tríggjar leygar- dagarnar í samband við kappingarnar hjá teimum vaksnu. Tann samlaði tein- urin hjá størru børnunum er eitt sonevnt minimarathon, ið er ein tíggjundapartur av einum marathon t.v.s. 4,2 km. Í bólkinum 1.-3. flokk vunnu Vilbjørg Johannesen og Ivan Joensen. Í bólk- inum 4.-6. flokk vunnu Karina Hansen og Álvur F. Christiansen. Øll úrslitini síggjast aðra staðni á síðuni. Sum nevnt verður næsta umfar av Daewoo Mara- thon Cup í Havn leygar- dagin 22. september. Tey vaksnu renna tá eitt hálv- marathon, 21,1 km. Børn undir skúlaaldur renna 500 m, og børn 1.-3. flokk og 4.-6. flokk renna 1000 m. Fyrireikararnir leggja dent á, at øll eru vælkomin at luttaka, hóast tey ikki eru við í samlaðu Daewoo Marathon Cup kappingini. Annars sær skráin leyg- ardagin soleiðis út: 12.30 Tilmelding á Bursa- tanga 13.00 Startur Hálvmarat- hon kvinnur og menn 13.20 Børn undir skúla- aldur renna 500 m 13.40 Børn 1.-3. flokk renna 1000 m 13.50 Børn 4.-6. flokk renna 1000 m 14.00 Fyrstu trý børnini í hvørjum bólki hjá gentum og dreingjum fáa heiðurs- merki. Menn Nr.Tíð Navn Umboðar árg. 1 16.52 Hallur Holm Bragdið 67 2 17.16 Guttorm Sørensen Treysti 68 3 18.16 Sigurð Justinussen Bragdið 67 4 18.24 Cecil Weihe Bragdið 65 5 18.51 Sølvi R. Hansen Roysnið 70 6 19.08 Bogi Joensen Treysti 73 7 19.37 Jonhard Larsen Treysti 66 8 19.47 Niels Jákup Jakobsen Bragdið 63 9 21.01 Flemming Petersen Roysnið 60 10 22.53 Regin Jóanesarson Vestmanna 45 Gentur undir skúlaaldur Nr.Tíð Navn Umboðar aldur 1 5.34 Lisa Joensen Klaksvík 4 2 5.40 Valborg Vang Klaksvík 5 3 5.50 Jansy Jacobsen Treysti 3 4 7.19 Marianna G. Eystberg Klaksvík 3 5 7.51 Tóra Isaksen Klaksvík 3 Dreingir undir skúlaaldur Nr.Tíð Navn Umboðar aldur 1 4.26 John Viljam Johannesen Treysti 6 2 4.29 Páll R. Weihe Bragdið 5 3 4.29 Tórur Justesen Klaksvík 6 4 5.07 Fríði Sigurðsson Klaksvík 6 5 5.10 Alvi Mikkelsen Klaksvík 5 6 5.31 Beinir Johannesen Treysti 4 7 5.55 Steingrímur Hallson Bragdið 4 8 6.12 Hjørtur Ellingsgaard Tórshavn 5 9 6.21 Osvald á Marknagili Klaksvík 4 10 6.32 Jósvein Joensen Klaksvík 5 Gentur 1.-3. Flokk Nr.Tíð Navn Umboðar aldur 1 3.51 Vilbjørg Johannesen Treysti 9 2 3.59 Jórun Klakstein Klaksvík 8 3 4.07 Louisa Østerø Klaksvík 8 4 4.11 Jónvør Christiansen Klaksvík 7 5 4.28 Elsebeth Danielsen Klaksvík 7 6 4.32 Guðrið Eystberg Klaksvík 6 7 4.35 Gunnrið Fríða Joensen Klaksvík 6 8 4.42 Monika Joensen Klaksvík 8 9 4.44 Erla Vang Klaksvík 9 10 4.45 Bergfríð Joensen Klaksvík 6 11 4.48 Elsa Krosstein Klaksvík 8 12 4.57 Ebba Isaksen Klaksvík 7 13 4.58 Monika Biskopstø Klaksvík 6 14 5.26 Hanna Sigurðsson Klaksvík 7 15 5.29 Sólrun Larsen Klaksvík 6 Dreingir 1.-3. Flokk Nr.Tíð Navn Umboðar aldur 1 3.32 Ivan Joensen Klaksvík 9 2 3.37 Sigmund Olsen Hvannasund 9 3 3.48 Teitur Hansen Treysti 9 4 3.52 Aksel Dalsgaard Klaksvík 8 5 3.52 Gunnar Christiansen Klaksvík 9 6 4.16 Ragnar Danielsen Klaksvík 9 7 4.34 Agnar Frederiksen Klaksvík 8 8 4.46 Ásbjørn Vang Klaksvík 7 9 5.13 Marno Guðjonsson Klaksvík 9 10 5.38 Jóhan Jacobsen Hvannasund 9 Gentur 4.-6 flokk Nr.Tíð Navn Umboðar aldur 1 3.34 Karina Hansen Treysti 12 2 3.43 Christa Weihe Bragdið 10 3 4.27 Karla Isaksen Klaksvík 10 Dreingir 4.-6. Flokk Nr.Tíð Navn Umboðar aldur 1 3.02 Álvur F. Christiansen Norðdepli 12 2 3.14 Hjalti Heðinsson Klaksvík 11 3 3.16 Jan Elmar Sørensen Treysti 9 4 3.26 Bogi Jacobsen Treysti 9 5 3.37 Tummas Jstinussen Bragdið 11 6 4.03 Emil Biskopstø Klaksvík 10 7 4.12 Olvheðin Jacobsen Hvannasund 11 Christian Høgni avgreiddur Christian Høgni Jacobsen kann nú veruliga fara undir royndirnar at vinna sær pláss á liðnum hjá Esbjerg Daewoo Marathon Cup 2001 Hallur Holm vann fyrsta umfarið í Daewoo-renningini í ár, og fyribils hevur hann sostatt lagt seg á odda