mánadagur 19. januar 2009síða 22

[ Nr. 12 - 19. januar 2009 ] Við Nemanja Vidic á toppinum hevur Manchester United hildið málið reint í 10 dystir á rað. Ikki minst takkað verið stórspæli frá Nemanja Vidic Fótbóltur Jákup Mørk jakup@sosialurin.fo Verjan hjá Manchester Uni­ ted hevur ikki verið í besta standi seinastu tíðina. Rio Ferdinand hevur verið skaddur, Patrice Evra hevði fýra daga leikbann, so fyri­ treytirnar vóru ikki tær bestu, nú meistararnir skuldu brúka strævnu jóla­ skránna til at toga seg nærri Liverpool og Chelsea. Ikki minst, tá havt verður í huga, at Manchester United als ikki hevur havt somu ferð á málskjótingini hetta kapp­ ingarárið, sum teir høvdu tað seinasta kappingarár. Verjuskansin Sæð burtur frá 5­0 sigrinum móti Stoke í november og 3­0 móti Chelsea, tá nýggja árið varð skotið inn, hava málini frá Ronaldo, Rooney, Berbatov og hinum heldur ikki verið tey heilt nógvu. Men í samfullar 10 dystir hevur Manchester United hildið málið gullreint, og tað bar við sær, at teir leyg­ ardagin kundu staðfesta, at teir nú aftur eru fremsta liðið í OnglandiOg garant­ urin fyri hesum hevur verið serbiski verjuskansin hjá liðnum. Nemanja Vidic er kanska ikki tann spælarin, sum finnur leiðina fram til yvir­ skriftirnar á sama hátt, sum stjørnukendu liðfelagar hansara í álopspartinum gera tað. Mest av øllum er hann kendur fyri kompro­ mis­leysa spælistílin, har hann ekkaleysur tveitir seg í allar nærdystir. Til tíðir enntá somikið harðliga, at hann eins og Chuck Norris hevur fingið sína heilt egnu skemt­genru á netinum. Og hóast fjølmiðlarnir heldur nýta orkuna til at hyggja eftir frítíðarítrivun­ um hjá celebru liðfeløgun­ um, so er Sir Alex Ferguson ivaleysur, tá hann hevur givið síni skoðsmál um góðu úrslitini hjá liðnum seinastu tíðina. ­ Vit eru sjálvandi í einum felag, har áhugin altíð snýr seg um stjørnurnar. Men eg plagdi altíð at siga um Dennis Irwin, at á einum skala til 10 fingu vit altíð eitt átta­ ella níggjutal frá honum. Men tað var ongan tíð hann, sum stóð á bredd­ anum, tá rósurnar komu í miðlunum, sigur Alex Fergu­ son. ­ Vit vistu tó altíð, hvussu stórt virði hann hevði, og tað er tað sama við Vidic. Hann hevur verið heilt fan­ tastiskur hjá okkum, sigur venjarin. Og so telur tað helst ikki skeiva vegin, at Vidic eisini er ein sera vandamikil harri, tá hann leitar sær fram í brotsteigin hjá mótstøðu­ liðunum. Soleiðis var leiðslumálið, sum hann stút­ aði inn í 3­0 sigrinum móti Chelsea, hansara triðja mál hetta kappingarárið. Trupul byrjan Sjálvur hevur Sir Alex Ferguson ongan tíð verið í iva, síðani hann jóladag í 2005 legði 70 milliónir krónur á borðið hjá Spartak Moskva fyri at fáa fatur á Vidic. Fyrstu dystirnar ivaðust fleiri tó í, um talan var um rætta mannin at styrkja um verjuna hjá stórfelagnum. ­ Tíðin var ikki akkurát tann rætta hjá honum. Tá hann kom til okkara, hevði hann ikki spælt nakran dyst í ein mánað, og samstundis skuldi hann venja seg við ein nýggjan spælistíl. Men eg visti alla tíðina, at hann fór at menna seg til ein sera týðandi spælara hjá okkum, sigur Ferguson. Og so kundi skotin annars frøast leygarkvøldið, tá Manchester United aftur hevði sett seg á toppin í deildini. Í øllum førum fram til í kvøld, tá Liverpool hevur møguleikin at ota seg upp á oddasessin, sum teir hava sitið á seinastu nógvu vikurnar. ­ Tað er sjálvandi tað, sum tað snýr seg um. Eg veit ikki, um tú kanst siga, at vit vunnu okkum nakran sálarligan fyrimun við sigri­ num í dag. Men tað stutt­ ligasta plássið at vera á er á toppinum. Og so er tað ikki so týdningarmikið, um tað er eftir fyrsta ella tjúgunda umfarið, segði venjarin hjá Manchester United. Nemanja Vidic Føddur 21. Oktober 1981 í Uzice (Serbia & Montenegro) 185 sentimetrar 84 kilo 2000-2004 Red Star (68 dystir/12 mál) 2000-2001 Spartak Moskva (læntur) (27/6) 2004-2006 Spartak Moskva (39/4) 2006- Manchester United (88/7) 2002- Serbia (36/2) »When Nemanja Vidic does a pushup, he isn’t lifting himself up, he?s pushing the Earth down« »If you beat a team containing Nemanja Vidic in Pro Evo it will cause your PS2 to blow up« »Nemanja Vidic once ate an entire bottle of sleeping pills. It made him blink« »Nemanja Vidic played Russian Roulette with a fully loaded gun and won« »Nemanja Vidic died ten years ago, but the Grim Reaper can’t get up the courage to tell him« »Nemanja Vidic doesn’t mark players, he permanently stamps them« »Nemanja Vidic once turned up for training late ­ Fergie fined the rest of the team for being early« »Nemanja Vidic doesn’t head the ball away, the ball heads the other way« »The “big bang” was a Nemanja Vidic tackle« Fakta um nummar 15 Skemt um Vidic Serbiski skansin hjá Fergie Umframt at vera ein krútsterkur verjuspælari, er Vidic eisini vandamikil við deyðbóltsstøðum. Her fegnast hann um sigursmálið, sum hann skoraði beint undan dystarloki, tá Manchester United í desember vann 1-0 á Sunderland Mynd: Polfoto/AP Tey 10 nullini 15.11 Manchester Utd-Stoke 5-0 22.11 Aston Villa- Manchester Utd 0-0 30.11 Manchester City- Manchester Utd 0-1 06.12 Manchester Utd-Sunderland 1-0 13.12 Tottenham- Manchester Utd 0-0 26.12 Stoke- Manchester Utd 0-1 29.12 Manchester Utd-Middlesbrough 1-0 11.01 Manchester Utd-Chelsea 3-0 14.01 Manchester Utd-Wigan 1-0 17.01 Bolton- Manchester Utd 0-1 Fowler á veg til Australia 33 ár gamli álopsveteranurin Robbie Fowler fer nú møguliga til Australia at spæla. Fowler hevur seinast spælt fyri Blackburn, men nýggi venjarin Sam Allerdyce hevur boðað frá, at hann ætlar sær ikki at brúka Fowler. Nú hevur North Queensland boðað frá sínum áhuga fyri Fowler, og venjarin í felagnum hevur góðar vónir um, at tað fer at eydnast lokka Fowler til Australia at spæla. Robbie Fowler er serliga kendur fyri síni avrik í Liverpool, har hann skoraði 183 mál í 369 dystum. La Galaxy lokkar Del Piero Tað kom óvart á tey flestu, tá ið amerikanska felagið LA Galaxy keypti David Beckham úr Real Madrid, men nú ætlar felagið at draga enn eina superstjørnu tvørtur um Atlantshavið. LA Galaxy er sinnað at gjalda 300 milliónir krónur fyri Alessandro Del Piero, sum spælir fyri Juvenstus, men tað verður ikki roknað við,a t Del Piero tekur av. Hann miðjar eftir at spæla við í HM í 2010. 22