mánadagur 19. januar 2009síða 14

The Dreams fyrstu ferð við Múrin Nógv eru tey ið hava forvitnast eftir, nær teir vælumtóktu dreingirnir í bólkinum The Dreams aftur skula framføra í Føroyum. Í samrøðu við Planet sigur Hans Edward, at fyrstu ferð teir trína á føroyskan pall í 2009 verður á Festivalinum við Múrin. Ikki er tað ókent at The Dreams skulu framføra við Múrin, men tos hevur verið um at The Dreams møguliga leitað sær til Føroya at framføra áðrenn hetta. Hesum avsannar Hans Edward, sum samstundis sigur seg síggja fram til at enn einaferð spæla fyri okkum føroyingum. Kulur DJ’ari í Rex Leygarkvøldið var eitt sera væl eydna DJ show í Rex við Martin Kjærbo. Planet var á staðnum. Fáir DJ’arir kunnu sigast at spæla tónleik ið nærum øll kunnu fáa ágóðan av, men soleiðis var ikki leygarkvøldið. DJ Martin Kjærbo megnaði til fulnar at halda huglagnum hjá teimum vitjandi uppi , og sjáldan var ein keðilig løta. Tónleikurin var fjølbroyttur, tó vóru tey spældi løgini í flestum førum løg, ið fólk flest kennast við. Hóast løgini í so máta ikki vóru av tí nýggjasta slagnum, so vóru løgini so mikið fjølbroytt umframt vælkend, at tey ikki gjørdist óáhugaverd. Alt í alt eitt sera væl eydna kvøld, og DJ Martin er eftir øllum at døma ein DJ’ari, ið megnar at undirhalda einum sera fjølbroyttum skara av fólkið. Margarinfabrikkin er fari undir eitt nýtt átak undir heitinum “Street Team”. Endamálið er at virka fyribyrgj­andi og at geva ungdóm­ inum nýggj­ar møgu­ leikar. Margarinfabrikkin hevur seinastu árini verið karmur um nógv ungdómstiltøk, og nú hava fólkini handan Margarinfabrikkina víðka um virksemi sítt. Sambært stigtakarunum hevur tørvur verið á einum savningarstaði í viku­ skiftunum hjá ungum ímill­ um 12 og 16 ár. Hesi ungu hava einki at takast við um í vikuskiftunum, og tískil hevur Margarinfabrikkin nú nýggj tilboð at bjóða teimum. Fara út til ungdómin Høvuðstátturin í nýggja átakinum er, at tvey umboð frá Margarinfabrikkini ganga runt í miðbýnum í Havn og finna fram til hvar ungdómurin heldur til. Síðani verða tey ungu boð­ in í Margarinfabrikkina, har ymiskt undirhald er á skrán­ ni. Soleiðis virkar “Street Team” fyri at taka tey ungu av gøtunum, og geva teimum okkurt at takast við í vikuskiftunum. Sum dømi kann nevnast at ymsar tónleika framførslur hava verið í hesum sambandið, og tey ungu hava sambært stigtakarunum tikið væl ímóti hesum. ­ Talið av ungum vitjandi er tvífalda, síðan vit byrjaðu at hava opið um vikuskifti, sigur Bogi Andreasen við Sosialin. Starvsfólkini virka sum ráðgevar Bogi Andreasen og Salua Manai, stigtakararnar handan “Street Team” siga, at teirra leiklutur er sera ymiskur frá persóni til persón. Nógv av teimum ungu ið leita sær oman í Margarinfabrikkina um vikuskiftini, hava stóran tørv á at hava onkran at tosað við. Spurningar verða settur um kynslív og kærleika, umframt at tey ynskja ráð um mangt og hvat. Bogi Andreasen sigur, at tey ungu eru sera opin fyri starvsfólkunum, og at tey eftir øllum at døma taka ráðini frá starvsfólkunum til eftirtektar. Vilj­a hava størri ábyrgd “Street Team” og Margarin­ fabrikkin hoyra undir barna­ og ungdómsdeildina hjá Tórshavnar Kommunu, og fáa tey játta stuðul til millum annað átakið “Street Team”. Stigtakar­ arnar hava ætlanir um at víðka um átakið, og fram­ tíðarætlanirnar eru stórar. ­ Vit vilja spesialisera okkum innan ein ávísan aldursbólk, sigur Bogi Andreassen. Um “Street Team” kann fáa ábyrgdina frá Tórs­ havnar Kommunu at varða av aldursbólkinum 12­16 ár, kann virksemi víðkast, soleiðis at hesin aldurs­ bólkur kann fáa tað neyð­ ugu umsorganina. ­ Vit kunnu fara út í skúlarnar og ferðast runt alla Tórshavnar Kommunu, soleiðis at vit kunnu røkka út til so nógv í hesum aldur­ sbólki sum møguligt, sigur Bogi Andreassen. Saman við SSP sam­ skipanini vil “Street Team” virka fyribyrgjandi, og fan­ ga trupulleikarnar áðrenn teir gerast ov stórir. ­ Vit hava ikki fatan av at ungdómurin er á skeivari kós tá talan er um rúsevnir, men vit vilja saman við SSP samskipanini virka fyribyrgjandi, so hetta ikki kann gerast ein trupulleiki seinni, sigur Bogi Andreas­ sen í samrøðu við Sosialin. “Street Team” hjálpir ungdóminum