mikudagur 21. januar 2009síða 28

28 [ Nr. 14 - 21. januar 2009 ] United í Liga Cup finaluni Derby stríddist manniliga, men tað var ikki nóg mikið Fótbóltur Heri Simonsen heris@sosialurin.fo Manchester United vann seinnu hálvfinaluna í Liga Cup kappingini 4- 2. Derby vann fyrra dyst- in 1-0, og gjørdist tí talan um ein samlaðan 4-3 sig- ur til Manchester United. Støðan í hálvleikinum var 3-0 til Manchester United, sum skoraði trý mál innan 18 minuttir. Nani, John O´Shea og Carlos Tevez syrgdu fyri tryggu leiðsluni. Í 2. hálvleiki kom spenningur aftur í dystin. Paul Green var feldur í brotsteiginum hjá United, og dómarin var ivaleysur og dømdi brotsspark til Derby. Giles Barnes setti brotssparkið í netið, og Derby hevði aftur ein møguleika í eygsjón. Tað sá út til, at Christiano Ronaldo drap spenningin tá hann økti til 4-1 við einum brotssparki. Men Derby gav ikki upp. Giles Barnes skeyt eitt fríspark hegnisliga í net- ið, og spenningur kom aftur í dystin. Fleiri mál komu ikki, og Manchester United skal enn einaferð til Wembley. Alex Fergu- son valdi at geva fleiri eykamonnum møguleik- an, og sigast má, at teir tóku av møguleikanum við at spæla Manchester United í finaluna. Tottenham er næstan har Í annaðkvøld tekur Burn- ley ímóti Tottenham í hinari hálvfinaluni. Tott- enham førir 4-1 frá fyrru hálvfinaluni, og krevur tað eitt stórt undur, um Burnley skal vinna seg í finaluni. Øll tekin eru um, at finalan verður ein klassikari millum Totten- ham og Manchester Uni- ted. Fótbóltssambandið tykist hava gjørt sítt fótarbeiði til lítar. Teir tríggir, sum nú kandidera til landsliðsvenjara­ sessin, hava allir framúr kvalifika­ tiónir, og allir tríggir passa teir beint til vangamyndina, sum er teknað av FSF Fótbóltur Jákup Mørk jakup@sosialurin.fo Í morgin hevur starvsnevnd- in hjá FSF fund. Á skránni er eittans mál – setanin av landsliðsvenjara. Ella rætt- ari, so skal starvsnevndin á hesum fundi taka støðu til, hvønn av teimum seinastu trimum kandidatunum far- ast skal eftir. Sambært FSF-forsetan- um, Høgna í Stórustovu, vóru upprunaliga eini 20 nøvn á listanum, men eftir standa nú trý nøvn, sum øll so ella so hóska til vanga- myndina, sum starvsnevndin hevur teknað av komandi venjaranum. Ein vanga- mynd, sum staðfestir, at tal- an skal verða um ein venj- ara, sum ikki bara skal røkka settum málum við A- landsliðnum, men sum eis- ini skal virka til at menna samlaða føroyska landsliðs- konseptið, og sum heldur enn gjarna eisini skal virka til menning av føroyskum fótbólti í breiðum felags- høpi. Nøvnini Fyri tveimum vikum síðani staðfesti Høgni í Stórustovu, at teir tríggir, sum vóru eftir á listanum, komu úr trimum ymsum londum. Setningurin var tá komin somikið langt, at Fótbólts- sambandið var í ferð við at kanna endaliga, um allir hesir tríggir vóru sinnaðir at koma til ítøkiligar sam- ráðingar. Tað vóru teir, og fyri góð- ari viku síðani kundi for- setin staðfesta, at nýggi landsliðsvenjarin verður antin norðurlendingur ella breti. Undan hesum hevði Fót- bóltssambandið longu verið eitt legg í Íslandi, men tíðar- faktorurin og eitt her-og-nú tilboð til Guðjón Tórdarson bar við sær, at hesin í ótíð varð strikaður sum kandida- tur. Heilt slept íslendska møguleikanum hevði FSF tó ikki. Sambandið millum FSF og íslenska pendantin, KSÍ, hevur altíð verið gott, og í íslendska venjara- toyminum hava føroyingar funnið serbiska Luka Kostic, sum tó hevur ís- lendskt pass. Næsta norðulendska navn- ið er ikki óvæntað danskt. Í eini tíð hevur tað ljóðað fyri vist, at fyrrverandi hjálparvenjarin og U21- landsliðsvenjarin hjá Dan- mark, Flemming Serritslev er ein av kandidatunum. Skjótt 62 ára gamli Serrits- lev hevur sera drúgvar royndir sum venjari, og umvegis venjaraútbúgving- ina hjá DBU hevur hann eisini áður verið í samband við FSF. Bretska navnið á listanum kemur úr Skotlandi. Sam- bært skotskum tíðindamonn- um, sum vit hava verið í sambandi við, eru longu nakrar vikur síðani, at FSF formliga var í sambandi við ein kandidat.Og í fleiri mátar er Colin Calderwood kanska mest spennandi navnið á stutta listanum. Longu 21 ára gamal var hann liðskipari hjá Swin- don, sum hann var við til at spæla úr fjórðbestu upp í bestu ensku deildina. Ein av venjarum hansara her var argentinski Osvaldo Ardiles, og hesin keypti Calderwood við sær, tá hann gjørdist venjari í Tott- enham. Og á skotska lands- liðnum gjørdist talan eisini um 37 landsdystir – harav ein var ein 1-1 javnleikur á Svangaskarði. Umframt Ardiles hevur Calderwood eisini arbeitt saman við Glenn Hoddle, og tá hann gjørdi av at seta gaggurnar á hillina, gjørdist hann alt fyri eitt venjari hjá eyka- liðnum hjá Tottenham, sum støðugt hevði samband við hann, hóast seinastu aktivu árini vórðu spæld í øðrum feløgum. Nakað sum mill- um annað bar við sær, at hann í tveimum umførum hevði ein blaðungan Jón Róa Jacobsen til royndar- venjingar. Hóska til profilin Felags fyri teir tríggjar er, at teir allir hóska til vanga- myndina, sum starvsnevndin hjá FSF hevði teknað av ein- um komandi landsliðsvenj- ara. Luka Kostic hevur í fleiri ár verið partur av venjara- toyminum kring íslendsku U-landsliðini. Umframt venjaraútbúgvingina hevur hann eisini nomið sær vitan innan føðslu og heilsu, eins og hann hevur leiðaraprógv frá íslendska handilshá- skúlanum. Flemming Serritslev er við eini fortíð í Vejle partur av kanska fremsta danska fótbóltsskúlanum. Hann er í toppinum av danska venj- arahierarki’num, og av før- oysku starvsfeløgunum verður hann heilt víst mett- ur sum ein maður, sum kann koma við hollari veg- leiðing og stuðuli til saml- aða føroyska venjaratoym- ið. Calderwood hevur kanska ikki somu royndir við yngru landsliðunum, men á altjóða pallinum er hann meira enn hinir profilurin, sum kann vekja ans. Sum fyrrverandi profilur í fremstu ensku røð- ini vekir hann eina náttúrliga virðing millum spælararnar. Og so skal altso leggjast afturat, at royndirnar ikki eru heilt ongar, hóast alt. Í Tottenham hevur hann stað- ið í læru í einum av mest virdu ensku fótbóltsskúl- unum, har hann eisini hevur staðið við ábyrgd av spæl- aramenningini. Í North- hampton Town og Notting- ham hevur hann hóast fáar midlar vunnið uppflyting. Og við monnum sum Lou Macari, Osvaldo Ardiles, Craig Brown, George Gra- ham, Gerry Francis og Glenn Hoddle sum læru- meistarunum er tað ikki íblásturin, sum restar. Vit hava roynt at fingið viðmerkingar frá FSF, men Høgni í Stórustovu, forseti, og Ísak Mikladal, aðal- skrivari, siga seg onga við- merking hava til venjara- setanina. SAMBAND jákup Mørk jAkup@SoSiAluriN.fo tlf. 341800 ítróttur – Helst er talan um mest týðandi valið, síðani avgerðin um at fara á altjóða pallin varð tikin í 1990 Jákup Mørk, Sosialurin Tríggir sterkir kandidatar Luka Kostic, Flemming Serritslev ella Colin Calderwood. Í morgin verður ein teirra høvuðsmálið hjá FSF, sum ætlandi skal almannakunngera nýggjan landsliðsvenjara um mánaðarskiftið