fríggjadagur 30. januar 2009síða 2

Vikuskifti 2 Nr. 21 • 30. januar 2009 Hóast hann er blaðungur, hevur Bjartur í Lágabø longu nomið sær eina útbúgving, ið nú kemur honum til góðar sum sjómaður. Í mars í fjør gjørdist hann maskinistur á Vinnuháskúlanum, eftir at hann fyrst hevur tikið 10. floks prógv við Vágs skúla, og SIT-prógv á Tekniska skúla í Havn. - Eg var mín fyrsta túr til skips við lemmatrolaranum Beinisvørði tíðliga í fjør heyst, og í oktober fekk eg kjans við rækjuskipinum Havborg úr Leirvík. Havborg er í løtuni á beding í Íslandi, og væntandi verður klárt at loysa aftur um eina viku ella so. - Eg fór umborð seint í oktober í fjør. Vit gjørdu tríggjar túrar á Flemmish Kap og fingu fult skip hvønn túrin. Bjartur var ikki heima ímillum hesar túrarnar, og tí var hann burtur í meira enn tríggjar mánaðir út í eitt. - Eg vil siga, at hetta var kanska í so leingi at vera burtur. Men tað er heldur ikki vanligt, at menn eru so leingi burtur í senn. Tað er kostnaðarmikið at skifta fólk, tá leiðin er so long. Vanligt er, at menn eru umborð í ein túr – og so heima í ein. Tað ljóðar meira passandi, heldur ungi maðurin fyri. Í løtuni er ikki endaliga gjørt av, hvar Havborg fer, tá skipið loysir aftur, men talan hevur verið um at fara til Eysturgrønlands. - Eg havi frítúr komandi túr, men ætli mær avgjørt við aftur. Mær dámar væl umborð á Havborg, siigur Bjartur. Tað var meira av tilvild, at Bjartur fekk kjans við rækjuskipinum. - Beiggi mín Eyðstein er maskin- maður umborð, og tað bar so á, at teimum vantaðu ein mann, tá skipið skuldi loysa í oktober. Beiggi mín læt tá reiðaríið vita, at eg var liðugur sum maskinistur, og mær eydnaðist at fáa kjans við skipinum. Sum 2. meistari umborð á Havborg er Bjartur 12 tímar á vakt í senn, og síðan hevur hann frí í 12 tímar. - Seks tímar av vaktini hjá mær eru saman við maskinstjóranum, og hinir seks eru saman við 1. meistaranum. Vanligu uppgávurnar hjá unga vágbinginum umborð á rækjutrolaranum eru eitt nú at syrgja fyri eftirliti og smyrjingum, bæði í maskinrúminum, á verksmiðjuni og á dekkinum. - Dagligu uppgávurnar kunnu eisini vera ymiskar, og onkuntíð havi eg sveisað okkurt, sum skuldi umvælast. Tá mest er at gera á verksmiðjuni, hjálpi eg eisini til í pakkingini, sigur Bjartur í Lágabø. Havborg tekur umleið 240 tons av kókaðum rækjum, men 400 tons av ráum rækjum. Við skipinum á Flemmish Kap hesar tríggjar túrarnar vóru 14 mans. umborð 21 ára gamal maskinmaður við Havborg Vágbingurin Bjartur í Lágabø hevur verið tríggjar túrar sum 2. meistari við rækjuskipinum Havborg úr Leirvík. Tá mest er at gera á verksmiðjuni, hjálpir hann eisini til í pakkingini Umborð Vilmund Jacobsen blaðmaður vilmund@sosialurin.fo Havborg er fyrrverandi South Island, ið var heimahoyrandi í Vági. Áðrenn vágbingar keyptu skipið og seinni leirvíkingar, var tað heimahoyrandi í Íslandi og kallaðist Bessi Sum 21 ára gamal er Bjartur í Lágabø úr Vági 2. meistari við rækjuskipinum Havborg, sum er heimahoyrandi í Leirvík