fríggjadagur 23. januar 2009síða 13

Nr. 16 - 23. januar 2009 13 Ein íløga til heilsubót - ein lívsjáttandi íløga til kvinn- ur og teirra avvarandi   Løgtingið játtaði undan jól­ um 1 mio. kr. til kopp­ seting móti lívmóðurháls­ krabba. Peningurin røkkur  til at koppseta gentur í ein­ um árgangi. Tilmælið frá  danska heilsustýrinum var  at koppseta gentur føddar  frá 1993 til 1996, tvs. 3  árgangir. Sum skilst er tilmælið  grundað á, at gentur sum  eru eldri helst hava verið  kynsliga aktivar, og at kopp­ setingin tí væntandi ikki hev­ ur fullan virknað fyri tær. Føroyskir myndugleikar  hava boðað frá, at vit eiga at  taka danska tilmælið til eftir­ tektar, sum játtanin á fíggj­ arlógini tó ikki røkkur til. Ivin gentunum til góða Støðan er tí ikki virðilig.  Koppingarevnið móti lív­ móðurhálskrabba er prógv­ að at vera fyribyrgjandi. Í  sjálvum sær er tað ein sól­ skynssøga, at heilivágur  finst, sum kann forða sjúk­ uni. Tí er tað sjálvsagt, at  løgtingið játtar neyðugu  upphæddina, sum skal til   fyri at fyribyrgja hesi  herviligu sjúku.  Løgtingið eigur tó at fara  longur enn danska tilmæl­ ið, so allar gentur undir  myndugleikaaldur og niður  til 12 ár kunnu koppsetast í  fyrsta umfari.  Tí eigur landsstýrið bein­ anvegin at biðja um tær  uml. 5 mio. kr, sum hetta  kostar eyka.  Tilmælið frá danska  heilsustýrinum um bert at  koppseta 3 árgangir og  síðani frá 1. januar 2009 og  frameftir allar 12 ára gaml­ ar gentur, eiga vit tí bert at  nýta sum vegleiðandi.  Eingin vissa er fyri, at  føroyskar gentur í atburði  kunnu javnberast við sínar  medsystrar í Danmark.  Harafturat eigur møguligur  kynsligur aktivitetur ikki at  gera, at vit skilja gentur frá  16 til 18 ár burturúr, tá tað  er staðfest, at virknaðurin  av koppingarevninum ikki  er so nógv minni fyri henda  bólk, at man skal lata vera  við at koppseta tær. Ivin  eigur tí avgjørt at koma  hesum gentum til góða. Lívsjáttandi Tær 5 mio kr, sum heildar­ koppsetingin kostar eyka  er eingangsíløga í framtíð­ ina, sum fer at vinna seg  fleirfalt aftur í rakstrar­ sparingum. 18 kvinnur árliga fáa stað­ fest hetta krabbamein. Verða  5 árgangir koppsettir fleiri  enn ætlað, er talan um ikki  færri enn 80 kvinnur, sum  seinni í lívinum kunnu verða  spardar fyri krabbamein. Og  tað eru tøl, sum tala.  So her hevur løgtingið  møguleika fyri at gera  nakað veruliga gott og  lívsjáttandi fyri kvinnurnar  og teirra avvarandi.  Tí er tilmælið, at lands­ stýrið skjótast biður løg­ tingið um neyðugu upp­ hæddina. Undirritaði hevur  heitt á landsstýrismannin  um at tryggja politiska  undirtøku og fáa framt  víðkaðu koppsetingar­ ætlanina í verki. Koppseting móti krabbameini løgtingsmaður Bjarni Djurholm Nú í longri tíð hevur man  sæð og hoyrt í skrivaðu og  teimum luftbornu fjøl­ miðlunum um eitt mál um  at valsvik skal verða framt  í Kvívík. Undirritaði og onnur eru  hongd út alment, og svert­ aði til í einum ákæruriti, ið  er sent innlendismálaráðn­ um. Tá ið eg fekk at vita,  hvør ið hevði skrivað  ákæruritið fyri Soffi, tók  eg tað meira róligt. Málið  er nú avgreitt og sjálvandi  var einki hald í skuldseting­ unum, einki lógarbrot so  sum KRF vildi vera við,  men eftir stendur at verða  reinsaður fyri útspillingina,  og har er tað lættast fyri  Soffi Egholm at koma í  fjølmiðlarnar at biðja um  umbering og tað treyta­ leyst. Ger hon tað, er málið  úti av verðini fyri meg. Søgan er í stuttum, at  Soffi Egholm ringdi til  mín og spurdi, um eg var  áhugaður at stilla upp og  nevndi nøkur nøvn, har  bert ein var úr Kvívík. Tað  gjørdi, at eg morgunin eftir  metti, at A­listin burdi hild­ ið á fram (sjálvur havi eg  verið uppstillaður og vald­ ur tvær ferðir, og stillari nú  fyri aðru ferð á hesum  góða lista). Setti meg síðan  í samband við tey 4, ið  vóru vald fyri fýra árum  síðani, á hesum sama lista,  og játtaði bert Jón Thomas­ sen at halda á fram. Her er  vert at nevna, at Soffi  Egholm ikki hevði spurt  nakran av teimum 4. Kl. 10  hendan sama morgun hevði  eg ringt til eini 12­14 fólk  og fingið 6 av teimum at  játtað at stilla upp. Og nú byrjar sirkussið Kl 10 ringir Soffi Egholm  og er ikki mjúk at strúka;  hvat hon segði, skal eg ikki  endurgeva her, men samd  vóru vit ikki, tá samtalan  var liðug. Síðani hendi ikki  tað stóra tann dagin fyrr  enn kl. 14. Tá ringir Soffi  Egholm aftur, ella rættari,  tá taki eg telefonini aftan á  at hon hevur ringt fleiri  ferð. Nú var vent í holuni,  hon var líka sum komin  niður aftur á jørðina og  kærdi sína neyð yvir fyri  mær, at nú var næstan  eingin eftir á hennara lista  og bað um at sleppa sjálv  triðja uppá, ella sum hon  málbar seg: "Kunnu vit  sleppa upp á tín lista,  Heini?" Hon nevndi síðani  seg sjálva, Reidun Magnus­ sen og Magnus Svartham­ ar. Eg játtaði beinanvegin  og segði, at tað var í fín­ asta lagi. Eg nevndi síðani  tey 6 valevnini, ið eg hevði  fingið og segði, at so verð­ ur bert ein listi. (Tá var  Óla Hans ikki á listanum.)   Eftir hetta, ringdi eg til  Hjalmar Ingebrightsen og  bað hann skaffa eitt val­ evni á Válinum, tí av teim­ um 9 fólkunum var eingin  av Válinum, og fekk hann  Óla Hans Olsen at stilla  upp. Nú skuldi verið lið­ ugt. Ikki visti eg, at hon sat  og skrivaði øll nøvnini inn  á teldu og at hon skrivaði  eitt navn aftrat, ið eg ikki  var vitandi um. Síðani  printaði hon listan út og  kallaði hann fyri sín lista  A. (Tað er annars upp til  valstýrið at gera av, hvønn  bókstav listarnir fáa!)  Ætlanin var, at tá eg kom  norður frá arbeiði, skuldu  Anni og eg skriva listan og  skaffa stillarar. T. v. s. eg  havi ikki biðið Soffi um  nakað sum helst!!! Tá eg  kom norður til Kvívíkar,  hitti eg Anni Isaksen, og  vísti hon mær eitt avrit av  tí listanum, sum Soffi  hevði skrivað. Eg ringdi so  til Soffi kl. 16.45 og minti  hana á avtaluna og gjørdi  henni púra greitt, at val­ evnið, ið hon hevði sett á  listan undir ongum umstøð­ um bleiv góðtikið av mær  sum stillara og høvuðs­ manni aftan fyri listan. Eg  havi einki ímóti persónin­ um, men kommunalpolit­ iskt standa vit langt frá  hvørjum ørðum. Kl. 17.25 tosaði eg aftur  við Soffi og gav henni  greið boð um, at tey trý  valevnini, ið hon fyrr um  dagin hevði nevnt fyri  mær, vóru vælkomin á  listan. Men vildu tey hava  tað fjórða valevnið við, so  stillaðu tey upp á teirra  egna lista. Hon valdi tað  seinna. Tað ið síðani hendi var,  at vit koyrdu listan í tvey,  settu Óla Hans á okkara  lista, sjálvandi, og sendu  Hjalmar Ingebrigtsen yvir  aftur til Soffi við listanum  við hennara nøvnum og  teimum stillarum, ið hon  hevði biðið skriva undir.  Har var einki krógvað og  einki gjørt, ið Soffi ikki  visti um, sum hon annars  roynir at gera tað til. Síðani  fingu vit stillarar til okkara  lista, og lótu hann inn á  kommunuskrivstovuna. "Sannleiksvitnið" Soffi Ikki kann sigast annað enn,  at tað er nógv í ákæruriti­ num, ið hon hevur sent til  myndugleikarnar ið ikki  passar: 1. Tað passar ikki, at hon  bleiv koyrd av listanum,  hon valdi tað sjálv. 2. Tað er kolasvørt lygn,  at Anni og undirritaði steðg­ aðu Hjalmar Ingebrigtsen  úti á alfara vegi og kravdu  at fáa listan frá honum. 3. Heldur ikki passar tað,  at eg einki hevði við listan  at gera. 4. Tað passar heldur ikki,  at eg skal hava forðað  Soffi ella nøkrum ørðum at  stilla upp. 5. Tað passar heldur ikki,  at hini valevnini á lista A  ikki vóru vitandi um broyt­ ingarnar við listanum. 6. Eg ringdi tvær ferðir  til Soffi og segði henni, at  nýggjur listi bleiv gjørdur  um vit ikki blivu samd, so  tað passar ikki, at hon í  seinastu løtu, av tilvild,  fekk at vita hvat hent var  við listanum. T. v. s. hon vendir øllum  á høvdi og fær tað at ljóða  trúligt; ikki sørt  "sofistiskt"!! Eisini stendur í skrivi­ num, at hon kundi havt  góðan møguleika at gerast  borgarstjóri í Kvívíkar  kommunu, um bert ein listi  kom inn. Hetta loyvi eg  mær at ivast í, tá ið hetta er  arbeiðshátturin, ið hon  brúkar.  Nei, tað ið nívir hasa  konuna er, at eg eisini fór  at gera ein lista. Hevði eg  ikki gjørt tað, hevði hon  kunnað latið ein lista inn,  har hon var høvuðsvalevni,  sambart teimum nøvnum,  hon nevndi fyri mær kvøld­ ið fyri, og tað var eisini tí,  at eg reageraði, sum eg  gjørdi. Hon sá nú sína  ætlan detta sundur. Helst  var tað tí hon var so ill  hendan góða morgun.  "Fjølmiðlagreðingurin" Sosialurin hevur verið  hennara miðstøð seinastu  tíðina og hava teir slúkt  øllum rátt, sum hon er  komin við. Fleiri ferðir er  hon sloppin á forsíðuna.  Undirritaði fekk greitt at  vita, tá teir tosaðu við meg,  at sama pláss sum hon,  fekk eg ikki. Eg eri annars  av tí áskoðan, at málið skal  fáa frið í fjølmiðlunum  soleingi tað verður viðgjørt  í IMR. Á Rás2 slapp hon  eisini framat at sverta meg  út, uttan at fáa ein einasta  kritiskan spurning, sjálvt  um teir tá kendu mína  søgu; eg hevði tá latið eina  nágreiniliga frágreiðing  inn til IMR. Objektivt,  ha!? KVF hevur eisini lisið  ákærurnar upp, men ikki  lisið mítt aftursvar til  innlendismálaráðið. Síðani Soffi Egholm  kom upp í kommunal­ politikk í Kvívík, hava tað  við jøvnum millumbili  verið negativar greinar um  okkara kommunu at sæð í  Sosialunum. Hetta hevur  ikki bøtt um samstarvið í  kommununustýrinum,  heldur tvørturímóti. Hvat  endamálið hevur verið, er  ikki gott at vita. Í hvussu  er hjálpir tað lítið at fara í  miðlarnar hvørjaferð tað  gongur einum ímóti. Tað er  ein óbrúkiligur máti at sam­ skifta við hinar kommunu­ stýrislimirnar uppá. Soffi hevur annars verið  á kommunustýrisfundi og  valt bæði borgarstjóra og  nevndir, í nývalda komm­ unustýrinum, uttan at mót­ mæla nøkrum sum helst!?!?  Tí kann man spyrja, hví  hon kærir. Her loypir ketan  av. Eg loyvi mær at ivast í,  um ketan nakrantíð hevur  verið uppi á? Eg vil at enda ynskja  nýggja kommunustýrinum  góða eydnu. Kommunan er  væl fyri fíggjarliga, so tað  er bara at fara til verka,  nógv er at tríva í, ikki minst  eldraøkið liggur á láni. ­­­­­ Viðmerking frá Sosialinum Heini Holm fekk allan  møguleika at úttala seg, tá  fyrsta greinin um komm­ unala stríðið í Kvívík varð  skrivað. Hann tók tó ikki  telefonina, tá ringt varð til  hansara og hevur seinni  sagt, at hann valdi at lata  vera við at taka telefonina,  tí hann visti, hvat sam­ røðan skuldi vera um. Seinni fekk hann  einsamallur møguleika  at  greiða frá sínari støðu.  Sjálvur vildi hann treyðugt  vera við, men tað eydnað­ ist at fáa hann at úttala seg.  Síðan tá hava allar grein­ irnar viðgjørt sjónarmiðini  hjá báðum pørtum, um­ framt, at blaðið hevur  greitt frá gongdini í  málinum. Blaðstj. Soffi Egholm tapti dyggiliga - einaferð afturat !!! stillari á lista A heini holm viðmerkingar